ສຳເລັດ 67% ໂຄງການກໍ່ສ້າງຂົວຂ້າມນໍ້າຂອງມິດຕະພາບລາວ-ໄທແຫ່ງທີ 5

ປະຈຸບັນມີຄວາມຄືບຫນ້າຢ່າງຕໍ່ເນື່ອງໂດຍສະເພາະສັນຍາທີ 1 ການກໍ່ສ້າງຂົວໄດ້ສຳເລັດ 67%, ສ່ວນສັນຍາທີ 2 ການກໍ່ສ້າງອາຄານສະຖານທີ່ ແລະດ່ານກວດຄົນເຂົ້າ-ອອກເມືອງສຳເລັດແລ້ວ 94 ສ່ວນຮ້ອຍແລ້ວ ເຊິ່ງປະຈຸບັນສະພາບການກໍ່ສ້າງໂດຍລວມແມ່ນສຳເລັດແລ້ວ 81 ກວ່າສ່ວນຮ້ອຍຂອງການກໍ່ສ້າງທັງຫມົດຄາດວ່າທ້າຍປີ 2024ຈະໃຫ້ສຳເລັດ.

ທ່ານ ໄລທອງ ພົມມະວົງ ຫົວຫນ້າໂຄງການກໍ່ສ້າງຂົວຂ້າມນໍ້າຂອງມິດຕະພາບລາວ-ໄທແຫ່ງທີ 5 ບໍລິຄຳໄຊ-ບືງການ ໃຫ້ສຳພາດວ່າ: ການຈັດຕັ້ງປະຕິບັດການກໍ່ສ້າງຂົວຂ້າມນໍ້າຂອງມິດຕະພາບລາວ-ໄທແຫ່ງທີ 5 ເຫັນວ່າມີຄວາມຫລ້າຊ້າເນື່ອງຈາກໄດ້ຮັບຜົນກະທົບຈາກການລະບາດຂອງພະຍາດໂຄວິດ 19 ເຮັດໃຫ້ຜູ້ຮັບເຫມົາ ແລະແຮງງານຈໍານວນຫນຶ່ງທີ່ເປັນຄົນໄທບໍ່ສາມາດເຂົ້າມາສືບຕໍ່ກໍ່ສ້າງໄດ້, ດັ່ງນັ້ນຈຶ່ງໄດ້ມີການແກ້ໄຂບັນຫາໂດຍຄົ້ນຄ້ວາຊອກຫາຜູ້ຮັບເຫມົາກໍ່ສ້າງພາຍໃນມາຊ່ວຍເພື່ອສືບຕໍ່ດຳເນີນການກໍ່ສ້າງ,ແຕ່ມາຮອດປະຈຸບັນໄດ້ມີການຂຸ້ນຂ້ຽວສືບຕໍ່ຈັດຕັ້ງປະຕິບັດເພື່ອເຮັດໃຫ້ການກໍ່ສ້າງຂົວຂ້າມນໍ້າຂອງແຫ່ງທີ 5 ສຳເລັດຕາມລະດັບຄາດຫມາຍພ້ອມທັງຮັບປະກັນຄວາມປອດໄພ ແລະມາດຕະຖານ.

ໂຄງການກໍ່ສ້າງຂົວຂ້າມນໍ້າຂອງມິດຕະພາບລາວ-ໄທແຫ່ງທີ 5 ແຂວງບໍລິຄຳໄຊ-ຈັງຫວັດບຶງການປະເທດໄທຖືກສ້າງຕັ້ງຂຶ້ນໃນເດືອນກັນຍາ 2019 ເຊິ່ງເປັນເງິນກູ້ຈາກອົງການຄວາມຮ່ວມມືທາງດ້ານເສດຖະກິດກັບປະເທດເພື່ອນບ້ານ (ອົງການມະຫາຊົນ) ຈາກປະເທດໄທ(ອົງການນິດາ),ເຊິ່ງລັດຖະບານລາວໄດ້ຮັບເງິນກູ້ຢືມເປັນຈຳນວນ 1 ຕື້ 380ລ້ານກວ່າບາດສະກຸນເງິນໄທ ແບ່ງອອກເປັນ 2ສັນຍາ ຄື: ສັນຍາທີ 1 ກໍ່ສ້າງຂົວຂ້າມນໍ້າຂອງແລະສັນຍາທີ 2 ກໍ່ສ້າງທາງເຊື່ອມຕໍ່ເຂົ້າຫາຂົວ ແລະກໍ່ສ້າງອາຄານດ່ານກວດຄົນເຂົ້າ-ອອກເມືອງ

ຂ່າວ ບຸນນິກ

แชร์