ສີໂຄດຕະບອງ ຮັບມະຫາຊົນກ້າວໜ້າເຂົ້າເປັນສະມາຊິກອະນຸຊົນ-ເຍົາວະຊົນທັນວາ 1.000 ກວ່າຄົນ

ຄະນະບໍລິຫານງານຊາວໜຸ່ມ ປະຊາຊົນ ປະຕວັດລາວ ເມືອງສີໂຄດຕະບອງ ຈັດພິທີຮັບມະຫາຊົນກ້າວໜ້າເຂົ້າເປັນສະມາຊິກອະນຸຊົນ-ເຍົາວະຊົນທັນວາລວມໝູ່ທົ່ວເມືອງ ປະຈໍາສົກ2023-2024 ໃນວັນທີ 8 ທັນວາ 2023 ທີ່ຫໍພິພິຕະພັນປະທານ ໄກສອນ ພົມວິຫານ ເຊິ່ງໃນຊຸດນີ້ຮັບເອົາເຖິງ 1.000 ກວ່າຄົນ.

ຈຸດປະສົງຂອງພິທີດັ່ງກ່າວຈັດຂຶ້ນເພື່ອເປັນການສ້າງຂະບວນການຄຳນັບຊົມເຊີຍວັນສຳຄັນຂອງຊາດຂອງພັກກໍຄືວັນຊາດທີ 2 ທັນວາ ຄົບຮອບ 48 ປີ ວັນສ້າງຕັ້ງກອງເຍົາວະຊົນທັນວາຄົບຮອບ 68 ປີ ວັນຄ້າຍວັນເກີດປະທານ ໄກສອນພົມວິຫານ ຄົບຮອບ 103 ປີ ແລະວັນສໍາຄັນຕ່າງໆຂອງຊາດຂອງພັກໃຫ້ເປັນຂະບວນຟົດຟື້ນພ້ອມກັນນັ້ນເພື່ອເປັນການບຳລຸງສ້າງພະນັກງານຮຸ່ນສຶບທອດພາລະກິດຂອງພັກປະຊາຊົນປະຕິ ວັດລາວ ໃຫ້ໄດ້ຄຸນະພາບດີມີຄຸນສົມບັດສິນທຳປະຕິວັດມີຄວາມຮູ້ຄວາມສາມາດຈຶ່ງຈຳເປັນຕ້ອງສ້າງອະນຸຊົນ-ເຍົາວະຊົນເຂົ້າສູ່ຖັນແຖວຂອງການຈັດຕັ້ງເຍົາວະຊົນທັນວາ ເຊິ່ງແມ່ນອົງການມະຫາຊົນຂອງເດັກນ້ອຍລາວບັນດາເຜົ່າທີ່ມີຄະນະຊາວໜຸ່ມປະຊາຊົນປະຊາຊົນປະຕິວັດລາວເປັນຜູ້ນຳພາ-ຊີ້ນໍາໂດຍກົງຮອບດ້ານ ພາຍໃຕ້ການຊີ້ນໍາຂອງພັກປະຊາຊົນປະຕິວັດລາວເປັນການຈັດຕັ້ງຂອງເຍົາວະ ຊົນລາວບັນດາເຜົ່າຜູ້ທີ່ມີຄວາມຫ້າວຫັນດີເດັ່ນຜ່ານການເຝິກຝົນຫຼໍ່ຫຼອມຈາກຂະບວນການຕົວຈິງຂອງມະຫາຊົນ.

ອະນຸຊົນ-ເຍົາວະຊົນປຽບເໝືອນເຈ້ຍຂາວທີ່ບໍລິສຸດຖ້າເຮົາແຕ້ມສີໃດໃສ່ກໍ່ເປັນສີນັ້ນພັກຈຶ່ງໄດ້ຖືສຳຄັນທີ່ສຸດສ້າງທຸກກາລະໂອກາດເພື່ອເຕົ້າໂຮມເອົາອະນຸຊົນ-ເຍົາວະ ຊົນເຂົ້າສູ່ການຈັດຕັ້ງສຶກສາອົບຮົມໃຫ້ເຂົາເຈົ້າເອົາໃຈ່ໃສໃນການຄົ້ນຄວ້າຮໍ່າຮຽນເຝິກຝົນຫຼໍ່ຫຼອມຄຸນສົມບັດສິນທຳປະຕິວັດໄປຕາມລະບຽບແບບແຜນຂອງເຍົາວະ ຊົນ ປະຕິບັດຄຳຂວັນເຍົາວະຊົນທັນວາທີ່ວ່າ “ເພື່ອພາລະກິດຂອງຊາດເຍົາວະຊົນກຽມພ້ອມ” ພ້ອມກັນປະຕິບັດຄຳສອນຂອງປະທານສຸພານຸວົງໄດ້ມອບໃຫ້ 6 ຮັກ 3 ຊັງ ຂໍ້ແຂ່ງຂັນ 3 ດີ 4 ຮູ້ ຂອງເຍົາວະຊົນທັນວາ ຄຸນລັກສະນະ 3 ຮ ຄື ຮັກ ຮຽນ ຮູ້ ໃຫ້ເຂົ້າສູຊີວິດຕົວຈິງ ໃນພິທີໄດ້ຮັບມະຫາຊົນກ້າວໜ້າເປັນອານຸຊົນ-ເຍົາວະຊົນທັນ ວາ 1.362 ຄົນ ຍິງ 653 ຄົນ ມາຈາກ 43 ໂຮງຮຽນໃນທົ່ວເມືອງ.

ເຂົ້າຮ່ວມໃນພິທີຄັ້ງນີ້ມີທ່ານ ທະວີໄຊ ເໝົາຊົມພູ ເຈົ້າເມືອງສີໂຄດຕະບອງທ່ານ ຫຸມແພງ ສີສົມບັດ ວ່າການເລຂາຊາວໜຸ່ມ ນະຄອນຫຼວງວຽງຈັນ ທ່ານນາງ ສີສຸດາ ເພັງພົງສະຫວັດ ເລຂາຊາວໜຸ່ມເມືອງສີໂຄດຕະບອງພ້ອມດ້ວຍຄູ-ອາຈານ ສະມາ ຊິກອານຸຊົນ-ເຍົາວະຊົນ ແລະຂະແໜງການກ່ຽວຂ້ອງ.
ທີ່ມາ: VientianeMai

แชร์