ຫາດດອນກາງ ເມືອງເຟືອງ ແຫຼ່ງທ່ອງທ່ຽວມີຫຼາຍກິດຈະກຳເໝາະການພັກຜ່ອນ

ແຫຼ່ງທ່ອງທ່ຽວຫາດດອນກາງເປັນສະຖານທີ່ຖືກເປັນຈຸດໂດດເດັ່ນຂອງເມືອງເຟືອງ ແຂວງວຽງຈັນ ທີ່ມີຄວາມສວຍງາມທາງດ້ານທຳມະຊາດ, ມີຄວາມອຸດົມສົມບູນທາງດ້ານຊັບພະຍາກອນທາງທຳມະຊາດອ້ອມຮອບແມ່ນເຕັມໄປດ້ວຍທຳມະຊາດປ່າໄມ້ແຄມທາງຫຼັງຫາດ, ມີສາຍນໍ້າລີກໄຫຼຜ່ານອ້ອມທາດອ້ອມດອນ, ມີພູຜາປ່າໄມ້ທີ່ສະແດງເຖິງຄວາມອຸດົມສົມບູນຂອງລະບົບນິເວດ, ສະພາບອາກາດບໍລິສຸດສົດໃສມີສິ່ງອໍານວຍຄວາມສະດວກທີ່ຫຼວງຫຼາຍ ແລະມີຄວາມກວ້າງຂວາງພ້ອມດຽວກັນຍັງມີຫຼາຍກິດຈະກຳໃຫ້ຫລີ້ນ ແລະເໝາະສົມແກ້ການພັກຜ່ອນທີ່ສຸດ.

ທ່ານ ນາງ ສິງວັນ ວົງຄຳດີ ຜູ້ສຳປະທານທັງເປັນຜູ້ອຳນວຍການແຫຼ່ງທ່ອງທ່ຽວຫາດດອນກາງ ໃນຄັ້ງວັນທີ 22 ເມສາ 2023 ໄດ້ໃຫ້ຮູ້ວ່າ:“ຫາດດອນກາງ ຕັ້ງຢູ່ ບ້ານເມືອງເຟືອງເມືອງເຟືອງ ແຂວງວຽງຈັນເປັນແຫຼ່ງທອງທ່ຽວໜຶ່ງທີ່ໄດ້ຮັບຄວາມນິຍົມຂອງຄົນໃນເມືອງເຟືອງແຂວງວຽງຈັນ ແລະ ນັກທ່ອງທ່ຽວທີ່ເດີນທາງມາຈາກສະຖານທີ່ຕ່າງໆໃນປະເທດລາວ ແລະຕ່າງປະເທດເປັນແຫຼ່ງທອງທ່ຽວທີ່ມີການຈັດການ ແລະ ພັດທະນາມາຈາກປະຊາຊົນໃນທ້ອງຖິ່ນພາຍ ໃນໃນບ້ານ,ຈົນມີຄົນນິຍົມພາກັນໄປທ່ຽວຊົມໃນປີຫາປະຈຸບັນໄດ້ມີນັກທ່ອງທ່ຽວເຂົ້າມາທີ່ແຫຼ່ງທ່ອງທ່ຽວຫຼາຍກວ່າ 20.000 ເທື່ອຄົນ.

ແຫຼ່ງທ່ອງທ່ຽວຫາດດອນກາງແມ່ນໄດ້ສຳປະທານກັບອົງການປົກຄອງແຂວງວຽງຈັນເປັນເວລາ 30 ປີ ແລະສາມາດຕໍ່ໄດ້ອາຍຸໄດ້ 30 ປີ ມີເນື້ອທີ່ທັງໝົດ 1,7 ເຮັກຕາ. ຊຶ່ງແຫຼ່ງທ່ອງທ່ຽວດັ່ງກ່າວແມ່ນຫາກໍ່ໄດ້ຮັບການພັດທະນາມາຊ່ວງປີ 2019 ບໍ່ພໍເທົ່າໃດແລ້ວກໍມາພົບກັບການແຜ່ລະບາດຂອງພະຍາດໂຄວິດ-19 ເປັນເວລາ 3 ປີ ຫຼັງຈາກນັ້ນຈຶ່ງ ໄດ້ມີການພັດທະນາມາໃນຊ່ວງທ້າຍປີ 2022 ຕົ້ນປີ 2023 ນີ້, ດັ່ງນັ້ນການຈັດການແຕ່ລະຢ່າງຍັງເຫັນວ່າບໍ່ທັນໄດ້ລົງໂຕ ແລະຍັງບໍ່ທັນສົມບູນແບບເທົ່າທີ່ຄວນໂດຍສະເພາະການຈັດການດ້ານພື້ນທີ່ເພາະຕ້ອງໄດ້ ປັບປຸງແລະ ພັດທະນາຕະຫຼອດເວລາເພື່ອຮັບມືກັບສະພາບດິນຟ້າອາກາດໃນແຕ່ລະດູ. ໃນປັດຈຸບັນການຈັດສັນພື້ນທີ່ແບ່ງອອກເປັນ 3ເຂດຄື:1)ເຂດເທິງໜ້າດິນທີ່ເປັນຈຸດທາງເຂົ້າ,ຈຸດທີ່ຕັ້ງຮ້ານອາຫານ2)ເຂດຫາດທີ່ເປັນບ່ອນລົງຫຼີ້ນນ້ຳ ແລະ 3) ເຂດຫ້ອງພັກເຮືອແພ”.

ສຳລັບກິດຈະກຳໃຫ້ຫຼິ້ນຫຼາຍທີ່ເປັນຈຸດເດັ່ນຂອງແຫຼ່ງທ່ອງທ່ຽວຫາດດອນກາງແມ່ນມີສາຍນໍ້າທີ່ໃສເຢັນ ແລະບ່ອນລົງຫຼີ້ນນໍ້າໃນທາດຕື້ນເຂີນເຮັດໃຫ້ທຸກຄົນນັບແຕ່ເດັກຈົນເຖິງຜູ້ສູງອາຍຸ ສາມາດຫຼີ້ນໄດ້ແບບບໍ່ວິຕົກກັງວົນປອດໄພຕະຫຼອດເວລາ ແລະ ສິ່ງທີ່ເປັນເອກະລັກຄື:ມີການປັ້ນຮູບໜໍ່ຄໍາ (ໜໍ່ໄມ້ໃຫຍ່ສີຄຳ) ໄວ້ຢູ່ໃນແຕ່ລະຈຸດທີ່ສຳຄັນຂອງແຫຼ່ງທ່ອງທ່ຽວຫາດດອນກາງທີ່ສາມາດດຶງດູດໃຫ້ທຸກຄົນທີ່ເຂົ້າມາທ່ອງທ່ຽວໄດ້ຖ່າຍຮູບກັນໄວ້ເປັນທີ່ລະນຶກ, ມີຕູບນ້ອຍ-ໃຫຍ່ທີ່ຫຼາກຫຼາຍ, ບ່ອນນັ່ງທີ່ສາມາດກາງໂຕະຕັ່ງໃນກາງນໍ້າໄດ້,ມີກິດຈະກຳລ່ອງເຮືອຊົມບັນຍາກາດສອງຝັ່ງແມ່ນໍ້າລີກ, ມີຮ້ານອາຫານທີ່ສັນຫາເມນູເດັດໆ ປະຈຳທ້ອງຖິ່ນໄວ້ໃຫ້ບໍລິການຢ່າງເຊັ່ນ: ລອຍກົງເບັງ, ການລ່ອງ ເຮືອຈັກ, ເຮືອແພ, ບໍລິການອາຫານ ແລະເຄື່ອງດື່ມພ້ອມທັງຊົມທິວທັດທຳມະຊາດ ແລະຫຼິ້ນນໍ້າ, ຍັງມີສິ່ງອໍານວຍຄວາມສະດວກ ແລະການບໍລິການອື່ນໆໃຫ້ນັກທ່ອງທ່ຽວອີກດ້ວຍ. ປັດຈຸບັນແຫຼ່ງທ່ອງທ່ຽວຫາດດອນກາງໄດ້ມີການຈັດການຂອງຄົນພາຍໃນບ້ານເມືອງເຟືອງ ແລະ ມີຫຼາຍດ້ານເກີດຂຶ້ນຈາກາກນຈັດການທີ່ເປັນລະບົບເຮັດໃຫ້ສະຖານທີ່ແຫຼ່ງທ່ອງທ່ຽວນີ້ເກີດມີຄວາມສົນໃຈມາພັກຜ່ອນຍ່ອນໃຈນັບມື້ນັບຫຼາຍຂຶ້ນ.

ຫາດດອນກາງໃຫຍ່, ຫ້ອງພັກເປີດໃຫມ່, ມີຫ້ອງນໍ້າໃນໂຕ, ອາຫານເຊົ້າອາຫານແລງ ມີຄົບໝົດເລີຍຄ່າຫ້ອງລາຄາ 600,000 ກີບ ຫ້ອງແມ່ນມີອາຫານເຊົ້າ, ຄ່າຫ້ອງລາຄາ 800,000 ກີບ/ຫ້ອງ ແມ່ນກິນອາຫານເຊົ້າຢູ່ເທີງເຮືອພ້ອມກັບລ່ອງເຮືອຕອນເຊົ້າໆຊົມຫມອກ ຊົວວິວນຳຊ່ວງນີ້ເພິ່ນມີ ໂປໂມຊັ່ນນຳເດີ້ຈອງຫ້ອງພັກຕິດຕໍ່ເບີ: 020 9833 3321,02099991568Location: https://maps.app.goo.gl/efQYJuXyaaMnrKdh8

ຂ່າວ: ບຸນນິກ

แชร์