ສທຍ ຮ່ວມ ADB ສຳມະນານັກທຸລະກິດຍິງ ມີສ່ວນຮ່ວມການຄ້າລະຫວ່າງປະເທດ

ໃນວັນທີ 14 ພະຈິກ 2023 ທີ່ ໂຮງແຮມຄຣາວພລາຊາ ສະມາຄົມນັກທຸລະກິດແມ່ຍິງ (ສທຍ) ຮ່ວມກັບ ທະນາຄານພັດທະນາອາຊີ (ADB) ໄດ້ຈັດກອງປະຊຸມສຳມະນາສຳລັບນັກທຸລະກິດແມ່ຍິງ ໃນຫົວຂໍ້: ການມີສ່ວນຮ່ວມໃນການຄ້າລະຫວ່າງປະເທດທີ່ດີ່ທີ່ສຸດໂດຍໄດ້ຮັບການສະໜັບສະໜູນຈາກທະນາຄານ ADBພາຍໃຕ້ການເປັນປະທານກອງປະຊຸມຂອງ ທ່ານ ນ. Sonomi Tanaka ຜູ້ອຳນວຍການທະນາຄານ ADB ປະຈຳ ສປປ ລາວ, ທ່ານ Roberto Leva ຜູ້ຈັດການການພົວພັນລູກຄ້າ ແລະທ່ານ ນ.ຈັນທະຈອນ ວົງໄຊ ປະທານ ສທຍ ພ້ອມດ້ວຍພະນັກງານ ສທຍ, ມີຜູ້ເຂົ້າຮ່ວມຈາກ ສະມາຄົມຫັດຖະກຳ, ສະມາຄົມ Lao SME, ສຄອຊ ລວມທັງໝົດ 46 ທ່ານ.


ເປັນນັກທະວິຍາກອນໂດຍທ່ານ Vincent O'Breitn ຜູ້ອຳນວຍການສະພາການຄ້າສາກົນ ສາຫະລັດ ອາຣັບ ເອມິເຣັດ, ທ່ານ Roger Packam ຜູ້ຈັດການການພົວພັນລູກຄ້າທະນາຄານ ADB ແລະ ທ່ານ ນ. ປະມວນ ເພັດທານີ ຜູ້ກໍ່ຕັ້ງ ແລະຜູ້ອຳນວຍການສູນການຮຽນຮູ້ສີຂຽວ.

ກອງປະຊຸມໄດ້ໃຫ້ຮູ້ລາຍລະອຽດກ່ຽວກັບແຜນການເງິນສະໜອງທຶນເພື່ອການຄ້າ, ການນຳສະເໜີກ່ຽວກັບການດຳເນີນການຄ້າລະຫວ່າງປະເທດ, ຂັ້ນຕອນການນຳເຂົ້າ ແລະສົ່ງອອກສິນຄ້າ ແລະວິທີການຊໍາລະຕ່າງໆລະຫວ່າງປະເທດ ແລະຄວາມຮູ້ກ່ຽວກັບນະໂຍບາຍຕ່າງໆ, ກອງປະຊຸມຄັ້ງນີ້ໄດ້ຮັບຜົນດີຕາມຄາດໝາຍ.

แชร์