ທຳລາຍຊິ້ນສ່ວນສັດປ່າທີ່ຢຶດຕາມທ້ອງຕະຫຼາດ 114,1 ກິໂລກຼາມ

ໜ່ວຍງານກວດປ່າໄມ້ ຫ້ອງການກະສິກຳ ແລະປ່າໄມ້ເມືອງຍົມມະລາດ ແຂວງຄຳມ່ວນ ໄດ້ລົງກວດກາຕະຫຼາດບ້ານໂຄກສະຫວ່າງ ເມືອງຍົມມະລາດ ແຂວງຄຳມ່ວນ ຜົນການກວດກາໄດ້ພົບເຫັນການລັກລອບຊື້ - ຂາຍສັດປ່າຄຸ້ມຄອງ ແລະ ສັດປ່າສະຫງວນທີ່ຜິດຕໍ່ລະບຽບກົດໝາຍ ສັດນໍ້າ-ສັດປ່າ ທັງວາງຂາຍ ແລະຊຸກເຊື່ອງຢູ່ກ້ອງໂຕະ ຈຳນວນ 88 ໂຕ ມີນໍ້າໜັກລວມທັງໝົດ 114,1 ກິໂລກຼາມ ເຊິ່ງປະກອບມີ: ກະຮອກ ຈໍານວນ 19 ໂຕ ມີນໍ້າໜັກຈຳນວນ 5,8 ກິໂລ, ອົ້ນ ຈຳນວນ 2 ໂຕ ນນໍ້າໜັກ 2 ກິໂລ, ເຫງັນ ຈໍານວນ 4 ໂຕ ມີນໍ້າໜັກຈຳນວນ 4,7 ກິໂລ, ໜູຫວາຍ ຈຳນວນ 12 ໂຕ ມີນ້າໜັກຈຳນວນ 4,9 ກິໂລ, ບ່າງລົ້ວ ຈຳນວນ 27 ໂຕ ມີນໍ້າໜັກຈຳນວນ 53,2 ກິໂລ, ຂາດາງ ຈໍານວນ 2 ໂຕ ມີນໍ້າໜັກຈຳນວນ 3 ກິໂລ, ຂະຍຸ 8 ໂຕ ມີນໍ້າໜັກຈຳນວນ 3,5 ກິໂລ, ນົກຫອນຈຸກ 14 ໂຕ, ຊີ້ສ່ວນໝູປ່າ ຈຳນວນ 36 ກິໂລ ແລະຊີ້ນຟານຈໍານວນໜຶ່ງ. ລວມມີນໍ້າໜັກທັງໝົດ 114,1 ກິໂລ ສ່ວນເຈົ້າຂອງສັດປ່າແມ່ນໄດ້ເອົາຕົວລົບໜີໄປຫຼັງຈາກນັ້ນທາງໜ່ວຍງານປ່າໄມ້ ກໍ່ໄດ້ເຮັດບົດບັນທຶກອາຍັດໄວ້ ແລະນຳມາເກັບຮັກສາໃວ້ທີ່ຫ້ອງການກະສິກຳ ແລະປ່າໄມ້ເມືອງ.


ຫຼັງຈາກນັ້ນໃນວັນທີ 1 ທັນວາ 2023 ທາງຫ້ອງການກະສິກຳ ແລະປ່າໄມ້ເມືອງຍົມມະລາດກໍ່ໄດ້ຈັດພິທີທຳລາຍຊິ້ນສ່ວນສັດທີ່ຍຶດມາໄດ້ແມ່ນນຳມາທຳລາຍດ້ວຍວິທີການຝັງດິນ.

แชร์