ພະນະທ່ານ ທອງລຸນ ສີສຸລິດ ໄດ້ໃຫ້ການຕ້ອນຮັບຢ່າງອົບອຸ່ນຕໍ່ການມາຢ້ຽມຂໍ່ານັບຂອງທ່ານ ຫວາງຈ່ຽນເຟີງ ພ້ອມດ້ວຍຄະນະ, ທ່ານໄດ້ຕີລາຄາສູງຕໍ່ການປະກອບສ່ວນຂອງບໍລິສັດຫົວເຫວີຍທີ່ໄດ້ເຂົ້າມາລົງທຶນ ແລະຮ່ວມມືກັບພາກສ່ວນກ່ຽວຂ້ອງຂອງ ສປປ ລາວ ໃນການຊ່ວຍສ້າງສາ ແລະພັດທະນາປະເທດລາວໃນໄລຍະ 25 ປີຜ່ານມາທີ່ບໍລິສັດໄດ້ເຂົ້າມາລົງທຶນຢູ່ ສປປ ລາວ.

 

ທ່ານ ຫວາງ ຈ່ຽນເຟີງ ໄດ້ກ່າວວ່າ: ຫົວເຫວີຍ ຍຶດໝັ້ນໃນວິໄສທັດ “ຢູ່ລາວ, ເພື່ອລາວ” ຈະສືບຕໍ່ຮ່ວມມືກັບບັນດາຄູ່ຮ່ວມມືທ້ອງຖິ່ນເພື່ອສະໜັບສະໜູນວິໄສທັດດ້ານດີຈີຕອນ ແລະຍຸດທະສາດຂອງລັດຖະບານລາວ, ຈະປະກອບສ່ວນຢ່າງຕັ້ງໜ້າເຂົ້າໃນການກໍ່ສ້າງພື້ນຖານໂຄງລ່າງດ້ານດີຈີຕອນ, ການພັດທະນາສີຂຽວ ແລະ ການພັດທະນາຄວາມສາມາດດ້ານ ICT ໃນປະເທດລາວ.

 

ພະນະທ່ານ ທອງລຸນ ສີສຸລິດ ຍັງໄດ້ກ່າວຕື່ມວ່າ, ລັດຖະບານລາວໃຫ້ຄວາມສຳຄັນຕໍ່ການຮ່ວມມືກັບຫົວເຫວີຍ, ຍິນດີຮ່ວມມືຢ່າງຕັ້ງໜ້າໃນການປັບປຸງ, ການຫັນເປັນດິຈິຕອນຂອງລາວ, ຊຸກຍູ້ໃຫ້ຫົວເຫວີຍ ແລະລັດຖະບານລາວຮ່ວມມືກັນເພື່ອເລັ່ງລັດໃນການຫັນເປັນດິຈິຕອລທັນສະໄໝ, ລວມທັງການປູກຝັງພອນສະຫວັນຜູ້ທີ່ມີຄວາມສາມາດທາງດ້ານ ICT ແລະການເຊື່ອມໂຍງເຕັກໂນໂລຊີທີ່ກ້າວໜ້າ ເຊັ່ນ: 5G ແລະ ພະລັງງານແສງຕາເວັນ, ນຳເອົາເຕັກໂນໂລຊີທີ່ທັນສະໄໝມານຳໃຊ້ຢູ່ປະເທດລາວ ເພື່ອເປັນການສົ່ງເສີມປະເທດລາວໃຫ້ມີຄວາມກ້າວໜ້າ, ປະກອບສ່ວນເຂົ້າໃນວຽກງານພັດທະນາເສດຖະກິດສັງຄົມ ຂອງ ສປປ ລາວ ໃຫ້ຫຼາຍຂຶ້ນ ເພື່ອເປັນການຊຸກຍູ່ສົ່ງເສີມການພົວພັນຮ່ວມມືສອງຝ່າຍໃຫ້ນັບມື້ນັບກວ້າງຂວາງ ແລະ ເລິກເຊິ່ງໂດຍສະເພາະແມ່ນການຈັດຕັ້ງຜັນຂະຫຍາຍການເປັນຄູ່ຮ່ວມຊາຕາກຳ ລາວ-ຈີນ ໃຫ້ແຕກດອກອອກຜົນ ແລະນຳຜົນປະໂຫຍດຕົວຈິງມາສູ່ປະຊາຊົນສອງຊາດ.