ໄດ້ຮັບທິດສົ່ງເສີມຂອງພັກ-ລັດ ວີເຄ ການຄ້າ ເຕີບໃຫຍ່ຄຽງຄູ່ເຮັດທຸລະກິດປະສິດຕິພາບ

ຈາກທິດຊີ້ນຳພາຂອງພັກ-ລັດ ໂດຍສະເພາະນະໂຍບາຍໃນເລື່ອງຂອງການຮ່ວມມືລັດ ແລະທຸລະກິດ ເປັນສິ່ງສຳຄັນຂອງການພັດທະນາປະເທດຊາດໄດ້ຮັບການເຊື່ອໝັ່ນສັງຄົມ ແລະກຸ່ມບໍລິສັດຂອງພວກເຮົາໄດ້ມາດຕະຖານລະດັບສາກົນບໍ່ວ່າຈະເປັນສິນຄ້າ ແລະການບໍລິການ ພວກເຮົາໄດ້ເອົາໃຈໃສ່ກວດສອບ ແລະພັດທະນາອົງກອນໃຫ້ມີຄວາມກ້າວໜ້າໄປເລື້ອຍໆ ກາລັນຕີດ້ວຍລາງວັນທີ່ພວກເຮົາຄວ້າມາໄດ້ຢ່າງຫຼວງຫຼາຍ.

ນາງ ວຽງຄຳ ທອງນາລີ ປະທານ ບໍລິສັດ ວີເຄ ການຄ້າ ຂາເຂົ້າ-ຂາອອກ ຈຳກັດຜູ້ດຽວ ໄດ້ໃຫ້ສຳພາດຄວາມຮູ້ສຶກຕໍ່ວັນຊາດສຳຄັນຂອງຊາດເນື່ອງໃນໂອກາດວັນຊາດທີ 2 ທັນວາ ຄົບຮອບ 48 ປີ (ວັນທີ 2 ທັນວາ 1975-2 ທັນວາ 2023) ໄດ້ໝູນວຽນມາບັນຈົບຄົບຮອບອີກວາລະໜຶ່ງໃນນາມເປັນຄົນລາວຜູ້ໜຶ່ງຮູ້ສຶກມີກຽດ ແລະພາກພູມໃຈເປັນຢ່າງຍິ່ງທີ່ໄດ້ເກີດເປັນຄົນລາວທີ່ມີມູນເຊື້ອອັນອົງອາດກ້າແກ່ນບໍ່ຍອມຈໍານົນຕໍ່ຊາດອື່ນພວກເຮົາມີບັນພະບູລຸດຂອງຊາດລາວ ແລະມີພັກປະຊາຊົນ ປະຕິວັດລາວນໍາພາຕໍ່ສູ້ກູ້ຊາດຈົນສາມາດປົດປ່ອຍປະເທດຊາດນໍາພາປວງຊົນລາວທັງຊາດປົກປັກຮັກສາ ແລະສ້າງສາພັດທະນາປະເທດຊາດ ໃຫ້ປະຊາຊົນມີຄວາມຢູ່ເຢັນເປັນສຸກ, ປະເທດຊາດມີຄວາມຈະເລີນມາເປັນກ້າວໆ ຈົນເທົ່າທຸກວັນນີ້ ແລະຕໍ່ໆໄປ.

ຂ້າພະເຈົ້າຂໍອວຍໄຊໃຫ້ພອນມາຍັງການນໍາພັກ-ລັດ ຈົ່ງມີສຸຂະພາບພະລານາໄມເຂັ້ມແຂງສືບຕໍ່ນໍາພາປະເທດຊາດໄປເຖິງຈຸດໝາຍແຫ່ງສັງຄົມນິຍົມຕາມເປົ້າໝາຍທີ່ຕັ້ງໄວ້. ຂໍອວຍໄຊໃຫ້ພອນມາຍັງພະນັກງານ, ທະຫານ, ຕໍາຫຼວດ ແລະ ພີ່ນ້ອງຮ່ວມເຊື້ອຊາດລາວທຸກເຜົ່າຊົນທັງພາຍໃນ ແລະຕ່າງປະເທດທີ່ຮັກເຊື້ອແພງຊາດຈົ່ງປະສົບແຕ່ຄວາມສຸກກາຍສະບາຍໃຈອາຍຸໝັ້ນຂວັນຍືນຈະເລີນກ້າວໜ້າໃນການປະກອບສຳມາອາຊີບຂອງແຕ່ລະທ່ານດ້ວຍຄວາມຜາສຸກສະບາຍດີຕະຫຼອດໄປ.
ສຳລັບບໍລິສັດ VK TRADING IMP-EXPT SOLE CO., LTD ໄດ້ສ້າງຕັ້ງຂຶ້ນໃນເດືອນທັນວາປີ 2009, ກິດຈະກໍາຕົ້ນຕໍຂອງພວກເຮົາແມ່ນຂາຍລົດບັນທຸກ, ເຄື່ອງຈັກອຸດສາຫະກຳ, ເຄື່ອງກົນຈັກໜັກ, ເຄື່ອງໃຊ້ໄຟຟ້າ, ເຄື່ອງຈັກອຸດສາຫະກຳໄວໄຟ, ຜະລິດຕະພັນກະເສດ, ບໍລິການຫລັງການຂາຍ
ໃນປະຈຸບັນ, ບໍລິສັດຂອງພວກເຮົາແມ່ນໜຶ່ງໃນ ສປປ ລາວ. ຕົວແທນຈໍາໜ່າຍລົດຍີ່ຫໍ້ JAC, GAC, Volkswagen ທີ່ຖືກອະນຸຍາດ, ເຄື່ອງກົນຈັກໜັກຍີ່ຫໍ້ LIUGONG, ລົດບັນທຸກ ໜັກSINOTRUCK ແລະ ຍີ່ຫໍ້ SINOPEC ອຸດສາຫະກຳທີ່ໄວໄຟ.

ໃນປີ 2016 ບໍລິສັດຂອງພວກເຮົາໄດ້ຖືກຍົກຂຶ້ນມາເປັນບໍລິສັດນໍາເຂົ້າລົດໃຫຍ່ຈາກປະເທດຈີນເຊິ່ງການຂາຍແມ່ນຢູ່ໃນອັນດັບໜຶ່ງໃນລາວ. ບໍລິສັດອັນດັບໜຶ່ງໃນການຕອບສະໜອງເຄື່ອງຈັກໜັກ ແລະບໍລິສັດອັນດັບໜຶ່ງທີ່ຂາຍເຄື່ອງໃຊ້ໄຟຟ້າຈາກປະເທດຈີນ.

ຜົນງານອັນໂດດເດັ່ນຂອງບໍລິສັດບໍລິສັດ VK TRADING IMP-EXPT SOLE CO. LTD. ໄດ້ສ້າງຕັ້ງຂຶ້ນໃນເດືອນທັນວາ 2009.ໃນປີ 2010 ໄດ້ຖືກແຕ່ງຕັ້ງໂດຍ JAC Motor of China ໃຫ້ເປັນຜູ້ຈຳໜ່າຍ ຜູ້ດຽວໃນປະເທດ ລາວ,ໃນປີ 2011 ໄດ້ລົງນາມເປັນຕົວແທນຈໍາໜ່າຍ SINOTRUCK ໃນ ສປປ ລາວ. ໃນປີ 2013 ໄດ້ເຊັນເປັນຕົວແທນຈໍາໜ່າຍ LIUGONG ໃນ ສປປ ລາວ. ໃນປີ 2016 ໄດ້ສ້າງຕັ້ງໂຮງງານປະກອບລົດບັນທຸກເຊິ່ງເປັນໂຮງງານຂອງມາດຕະຖານສາກົນໃນ ສປປ ລາວ ໃນເດືອນທັນວາປີ 2016 ໄດ້ສະໜອງວັດສະດຸ ແລະເຄື່ອງກົນຈັກໜັກເຂົ້າໃນໂຄງການກໍ່ສ້າງທາງລົດໄຟ ລາວ - ຈີນ. JAC ຂອງພວກເຮົາຍັງໄດ້ເຂົ້າຮ່ວມຂະບວນແຫ່ຂອງງານສະເຫຼີມສະຫຼອງວັນຊາດລາວ 2016. 8. ໃນເດືອນພຶດສະພາ 2017 ໄດ້ລົງນາມເປັນຕົວແທນຈໍາໜ່າຍນໍ້າມັນ SINOPEC ໃນ ສປປ ລາວ

แชร์