9 ເດືອນຜ່ານມາ ແຂວງອັດຕະປື ມີຜູ້ເສຍຊິວິດ 10 ຄົນ ຈາກອຸບັດຕິເຫດ

ຮ້ອຍເອກ ສົມໃຈ ນາມປະກາສິດ ຫົວໜ້າກອງສືບສວນ-ສອບສວນຄະດີອຸບັດຕິເຫດກອງບັນຊາການປ້ອງກັນຄວາມສະຫງົບ ແຂວງອັດຕະປື ໃຫ້ສໍາພາດເມື່ອວັນທີ 23 ຕຸລາ 2023ນີ້ວ່າ: ໄລຍະ 9 ເດືອນປີ 2023 ທົ່ວແຂວງອັດຕະປື ມີອຸບັດຕິເຫດເກີດຂື້ນຕາມທ້ອງທະໜົນທັງໝົດ 284 ຄັ້ງ, ທຽບໃສ່ໄລຍະດຽວກັນຂອງປີຜ່ານມາຫຼຸດລົງ 18 ຄັ້ງ, ມີພາຫະນະເປ້ເພ 413 ຄັນ, ເປ້ເພເລັກນ້ອຍ 281 ຄັນ, ເປ້ເພສົມຄວນ 125 ຄັນ,ໃຊ້ການບໍ່ໄດ້ 7 ຄັນ, ມີຜູ້ໄດ້ຮັບບາດເຈັບ 280 ຄົນ,ບາດເຈັບເລັກນ້ອຍ 149 ຄົນ, ບາດເຈັບສົມຄວນ 110 ຄົນ, ບາດເຈັບສາຫັດ 11 ຄົນ ແລະ ເສຍຊີວິດ 10 ຄົນ, ທຽບໃສ່ໄລຍະດຽວກັນຂອງປີຜ່ານມາ ຈໍານວນຜູ້ເສຍຊີວິດຫຼຸດລົງ 14 ຄົນ, ລວມມູນຄ່າເສຍຫາຍຈາກການເກີດອຸບັດຕິເຫດທັງໝົດ 1.500.000.000 ກວ່າກີບ,

ຮ້ອຍເອກ ສົມໃຈ ນາມປະກາສິດ ໃຫ້ຮູ້ອີກວ່າ: ໃນໄລຍະຜ່ານມາທາງເຈົ້າໜ້າທີ່ຕໍາຫຼວດຈະລາຈອນແຂວງອັດຕະປືໄດ້ສຸມໃສ່ເຄື່ອນໄຫວສະກັດກັ້ນສະພາບການເກີດອຸປະຕິເຫດຕາມທ້ອງຖະໜົນຫຼວງ,ໂດຍໄດ້ລົງຈັດສັນສະຖານທີ່ ທີ່ມີການຈອດລົດແອອັດຕາມເສັ້ນທາງ, ພ້ອມທັງລົງໂຄສະນາເຜີຍແຜ່ກົດລະບຽບຈະລາຈອນຕາມໂຮງຮຽນ ແລະບັນດາບ້ານພາຍໃນເມືອງ, ເພື່ອເລັງໃສ່ໃຫ້ນັກຮຽນ ແລະ ປະຊາຊົນກໍ່ຄືສັງຄົມທົ່ວແຂວງຮັບຮູ້ເຂົ້າໃຈເຖິງກົດລະບຽບການສັນຈອນກໍ່ຄືການໃຊ້ລົດໃຊ້ຖະໜົນໃຫ້ຖືກຕ້ອງຕາມລະບຽບກົດຈະລາຈອນ.

ຮ້ອຍເອກ ສົມໃຈ ນາມປະກາສິດ ຫົວໜ້າກອງສືບສວນ-ສອບສວນຄະດີອຸບັດຕິເຫດກອງບັນຊາການປ້ອງກັນຄວາມສະຫງົບ ແຂວງອັດຕະປື ຍັງໄດ້ຮຽກຮ້ອງເຖີງນັກຂັບຂີ່ຜູ້ໃຊ້ລົດໃຊ້ຖະໜົນໃນຂອບເຂດທົ່ວແຂວງອັດຕະປືໃຫ້ເອົາໃຈໃສ່ປະຕິບັດກົດລະບຽບການສັນຈອນຢ່າງເຂັ້ມງວດ, ຖ້າດື່ມສິ່ງມືນເມົາແລ້ວຫ້າມຂັບຂີ່ພະຫະນະ, ເວລາຂັບຂີ້ຕ້ອງໃຫ້ກຽດເຊີງກັນແລະກັນ, ໝັ່ນກວດເຊັກສະພາບເຕັກນິກລົດຂອງຕົນໃຫ້ຢູ່ໃນສະພາບພ້ອມໃຊ້ງານ, ທັງນີ້ກໍ່ເພື່ອລີກລ້ຽງການສູນເສຍທາງດ້ານຊີວິດ ແລະຊັບສິນຈາກການເກີດອຸບັດຕິເຫດບົນທ້ອງຖະທ້ອງໜົນ.
ຂ່າວ: ວັດທະນາ

แชร์