ລະວັງ! ການລະດົມເງິນຝາກ ຜ່ານສື່ສັງຄົມອອນລາຍທີ່ໃຫ້ດອກເບ້ຍທີ່ສູງ

ທະນາຄານແຫ່ງ ສປປ ລາວອອກແຈ້ງການເຖິງ: ພໍ່ແມ່ປະຊາຊົນ, ພໍ່ຄ້າຊາວຂາຍ, ພະນັກງານ, ທະຫານ, ຕຳຫຼວດ, ຕະຫຼອດຮອດຜູ້ທີ່ຢູ່ອາໄສຢູ່ ສປປ ລາວ ໃນຂອບເຂດທົ່ວປະເທດ.

ເລື່ອງ: ໃຫ້ມີສະຕິລະວັງຕົວ ຕໍ່ການເຄື່ອນໄຫວຂອງບຸກຄົນທີ່ເຄື່ອນໄຫວໂຄສະນາລະດົມເງິນຝາກຜ່ານທາງສື່ສັງຄົມອອນລາຍໂດຍບໍ່ໄດ້ຮັບອະນຸຍາດຈາກທະນາຄານແຫ່ງ ສປປ ລາວ.

ທະນາຄານແຫ່ງ ສປປ ລາວ ຂໍແຈ້ງມາຍັງທ່ານຊາບວ່າໃນປັດຈຸບັນໄດ້ມີບຸກຄົນເຄື່ອນໄຫວລະດົມເງິນຝາກຜ່ານທາງສື່ສັງຄົມອອນລາຍ (Facebook) ໂດຍບໍ່ໄດ້ຮັບອະນຸຍາດຈາກທະນາຄານແຫ່ງ ສປປ ລາວ ຊຶ່ງມີການກ່າວອ້າງ ແລະ ໂຄສະນາໃຫ້ຜົນຕອບແທນດອກເບ້ຍທີ່ສູງກວ່າເກນປົກກະຕິເມື່ອສົມທຽບກັບທະນາຄານທຸລະກິດ ແລະສະຖາບັນການເງິນອື່ນໆ ຊຶ່ງການເຄື່ອນໄຫວດັ່ງກ່າວອາດນຳໄປສູ່ການສ້າງຄວາມເສຍຫາຍຕໍ່ຊັບສິນຂອງປະຊາຊົນໃນສັງຄົມດັ່ງເຫດການທີ່ເກີດຂຶ້ນແລ້ວໃນໄລຍະຜ່ານມາ.

ສະນັ້ນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງທ່ານຈົ່ງມີສະຕິລະວັງຕົວກ່ອນການຕັດສິນໃຈລົງທຶນ ຫຼືຝາກເງິນຕາມການເຄື່ອນໄຫວໂຄສະນາໃນລັກສະນະດັ່ງກ່າວດ້ວຍ.

แชร์