Snowsky Salt ໄດ້ຮັບໃບຢັ້ງຢືນດ້ານເກືອໃນລະບົບນິເວດ ແລະເກືອຫີນ ໃນ ສປ ຈີນ

ກອງປະຊຸມຖະແຫຼງຂ່າວມອບໃບຢັ້ງຢືນດ້ານເກືອໃນລະບົບນິເວດ ແລະເກືອຫີນຂອງຈີນ ຈັດຂຶ້ນຢູ່ທີ່ Beijing ສປ ຈີນ ໃນວັນທີ 27 ພະຈິກ 2023 ເຊິ່ງກຸ່ມອຸດສາຫະກໍາເກືອ Snowsky Salt Industry Group (Snowsky Salt 600929.SH) ຜູ້ຜະລິດເກືອທີ່ມີຊື່ສຽງໃນປະເທດຈີນ ໄດ້ຮັບ ໃບຢັ້ງຢືນດ້ານເກືອໃນລະບົບນິເວດ ແລະເກືອຫີນເປັນຄັ້ງທຳອິດໃນປະເທດ.

ໃບຢັ້ງຢືນດັ່ງກ່າວມອບໂດຍສະພາອຸດສາຫະກຳເບົາແຫ່ງປະເທດຈີນ Snowsky Salt ຖືໄດ້ວ່າເປັນຜູ້ຜະລິດເກືອທີ່ມີຄຸນນະພາບຫັນປ່ຽນຈາກຜູ້ຜະລິດເກືອໃຫ້ກາຍເປັນຜູ້ສະໜັບສະໜູນດ້ານມາດຕະຖານເກືອໃນລະບົບນິເວດ ແລະເກືອຫີນ.

ການໄດ້ຮັບໃບຢັ້ງຢືນເກືອໃນລະບົບນິເວດ ແລະເກືອຫີນແມ່ນອີງໃສ່ຜົນການປະເມີນທີ່ສອດຄ່ອງກັນກັບເງື່ອນໄຂດ້ານວິຊາການທີ່ກ່ຽວຂ້ອງທີ່ລວບລວມຮ່ວມກັນໂດຍ Snowsky Salt ແລະ 16 ແຫ່ງທຸລະກິດ ສະຖາບັນ ແລະສະຖາບັນຄົ້ນຄ້ວາ.

ພາຍໃຕ້ຂໍ້ກໍານົດການຜະລິດເກືອໃນລະບົບນິເວດ ແລະເກືອຫີນແມ່ນຈໍາເປັນເພື່ອຮັບຮອງເອົາສາຍການຜະລິດທີ່ເສລີໂດຍບໍ່ນຳໃຊ້ສານເຄມີບໍ່ມີການເພີ່ມໂພແທດຊຽມເຟີໂລໄຊຍາໄນ potassium ferrocyanide ແລະການໃຊ້ສານວັດຖຸເຈືອປົນອາຫານທີ່ຈໍາກັດ.

ຜະລິດຕະພັນເກືອໃນລະບົບນິເວດ ແລະເກືອຫີນເຫຼົ່ານີ້ຈະຕ້ອງຖືກຜະລິດຢູ່ໃນພື້ນທີ່ການຜະລິດເຊິ່ງມີຕົວຊີ້ວັດການປົກປັກຮັກສາສິ່ງແວດລ້ອມຈະຕ້ອງເປັນໄປຕາມຂໍ້ກຳນົດທີ່ກ່ຽວຂ້ອງ ແລະນໍ້າທີ່ໃຊ້ໃນການສະກັດເອົານໍ້າເກືອຈະຕ້ອງເປັນນໍ້າຜິວດິນຊັ້ນສາມ class III ຫຼື ນໍ້າໃຕ້ດິນຊັ້ນສາມ III ໂດຍບໍ່ມີສານ anionic surfactant.

ຄວາມຕ້ອງການໃນຂໍ້ກໍານົດເພື່ອຕົວຊີ້ບອກຄຸນນະພາບທີ່ດີກວ່າຄວາມຕ້ອງການຂອງຜະລິດຕະພັນເກືອຊັ້ນນໍາພາຍໃຕ້ມາດຕະຖານ GB / T 5461 ສໍາລັບເກືອໃນປະເທດຈີນ ເກືອໃນລະບົບນິເວດ ແລະ ເກືອຫີນຂອງ Snowsky Salt ອາດຈະຊ່ວຍທໍາລາຍອຸປະສັກການຄ້າທີ່ກ່ຽວຂ້ອງສໍາລັບຜະລິດຕະພັນເກືອລະດັບສູງ ແລະ ສະໜັບສະໜູນຜະລິດຕະພັນເກືອຂອງຈີນໃຫ້ "ໄປທົ່ວໂລກ" ເນື່ອງຈາກຄວາມຕ້ອງການດ້ານຄຸນນະພາບທັງພາຍໃນ ແລະມາດຕະຖານສາກົນ.

Snowsky Salt ສ້າງຕັ້ງຂຶ້ນໃນເດືອນທັນວາ 2011 ເຊິ່ງ Snowsky Salt ເປັນເຈົ້າຂອງ 6 ບໍລິສັດຜະລິດເກືອທີ່ມີຊື່ສຽງລະດັບປະເທດ ມີ 18 ສາຂາການຕະຫຼາດໃນພາກພື້ນ ແລະໜຶ່ງບໍລິສັດການຄ້າໃນຈີນ ມີມູນຄ່າການຄ້າ 10.435 ຕື້ຢວນ ແລະ ຜະລິດຕະພັນເກືອດັ່ງກ່າວໄດ້ຖືນຳໃຊ້ເຂົ້າໃນການແຂ່ງຂັນ ເອຊຽນເກມຄັ້ງທີ 19 ແລະການແຂ່ງຂັນຂອງສະມາຄົມອາຫານຈີນ ໄດ້ຖືກສົ່ງອອກໄປອາຊີຕາເວັນອອກອາຊີຕາເວັນອອກສຽງໃຕ້ ແລະອາຟຣິກາ.

ທ່ານ Feng Chuanliang ປະທານສະພາບໍລິຫານບໍລິສັດ Snowsky Salt ກ່າວວ່າ: ບໍລິສັດຈະໃຊ້ປະໂຫຍດຈາກໃບອະນຸຍາດຂອງໃບຢັ້ງຢືນເກືອໃນລະບົບນິເວດ ແລະເກືອຫີນ ແຫ່ງທຳອິດໃນປະເທດຈີນ ເພື່ອນຳມາພາຍໃຕ້ພາລະກິດຂອງ “ການພັດທະນາເກືອນິເວດທີ່ມີຄຸນນະພາບດີໃຫ້ກັບຫຼາຍພັນຄົວເຮືອນ” ຜະລິດຕະພັນເກືອທີ່ປອດໄພສະອາດ ແລະດີຕໍ່ສຸຂະພາບອອກໄປທົ່ວໂລກ.

แชร์