ເຊັນສັນຍາເຊົ່າຕຶກທາດຫຼວງພຣາຊາ ເພື່ອສ້າງເປັນຮ້ານອາຫານ ນະຄອນຫຼວງ ສະກາຍບາຣ໌

ຕອນເຊົ້າວັນທີ 19 ຕຸລາ 2023 ທີ່ຕຶກທາດຫຼວງພຣາຊາ (ຊັ້ນ7 ) ໄດ້ຈັດພິທີເຊັນສັນຍາເຊົ່າຕຶກທາດຫຼວງພຣາຊາ ( ຊັ້ນ7) ລະຫວ່າງຮ້ານອາຫານນະຄອນຫຼວງ ສະກາຍບາຣ໌ ແລະບໍລິສັດ ຈິດຈະເລີນ ທາດຫຼວງພຣາຊາ ຈຳກັດຜູ້ດຽວ, ເປັນກຽດເຂົ້າຮ່ວມໃນພິທີເຊັນສັນຍາຄັ້ງນີ້ໂດຍທ່ານ ບຸນປັນ ໂສວິໄລ ປະທານບໍລິສັດ ເອັສວີແອວການຄ້າຂາເຂົ້າ - ຂາອອກຈຳກັດຜູ້ດຽວ, ທ່ານ ພັນນຸເດດ ມົງຄົນວິໄລ ປະທານບໍລິສັດ ພີຊີແອວການຄ້າກະສິກຳຄົບວົງຈອນຂາເຂົ້າ-ຂາອອກຈຳກັດຜູ້ດຽວ ແລະ ທ່ານ ນາງ ດວງຈັນ ວົງວີໄລ ຮອງປະທານບໍລິສັດ ຈິດຈະເລີນທາດຫລວງພຣາຊາ ຈຳກັດຜູ້ດຽວ. ໃຫ້ກຽດເຂົ້າຮ່ວມເປັນສັກຂີພະຍານມີບັນດາພະນັກງານຈາກຂະແໜງການກ່ຽວຂ້ອງ ແລະ ຕ່າງໜ້າບໍລິສັດຕະຫຼອດຮອດພະນັກງານເຂົ້າຮ່ວມຢ່າງພ້ອມພຽງ.

ຫຼັງຈາກນັ້ນກໍ່ມີພິທີເຊັນສັນຍາວ່າດ້ວຍການຮັບເໝົາກໍ່ສ້າງ - ຕົກແຕ່ງ ຮ້ານອາຫານ ນະຄອນຫຼວງ ສະກາຍບາຣ໌ ລະຫວ່າງ ນະຄອນຫຼວງ ສະກາຍບາຣ໌ ແລະ ບໍລິສັດ ຈິນດາປຣະເສີດ ພັດທະນາຄົບວົງຈອນ ຈຳກັດຜູ້ດຽວ, ເປັນກຽດເຂົ້າຮ່ວມໃນພິທີເຊັນສັນຍາຄັ້ງນີ້ໂດຍທ່ານ ບຸນປັນ ໂສວິໄລ ປະທານບໍລິສັດ ເອັສວີແອວ ການຄ້າຂາເຂົ້າ - ຂາອອກຈຳກັດຜູ້ດຽວ, ທ່ານ ພັນນຸເດດ ມົງຄົນວິໄລ ປະທານບໍລິສັດ ພີຊີແອວການຄ້າກະສິກຳຄົບວົງຈອນຂາເຂົ້າ-ຂາອອກຈຳກັດຜູ້ດຽວ ແລະທ່ານ ຄຳພອນ ສີວັນນາວົງ ປະທານບໍລິສັດ ຈິນດາປຣະເສີດພັດທະນາຄົບວົງຈອນ ຈຳກັດຜູ້ດຽວ, ເພື່ອເຮັດໃຫ້ການຈັດຕັ້ງປະຕິບັດໂຄງການດັ່ງກ່າວໄດ້ຮັບຜົນດີ, ຮັບປະກັນຄຸນນະພາບ ແລະ ສຳເລັດຕາມກຳນົດເວລາ, ເຊິ່ງມີໄລຍະເວລາການກໍ່ສ້າງເປັນເວລາ 55 ວັນ ນັບແຕ່ມື້ເຊັນສັນຍາເປັນຕົ້ນໄປ

ຮ້ານອາຫານນະຄອນຫຼວງ ສະກາຍບາຣ໌ ຕັ້ງຢູ່ຈຸດໃຈກາງເມືອງ ບ້ານທາດຫຼວງໃຕ້, ເມືອງໄຊເສດຖາ, ນະຄອນຫຼວງວຽງຈັນ ທີ່ຕຶກທາດຫຼວງພຣາຊາ ( ຊັ້ນ 7 ), ຮ້ານອາຫານເນັ້ນຄຸນນະພາບອາຫານທີ່ດີ, ການບໍລິການເນັ້ນມອບຄວາມປະທັບໃຈໃຫ້ແກ່ລູກຄ້າ ລາຄາທີ່ທຸກຄົນສາມາດຈັບຕ້ອງໄດ້

• 20/10/2023