ປະຊາຊົນ 2 ບ້ານ ອະນາໄມສະຖານທີ່ທ່ອງທ່ຽວຕາດເລາະ-ຕາດຮັງ

ໂດຍພາຍການຊີ້ນຳ ແລະນຳພາຂອງຄະນະພັກ, ຄະນະນຳພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວແຂວງສາລະວັນຮ່ວມກັບຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງເລົ່າງາມ ແລະ ບໍລິສັດຜູ້ພັດທະນາແຫຼ່ງທອ່ງທ່ຽວຕາດເລາະ-ຕາດຮັງ ໃນຕອນເຊົ້າວັນທີ 7 ຕຸລາ 2023 ນີ້ ໄດ້ເຕົ້າໂຮມປະຊາຊົນ 2 ບ້ານຄື: ບ້ານຄຽງຫຼັງແລ ແລະບ້ານຂົວເສັດ ສາມະຄີກັນອອກແຮງງານລວມອະນາໄມສະຖານທີແຫຼ່ງທ່ອງທ່ຽວຕາດເລາະ-ຕາດຮັງ ຢ່າງເປັນຂະບວນຟົດຟື້ນ ເຊັ່ນ: ໄດ້ຖາງພຸ່ມໄມ້ ນ້ອຍ, ເກັບກິ່ງເສດໄມ, ຖົງຢາງ, ກະຕຸກ ແລະສິ່ງເສດເຫຼືອຕ່າງໆອອກຈາກ ສະຖານທີ່ແຫຼ່ງທອ່ງທ່ຽວຕາດເລາະ-ຕາດຮັງ.

ການອະນາໄມຄັ້ງນີ້ໂດຍການເຂົ້າຮ່ວມທ່ານ ທ່ານ ມະໄລວອນ ສີປະເສີດ ຫົວໜ້າພະແນກ ຖວທ ແຂວງສາລະວັນ, ທ່ານນາງ ສອນທິດາ ອຸນາພົມ ປະທານ ບໍລິສັດພັດທະນານໍ້າຕົກຕາດເຍືອງເມືອງປາກຊ່ອງ ແຂວງຈຳປາສັກ ຜູ້ພັດທະນາເຂດແຫຼ່ງທອ່ງທ່ຽວຕາດເລາະ-ຕາດຮັງ, ທ່ານຫົວໜ້າຫ້ອງ ຖວທ ເມືອງເລົ່າງາມ, ພ້ອມດ້ວຍພະນັກງານວິຊາການ ແລະອໍານາດການປົກຄອງບ້ານຄຽງຕັງແລ ແລະຜ່ານຂົວເສັດເຂົ້າຮ່ວມ 70 ກວ່າຄົນ.

ການອອກແຮງງານຄັ້ງນີ້ເພື່ອເປັນການສ້າງຂະບວນການຕ້ອນຮັບວັນສໍາຄັນຕ່າງໆຂອງພັກຂອງຊາດເຊັ່ນ: ວັນທີ 7 ຕຸລາ ວັນຄູແຫ່ງຊາດຄົບຮອບ 29 ປີ (1994-2023 ) ແລະວັນສ້າງຕັ້ງທະນາຄານ ແຫ່ງ ສປປ ລາວ ຄົບຮອບ 55 ປີ ( 1968-2023 ) ທັງເປັນການເຮັດໃຫ້ແຫຼ່ງທ່ອງທ່ຽວມີ ຄວາມສະອາດຈົບງາມເພື່ອຕ້ອນປີທ່ອງທ່ຽວລາວ ປີ 2024 ໃຫ້ບັນຍາກາດ ແລະບວນການຟົດຟື້ນເພື່ອດຶງດູດູດເອົານັກທ່ອງທ່ຽວຈາກພາຍໃນແລະຕ່າງປະເທດໃຫ້ຫຼາຍຂື້ນ, ເປັນຈຸດໝາຍປາຍທາງຂອງນັກທ່ອງທ່ຽວ ເຊື່ອມໂຍງການທ່ອງທ່ຽວ 4 ແຂວງພາກໃຕ້ຂອງລາວ ກັບບັນດາປະເທດໄກ້ຄຽງ, ເພາະແຫຼ່ງແຫຼ່ງທອ່ງທ່ຽວຕາດເລາະ-ຕາດຮັງ ເປັນແຫຼ່ງທ່ອງທ່ຽວທີ່ສຳຄັນນອນໃນແຜນຍຸດທະສາດຂອງແຂວງໃນການພັດທະນາ, ປັບປຸງໃຫ້ມີຄຸນນະພາບຢືນຍົງກາຍເປັນຈຸດໝາຍປາຍທາງຂອງນັກທ່ອງທ່ຽວ.
ຂ່າວ:ໂສພາ ສໍພະໄຊ

แชร์