ຈັບຍິງ ໄວ 49 ປີ ຂໍ້ຫາຄ້າຂາຍຢາຝິ່ນ

ວັນທີ 11 ຕຸລາ 2023 ທີ່ຜ່ານມານີ້, ເຈົ້າໜ້າທີ່ ປກສ ເມືອງຊຳໃຕ້ ສົມທົບກັບພາກສ່ວນທີ່ກ່ຽວຂ້ອງຂອງເມືອງ ຂໍຄຳສັງນຳໄອຍາການກວດຄົ້ນເຮືອນເປົ້າໝາຍ ນາງ ຈ້າ ອາຍຸ 49 ປີ ເຜົ່າມົງ ປະຊາຊົນຢູ່ບ້ານພັນສະຫວັນ ເມືອງຊຳໃຕ້ ແຂວງຫົວພັນ.
 
ຜ່ານການກວດຄົ້ນ, ພົບເຫັນຂອງກາງຢາເສບຕິດ (ປະເພດຢາຝິ່ນນໍ້າໜັກ 2,7 ກິໂລກຼາມທີ່ຊຸກເຊື່ອງໄວ້ຢູ່ຄອກລົດ ແລະແຜ່ນເຊັດຢາຝິ່ນໜັກ 4,5 ກິໂລກຼາມທີ່ ຊຸກເຊື່ອງໄວ້ຢູ່ພາຍໃນຫ້ອງນອນຂອງຜູ້ກ່ຽວ. ຈາກນັ້ນເຈົ້າໜ້າທີ່ ຈຶ່ງໄດ້ຈັບຕົວຜູ້ກ່ຽວພ້ອມຂອງການມາທີ່ກອງບັນຊາການ ປກສ ເມືອງຊໍາໃຕ້ ເພື່ອສອບສວນຫາທີ່ໄປທີ່ມາຂອງຢາເສບຕິດ (ຢາຝິ່ນ) ຈໍານວນດັ່ງກ່າວ.
 
ຜ່ານການສອບສວນຂອງເຈົ້າໜ້າທີ່, ຜູ້ກ່ຽວໄດ້ຮັບສາລະພາບວ່າ: ຢາເສບຕິດ (ຢາຝິ່ນ ແລະ ແຜ່ນເຊັດຢາຝິ່ນຈໍານວນທີ່ເຈົ້າໜ້າທີ່ກວດພົບເຫັນນັ້ນແມ່ນຂອງຜູ້ກ່ຽວແທ້ ໄດ້ຊື້ມາໄວ້ເພື່ອຂາຍ. ຈາກນັ້ນ, ເຈົ້າໜ້າທີ່ ປກສ ເມືອງຊໍາໃຕ້ ຈຶ່ງໄດ້ນຳສົ່ງຕົວຜູ້ກ່ຽວ ພ້ອມເຄື່ອງຂອງກາງຢາເສບຕິດ (ປະເພດຢາຝິ່ນ)ໜັກ 2,7 kg ແລະ ແຜ່ນເຊັດຢາຝິ່ນໜັກ 4,5 kg ໃຫ້ພະແນກຕ້ານ ແລະສະກັດກັ້ນຢາເສບຕິດ ປກສ ແຂວງຫົວພັນດຳເນີນຕາມຂັ້ນຕອນຂອງກົດໝາຍ.

แชร์