ເຈົ້າຫນ້າທີ່ ທຳລາຍຕົ້ນກະທ່ອມ ທີ່ປະຊາຊົນລັກລອບປູກ

ໜັງສືພິມແຂວງສາລະວັນ ລາຍງານວັນທີ 18 ຕຸລາ 2023 ວ່າ: ເຈົ້າໜ້າທີ່ພະແນກຕໍາຫລວດ ປກສ ເມືອງສາລະວັນໄດ້ທຳລາຍຕົ້ນກະທ່ອມ ຢູ່ບ້ານບຶງຂາມ ເມືອງ ແລະແຂວງສາລະວັນ ນໍາໂດຍ ພັຕ ຫວັດມະນີ ນ້ອຍແສງສີ ຫົວໜ້າພະແນກຕຳຫລວດ ປກສ ເມືອງ.

ເຈົ້າໜ້າທີ່ພະແນກຕໍາຫລວດ ປກສ ເມືອງສາລະວັນ ໄດ້ສືບຮູ້ວ່າ: ທ້າວ ເພັດ ອາຍຸ 50 ປີ ອາຊີບຄ້າຂາຍປະຊາຊົນ ບ້ານບືງຂາມ ໄດ້ລັກລອບປູກຕົ້ນກະທ່ອມຢູ່ສວນຫລັງເຮືອນ ຈໍານວນ 5 ຕົ້ນ ແລະເຈົ້າໜ້າທີ່ໄດ້ຕັດຮອນທໍາລາຍຕົ້ນກະທ່ອມຈໍານວນດັ່ງກ່າວຖີ້ມ, ຈາກນັ້ນເຈົ້າໜ້າທີ່ຈຶ່ງໄດ້ສຶກສາອົບຮົມກ່າວເຕືອນຜູ້ກ່ຽວ ພ້ອມສ້າງບົດບັນທຶກ, ຖ້າຫາກຄອບຄົວໃກຍັງມີການລະເມີດຈະໄດ້ກັກຕົວ ແລະຕັດອິດສະຫລະພາບຕາມລະບຽບການ.

แชร์