ເຊັນສັນຍາສືບຕໍ່ໂຄງການ ອ່າງເກັບນໍ້າຍອດຫ້ວຍທ່າຮາວ

ເມື່ອບໍ່ດົນມານີ້ ທີ່ກົມຊົນລະປະທານໄດ້ມີພິທີເຊັນສັນຍາຮັບເຫມົາກໍ່ສ້າງ (ສືບຕໍ່) ໂຄງການຊົນລະປະທານ ແລະຊົນລະກະເສດອ່າງເກັບນໍ້າຍອດຫ້ວຍທ່າຮາວ ໄລຍະທີ II, ແຂວງສະຫວັນນະເຂດ, ລະຫວ່າງກົມຊົນລະປະທານກະຊວງກະສິກໍາ ແລະ ປ່າໄມ້ ເຊັນໂດຍ ທ່ານ ປອ. ຄຳພະຈັນ ວົງຊະນະ ຮັກສາການຫົວໜ້າກົມຊົນລະປະທານ ແລະທ່ານ ນາງ ເພັດສະໝອນ ເພັງສະຫວັດ ປະທານບໍລິສັດເພັດຖາວອນກໍ່ສ້າງເຄຫາ, ຂົວ-ທາງ ແລະ ຊົນລະປະທານຈໍາກັດໂດຍເປັນກຽດເຂົ້າຮ່ວມເປັນສັກຂີພະຍານຂອງທ່ານ ທອງພັດ ວົງມະນີຮອງລັດຖະມົນຕີກະຊວງກະສິກໍາ ແລະປ່າໄມ້, ຫົວຫນ້າຫ້ອງການ, ຫົວຫນ້າກົມ, ຮອງຫົວຫນ້າກົມ, ຕ່າງຫນ້າຈາກກະຊວງກະສິກໍາແລະປ່າໄມ້, ສະພາແຫ່ງຊາດ, ຫ້ອງວ່າການສໍານັກງານນາຍົກລັດຖະມົນຕີ ແລະແຂກຖືກເຊີນເຂົ້າຮ່ວມ.

ໂຄງການໂຄງການຊົນລະປະທານ ແລະຊົນລະກະເສດອ່າງເກັບນໍ້າຍອດຫ້ວຍທ່າຮາວ ບ້ານນາຄຳ ເມືອງອຸທຸມພອນ ແຂວງສະຫວັນນະເຂດ ເປັນໂຄງການໜື່ງທີ່ນອນໃນແຜນ ໂຄງການຄໍ້າປະກັນຄວາມໝັ້ນຄົງທາງດ້ານສະບຽງອາຫານ ໃຫ້ແກ່ປະເທດຊາດເວົ້າລວມ ເວົ້າສະເພາະກໍ່ຄືແຂວງສະຫວັນນະເຂດ,ໂຄງການດັ່ງກ່າວໄດ້ຮັບການສືກສາຄວາມເປັນໄປໄດ້ ແລະສຳຫລວດ-ອອກແບບໂດຍ: ສະຖາບັນຊົນລະປະທານ ສ.ສ. ວຽດນາມ ໃນປີ 1997 ໂຄງການຊົນລະປະທານ ແລະ ຊົນລະກະເສດອ່າງເກັບນໍ້າຍອດຫ້ວຍທ່າຮາວ ລັກຊະນະຂອງຫົວງານ ເປັນເຂື່ອນດິນ ທີ່ມີແກນອັດແໜ້ນດ້ວຍດິນໜຽວ,ເຂື່ອນ ມີລວງຍາວ1250ແມັດ,ລວງສູງສະເສຍ 17ແມັດ, ສະຫຼົບດ້ານໜ້າ 1:3, ດ້ານຫຼັງ 1:2,5, ປະກອບມີທາງ ລະບາຍນໍ້າລົ້ນສຸກເສີນ Spinvar ເຊີ່ງມີລວງຍາວ 360 ແມັດ, ລວງກ້ວງ 20 ແມັດ ລວງສູງສະເລ່ຍ 3ແມັດ ແລະອາຄານປະຕູເອົານໍ້າເຂົ້າຄອງເໝືອງແມ່ inktea ມີລວງຍາວ 120 ແມັດ,ໃຊ້ລະບົບວາວປິດ- ເປີດຂະໜາດຂອງ ທໍ່ HDPE 1 ແມັດ ຊຶ່ງການກວດກາຄວາມຄືບໜ້າການຈັດຕັ້ງປະຕິບັດໂຄງການກໍ່ສ້າງມູນຄ່າການກໍ່ສ້າງຂອງໂຄງການ 187.849.925.693 ກິບ ເລີ່ມປະຕິບັດໃນທ້າຍປີ2019 ມາຮອດ30ທັນວາປີ2021 ໄດ້ມີການກວດກາຄວາມຄືບໜ້າ2ຄັ້ງ ສຳເລັດໄປແລ້ວ 37,05 % ແລະໃນເດືອນ1-12 ປີ2022 ທາງບໍລິສັດເພັດຖາວອນກໍ່ໄດ້ສືບຕໍ່ຈັດຕັ້ງປະຕິບັດວຽກງານການກໍ່ສ້າງ ແລະໄດ້ກວດກາພຽງແຕ່ດ້ານເຕັກນິກ ກ່ອນປິດສະໜາມ. ສ່ວນກວດກາສຳລະແມ່ນຍັງບໍ່ທັນກວດກາປີ 2022.

ໂຄງການຊົນລະປະທານ ແລະຊົນລະກະເສດອ່າງເກັບນໍ້າຍອດຫ້ວຍທ່າຮາວໄດ້ເຊັນສັນຍາຮັບເໝົາກໍ່ສ້າງລະຫ່ວາງກົມຊົນລະປະທານກະຊວງກະສີກຳປ່າໄມກັບ ບໍລິສັດເພັດຖາວອນກໍ່ສ້າງເຄຫາ, ຂົວ-ທາງ ແລະຊົນລະປະທານ ສະບັບເລກທີ128/ຊປທ./ ລົງວັນທີ 23ກໍລະກົດ 2019 ມູນຄ່າ 187.849.925.693 ເພື່ອຈັດຕັ້ງປະຕິບັດບັນດາໜ້າວຽກທີ່ຍັງຄ້າງເຊີ່ງມີລາຍລະອຽດດັ່ງຕໍ່ໄປນີ້: ອິງຕາມ:ຂໍ້ຕົກລົງຂອງລັດຖະມົນຕີກະຊວງກະສີກຳ ແລະ ປ່າໄມ້ສະບັບເລກທີ 3173/ກປ, ລົງວັນທີ 16/07/2019 ວ່າດ້ວຍການອະນຸມັດໃຫ້ກົມຊົນລະປະທານ ເຊັນສັນຍາຮັບເໝົາກໍ່ສ້າງ (ສະບັບໃໝ່) ກັບບໍລິສັດເພັດຖາວອນກໍ່ສ້າງເຄຫາ, ຂົວທາງ ແລະຊົນລະປະທານ. ອິງຕາມ: ໃບຄິດໄລ່ລາຄາຫົວໜ່ວຍ ແລະມູນຄ່າການກໍ່ສ້າງສະບັບປັບປຸງສະບັບເລກທີ. ທີ່ກົມກວດກາ-ກົມຊົນລະປະທານອະນມັດໃຫ້ນຳໃຊ້ໃນສັນຍາທີ 2.

แชร์