ສູນພະລັງງານອາຊຽນ, ມູນລະນິທິອາຊຽນ ແລະຫົວເຫວີຍ ຮ່ວມມືສ້າງພັນທະມິດດ້ານພະລັງງານແບບຍືນຍົງ ແລະນະວັດຕະກໍາດິຈິຕອນ

ຈາກາຕາ, ອິນໂດເນເຊຍ, 14 ເດືອນທັນວາ, 2023] ໃນໂຄງການລິເລີ່ມສ້າງຄວາມເຂັ້ມແຂງການຮ່ວມມືໃນພາກພື້ນ ແລະຊຸກຍູ້ການພັດທະນາແບບຍືນຍົງ, ສູນພະລັງງານຂອງອາຊຽນ (ACE) ແລະມູນນິທິອາຊຽນໄດ້ລົງນາມໃນບົດບັນທຶກຄວາມເຂົ້າໃຈ (MoUs) ກັບ ຫົວເຫວີຍ ໃນວັນທີ 12 ທັນວາ 2023, ທີ່ສໍານັກງານໃຫຍ່ອາຊຽນ, ນະຄອນຫຼວງຈາກາຕາ ປະເທດອິນໂດເນເຊຍ.

ໂດຍມີເຈົ້າ​ໜ້າ​ທີ່​ຂັ້ນ​ສູງຮ່ວມເປັນສັກຂີພະຍານໃນພິທີລົງນາມດັ່ງກ່າວ, ​ໃນ​ນັ້ນ​ມີ ທ່ານ ດຣ ເຄົາ ຄິມ ຮອນ (H.E. Dr. Kao Kim Hourn) ເລຂາທິການ​ໃຫຍ່​ອາ​ຊຽນ, ​ແລະ ທ່ານ​ ເຮັງ​ ຊາ​ລິດ (H.E. Amb. Heng Sarith) ຜູ້ຕາງໜ້າ​ຖາວອນ​ຂອງ​ລາດຊະ​ອານາຈັກ​ກຳປູ​ເຈຍ​ປະຈຳ​ອາ​ຊຽນ, ​ຜູ້ເຫັນຄວາມ​ສຳຄັນ​ຂອງ​ການ​ຮ່ວມ​ມື​ໃນ​ການ​ຊຸກຍູ້​ຄວາມ​ກ້າວໜ້າ.

ຂໍ້ຕົກລົງດັ່ງກ່າວແມ່ນບາດກ້າວບຸກທະລຸເພື່ອຮັດແໜ້ນສາຍພົວພັນ ແລະເປີດປະຕູໃຫ້ແກ່ຄວາມມານະພະຍາຍາມຮ່ວມກັນໃນບັນດາຂົງເຂດສຳຄັນ, ລວມທັງປະສິດທິພາບດ້ານພະລັງງານ, ການອະນຸລັກ ແລະການນຳໃຊ້ພະລັງງານທົດແທນ. ນອກຈາກນີ້ຍັງຊີ້ໃຫ້ເຫັນເຖິງຄວາມມຸ່ງຫມັ້ນຮ່ວມກັນໃນການເສີມສ້າງຄວາມເຂັ້ມແຂງຂອງຊາວຫນຸ່ມໃນພາກພື້ນໂດຍຜ່ານໂຄງການລິເລີ່ມການຫັນເປັນດິຈິຕອນ.

ທ່ານ ດຣ ນູກິ ອາຍະ ອູຕາມະ (Nuki Agya Utama), ຜູ້​ອຳ​ນວຍ​ການ​ບໍ​ລິ​ຫານ​ສູນ​ພະ​ລັງ​ງານ​ອາ​ຊຽນ, ສະ​ແດງ​ຄວາມ​ກະ​ຕື​ລື​ລົ້ນ​ກ່ຽວ​ກັບ​ການ​ຮ່ວມ​ມື. ທ່ານກ່າວວ່າ: “ການຮ່ວມມືກັບ ຫົວເຫວີຍ ຄັ້ງນີ້ເປັນການພິສູດໃຫ້ເຫັນເຖິງຄວາມມຸ່ງໝັ້ນຮ່ວມກັນຂອງພວກເຮົາໃນການປະຕິບັດດ້ານພະລັງງານແບບຍືນຍົງໃນພາກພື້ນອາຊຽນ, ໂດຍການນຳໃຊ້ຄວາມຊ່ຽວຊານ

ດ້ານເທັກໂນໂລຍີຂອງ ຫົວເຫວີຍ, ພວກເຮົາມຸ່ງໝັ້ນທີ່ຈະຂັບເຄື່ອນນະວັດຕະກໍາ ແລະປະກອບສ່ວນເຂົ້າໃນເປົ້າໝາຍທີ່ໄດ້ລະບຸໄວ້ໃນແຜນປະຕິບັດງານຂອງອາຊຽນໃນການຮ່ວມມືດ້ານພະລັງງານໄລຍະ II: 2021 – 2025.

ການລົງນາມບົດບັນທຶກຄວາມເຂົ້າໃຈ ລະຫວ່າງ ສູນພະລັງງານອາຊຽນ ແລະຫົວເຫວີຍ

ມູນນິທິອາຊຽນກໍມີຄວາມຕື່ນເຕັ້ນກ່ຽວກັບໂອກາດໃນການຮ່ວມມື. ທ່ານ ດຣ ປິຕິ ສີແສງນ້ຳ (Piti Srisangnam), ຜູ້ອໍານວຍການບໍລິຫານກ່າວວ່າ: ການລົງນາມ MoU ກັບ ຫົວເຫວີຍ ຖືເປັນການເຄື່ອນໄຫວຍຸດທະສາດເພື່ອຊຸກຍູ້ໂຄງການຮ່ວມມືຂອງພວກເຮົາ, ນັ້ນກໍຄືແກ່ນພັນແຫ່ງອະນາຄົດ (ASEAN Seeds for the Future). ການຮ່ວມມືນີ້ຈະໃຫ້ໄວໜຸ່ມໃນພາກພື້ນມີກາລະໂອກາດອັນລ້ຳຄ່າສຳລັບການເຕີບໂຕ ແລະການພັດທະນາໃນຂົງເຂດດິຈິຕອລ.

ການລົງນາມບົດບັນທຶກຄວາມເຂົ້າໃຈ ລະຫວ່າງ ມູນລະນິທິອາຊຽນ ແລະຫົວເຫວີຍ

ທ່ານ ໄຊມ່ອນ ຫຼິນ (Simon Lin), ປະທານບໍລິສັດຫົວເຫວີຍອາຊີປາຊີຟິກ, ໄດ້ເນັ້ນໜັກເຖິງຄວາມຕັ້ງໃຈຂອງບໍລິສັດໃນການຊຸກຍູ້ການພັດທະນາພາກພື້ນວ່າ: “ຫົວເຫວີຍຮູ້ສຶກເປັນກຽດທີ່ໄດ້ຮ່ວມມືກັບສູນພະລັງງານອາຊຽນ ແລະມູນນິທິອາຊຽນ,ພວກເຮົາຈະໝູນໃຊ້ຄວາມຊ່ຽວຊານດ້ານເຕັກໂນໂລຊີ ແລະຄວາມອາດສາມາດຂອງລະບົບນິເວດຂອງພວກເຮົາເພື່ອສະໜັບສະໜູນໃຫ້ມີຄວາມຈະເລີນຮຸ່ງເຮືອງ ແລະ ອາ​ຊຽນ​ແບບ​ຍືນ​ຍົງ​ທີ່​ສະທ້ອນຂ້າມ​ຊາຍ​ແດນ​ ແລະ​ຫຼາຍ​ລຸ້ນ​ຄົນ.”

ສູນພະລັງງານຂອງອາຊຽນ, ມູນນິທິອາຊຽນ, ແລະຫົວເຫວີຍ ຮູ້ສຶກຕື່ນເຕັ້ນໃນການຮ່ວມມືໃນຄັ້ງນີ້ເນື່ອງຈາກເປັນສິ່ງທີ່ສະທ້ອນໃຫ້ເຫັນເຖິງຄວາມສາມັກຄີ ແລະຄວາມມຸ່ງໝັ້ນຮ່ວມກັນເພື່ອເປົ້າໝາຍການພັດທະນາແບບຍືນຍົງຂອງອາຊຽນ.

• 21/12/2023