ອັດຕະປື ກຳນົດກິດຈະກຳຫຼິ້ນບຸນປີໃໝ່ລາວ

ບຸນປີໃໝ່ລາວ ພສ 2562 ທີ່ໃກ້ຈະມາເຖິງນີ້ແຂວງອັດຕະປືໄດ້ມີການກະກຽມຫຼາຍກິດຈະກຳເພື່ອ ສົ່ງເສີມວັດທະນະທຳ ແລະດຶງດູດເອົານັກທ່ອງທ່ຽວ ຊຶ່ງປະເພນີບຸນປີໃໝ່ລາວແມ່ນນອນຢູ່ໃນຮີດ ສິບສອງຄອງສິບສີ່ຮີດຍີ່ຄອງຈຽງທີ່ປະຊາຊົນບັນດາເຜົ່າໄດ້ພ້ອມກັນ ອະນຸຮັກສືບສານມາເຖິງທຸກວັນນີ້ ແລະໄດ້ກາຍເປັນປາງບຸນໃຫຍ່ບຸນ ມະຫາຊາດກາຍເປັນມໍລະດົກຕົກທອດຈາກຮຸ່ນສູ່ຮຸ່ນຮອດເທົ່າທຸກວັນນີ້.

ທ່ານ ນາງ ບຸນນານບຸນນະແສງ ຫົວໜ້າພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວ ( ຖວທ ) ແຂວງອັດຕະປື  ໃຫ້ຮູ້ວ່າ: ກິດຈະກຳເພື່ອຕ້ອນຮັບບຸນປີໃໝ່ ລາວ ພສ 2562 ຈະຄ້າຍຄືກັນກັບ ທຸກໆປີທີ່ຜ່ານມາ ຊຶ່ງເປັນການສືບ ສານຮີດຄອງປະເພນີທີ່ເປັນເອກະລັກ ທີ່ເປັນມູນເຊື້ອຂອງປະຊາຊົນລາວ ບັນດາເຜົ່າມາແຕ່ດຶກດຳບັນອັນທີ ໜຶ່ງເລື່ອງການຫົດສົງພະພຸດທະ ຮູບຕາມວັດວາອາຣາມຕ່າງໆເປັນ ເວລາໃນໄລຍະ 3 ວັນຂອງງານ ບຸນປີໃໝ່ລາວ,  ສຳລັບກິດຈະກຳ ປະກອບສ່ວນໃຫ້ງານປີໃໝ່ລາວປີນີ້ ມີບັນຍາກາດ ແລະຮັກສາໄດ້ຮີດ ຄອງປະເພນີເຊັ່ນ: ໃນຄືນຂອງ ວັນທີ 12-13 ຈະມີການປະກວດ ອາພອນເຜົ່າເອກະລັກ ແລະອາ ພອນເຜົ່າສິລະປະຍຸກໃນ 11 ຊົນ ເຜົ່າຂອງແຂວງອັດຕະປື, ມີການ ສະເເດງສິລະປະວັດທະນະທຳ ຊຶ່ງ ລາຍການທີ່ນຳມາສະເເດງນັ້ນແມ່ນ ລາຍການທີ່ໄດ້ເຄື່ອນໄຫວຮັບໃຊ້ໃນ ປີທ່ອງທ່ຽວລາວ2018 ເວົ້າ ສະເພາະແມ່ນແຕ່ລະເມືອງກໍ່ຕ້ອງ ໄດ້ມີລາຍການທີ່ເປັນເອກະລັກຂອງ ຕົນເອງເຂົ້າຮ່ວມ, ສຳລັບກິດຈະ ກຳອື່ນໆແມ່ນໄດ້ສຸມໃສ່ຊຸກຍູ້ໃຫ້ກາຍເປັນຂອງທົ່ວປວງຊົນ ໂດຍ ສະເພາະແມ່ນຮີດຄອງປະເພນີໃນ ການຫົດສົງພະພຸດທະຮູບໃນແຕ່ລະ ວັນຂອງວາລະປີໃໝ່ເປັນຕົ້ນແມ່ນ ການປ່ຽນພະບ່ຽງຂອງຢະອົງແສນ ທີ່ວັດສະເເຄະ, ມີຂະບວນແຫ່ມວນ ຊົນໃນມື້ວັນທີ 15 ເມສາ ຕິດພັນ ກັບຂະບວນແຫ່ແມ່ນການບາສີສູ່ ຂວັນຊຸມຊົນ ແລະຖືເອົາໂອກາດ ດັ່ງກ່າວ ຊຶ່ງຈະໄດ້ຮັບຟັງການ ອວຍພອນປີໃໝ່ຈາກການນຳຂອງ ແຂວງອີກດ້ວຍ. ສຳລັບພະແນກ ຖວທ ແຂວງອັດຕະປື ກໍ່ຈະໄດ້ມີພິ ທີຕັກບາດຖວາຍສັງກະທານຢູ່ພະ ແນກ, ຈ ັດງານລ້ຽງສັ່ງສັນຕ້ອນຮັບ ປີໃໝ່, ເຊື້ອເຊີນເອົາພະແນກວັດ ທະນະທຳ-ກີລາ ແລະທ່ອງທ່ຽວ ແຂວງກອນຕູມ ສສ ຫວຽດນາມ, ພະແນກທ່ອງທ່ຽວແຂວງລັດຕະນະ ຄີລີທີ່ຈະມາຢ້ຽມຢາມ ແລະທ່ອງ ທ່ຽວໃນປີທ່ອງທ່ຽວແຂວງອັດຕະ ປື ໃນໂອດກາດບຸນປີໃໝ່ລາວ 2019 ນີ້ອີກດ້ວຍ.

ທ່ານ ນາງ ບຸນນານ ບຸນນະ ແສງ  ຫົວໜ້າພະແນກ  ຖວທ  ແຂວງ ອັດຕະປື ຍັງໄດ້ຮຽກຮ້ອງໃຫ້ທົ່ວສັງຄົມໃນການສະເຫຼີມສະຫຼອງບຸນປີໃໝລາຍປີນີ້ໃຫ້ຖືກຕ້ອງຕາມຮີດຄອງປະເພນີພວກເຮົາຄົນລາວຊາວພຸດເມື່ອຮອດປີໃໝ່ມາຮອດແລ້ວຄົງ ຈະກຽມຈິດກຽມໃຈຢ່າງຈົດຈໍ່ດັ່ງນັ້ນຂໍໃຫ້ໄດ້ຫຼິ້ນບຸນປີໃໝ່ລາວຢ່າງຖືກຕ້ອງຕາມຮີດຄອງປະເພນີອັນສຳຄັນກໍ່ຄືການອວຍພອນເຊິ່ງກັນ ແລະກັນລະຫວ່າງການນຳພັກ-ລັດ, ຄອບຄົວ, ໝູ່ເພື່ອນກໍ່ຂໍໃຫ້ມີການອວຍພອນດ້ວຍຄວາມຈິງໃຈ, ການຫົດນ້ຳກໍ່ຂໍໃຫ້ຢູ່ໃນກອບຂອງ ມາລະຍາດທາງດ້ານຮີດຄອງປະເພນີວັດທະນະທຳ ໂດຍນຳໃຊ້ນ້ຳທີ່ສະ ອາດ, ມີການຂໍອະຍຸຍາດໃນການຫົດແລະສາມາດສະຫຼອງຮ່ວມກັນຢ່າງເບີກບານມ່ວນຊື່ນພ້ອມກັນສະ ເຫຼີມສະຫຼອງໃຫ້ສົມກັບບຸນປະຈຳ ຊາດທີ່ມີການມ່ວນຊື່ນແລະມີຄວາມສຸກທຸກໆຄອບຄົວໃນທົ່ວສັງຄົມຂໍເຊີນຊວນພໍແມ່ພີ່ນ້ອງປະຊາຊົນລາວບັນດາເຜົ່າຊາວແຂວງອັດຕະປືຈົ່ງ ໄດ້ພ້ອມກັນປົກຮັກສາຮີດຄອງປະເພນີເອກະລັກໃຫ້ລູກຫຼານໄດ້ສືບ ທອດໃນອະນາຄົດຕໍ່ໄປເປັນຕົ້ນການຫົດສົງ, ການນຸ່ງຖື ແລະການມ່ວນຊື່ນຕ່າງໆຂໍໃຫ້ຢູ່ໃນກອບຂອງປະ ເພນີທີ່ໄດ້ສືບສານກັນມາ.

แชร์