ຊຽງຂວາງຍາດໄດ້ 3 ຫຼຽນ ແຂ່ງຂັນກີລາລອຍນໍ້າ ຄົນພິການທົ່ວປະເທດ

 ຕາມການລາຍງານຂອງ ທ່ານ ໄມຄໍາ ທໍາມະສິດ ຄູຝຶກກີລາລອຍນໍ້າຄົນພິການພະແນກສຶກ ສາທິການ ແລະກີລາແຂວງ (ສກຂ) ຊຽງຂວາງໃຫ້ຮູ້ວ່າ:  ການແຂ່ງຂັນກີລາລອຍນໍ້າຄົນພິການທົ່ວປະ ເທດຈັດຂຶ້ນຢູ່ນະຄອນຫຼວງວຽງ ຈັນລະຫວ່າງວັນທີ 2-5 ເມສາ 2019 ທີ່ຫາກໍ່ສິ້ນສຸດລົງໃນອາ ທິດແລ້ວນີ້ໃນນັ້ນແຂວງຊຽງຂວາງ ໄດ້ສົ່ງນັກກິລາເຂົ້າຮ່ວມແຂ່ງຂັນໃນລາຍນີ້ທັງໝົດ 2 ຄົນ ແລະ2 ລາຍການຄື: ແຂ່ງຂັນລອຍນໍ້າໄລ ຍະ 25 ແມັດ ແລະ50 ແມັດ, ຜົນການແຂ່ງຂັນສາມາດຍາດໄດ້ ທັງໝົດ 3 ຫຼຽນລາງວັນຄື: 2 ຫຼຽນຄໍາ 1 ຫຼຽນເງິນ; ໃນນັ້ນ 1 ຫຼຽນຄໍາ ໄດ້ຈາກລອຍນໍ້າໄລຍະ 25 ແມັດ ໂດຍແມ່ນທ້າວ ພາ ແລະອີກ 1 ຫຼຽນຄໍາແມ່ນໄດ້ຈາກ ລອຍນໍ້າ 50 ແມັດ ໂດຍແມ່ນທ້າວ ສາຍຄໍາ, ສ່ວນ 1 ຫຼຽນເງິນແມ່ນ ໄດ້ຈາກລອຍນໍ້າໄລຍະ 25 ແມັດ   ໂດຍແມ່ນທ້າວ ສາຍຄໍາ ເຊັ່ນດຽວ ກັນ.

ທ່ານ ໄມຄໍາ ທໍາມະສິດຍັງບອກໃຫ້ຮູ້ຕື່ມອີກວ່າ: ຈຸດປະສົງ ຂອງການແຂ່ງຂັນກີລາລອຍນໍ້າຄົນພິການເທື່ອນີ້ແມ່ນເພື່ອເປັນການຄັດເລືອກເອົານັກກີລາທີມຊາດເພື່ອ ເຂົ້າຮ່ວມແຂ່ງຂັນກີລາຄົນພິການ ລະດັບຕ່າງໆທີ່ຈັດຂຶ້ນໃນພາກພື້ນແລະສາກົນ,ນອກນັ້ນຍັງເປັນການຫ້າງຫາກະກຽມຄວາມພ້ອມຂອງ ນັກກີລາຄົນພິການແຂວງຊຽງຂວາງເພື່ອເຂົ້າຮ່ວມແຂ່ງຂັນກີລາຄົນພິການແຫ່ງຊາດທີ່ຈະຈັດຂຶ້ນໃນປີໜ້ານີ້ອີກດ້ວຍ.

ນີ້ແມ່ນອີກໜຶ່ງຜົນງານທີ່ໜ້າພູມໃຈທີ່ຄະນະນໍາຄູຝຶກກໍຄືນັກກີລາ ແຂວງຊຽງຂວາງ ໄດ້ພ້ອມກັນເອົາໃຈໃສ່ທຸ່ມເທເຫື່ອແຮງເທັກນິກພິກໄຫວສະຕິປັນຍາ  ແລະເວລາເຂົ້າໃນ ການແຂ່ງຂັນໃນທີ່ສຸດຜົນງານອອກມາປະສົບຜົນສໍາເລັດເກີນຄາດ.

ໂດຍ: ຄານສີສະຫວັນ

แชร์