ເຊກອງ ປະກາດກາຫມາຍສິນຄ້າຫນຶ່ງເມືອງຫນຶ່ງຜະລິດຕະພັນ 7 ລາຍການ

ໃນວັນທີ 3 ຕຸລາ 2023 ນີ້, ພະແນກອຸດສາຫະກໍາ ແລະການຄ້າແຂວງເຊກອງ ໄດ້ປະກາດໃບອະນຸຍາດນໍາໃຊ້ກາຫມາຍສິນຄ້າ ຫນຶ່ງເມືອງ ຫນຶ່ງຜະລິດຕະພັນແຫ່ງຊາດ ຈໍານວນ 6 ຫົວຫນ່ວຍ ມີ 7 ລາຍການສິນຄ້າ ຄື: ກາເຟສະຕາດາກຈຶງ 1 ລາຍການ, ກ່າວໂສມສະກັດວີແຄ 1 ລາຍການ, ເຫຼົ້າບອງຣໍາດາກຈຶງ 1 ລາຍການ, ເຫຼົ້າບອງໂສມ, ສະບູໂສມ 2 ລາຍການ, ຜ້າແພຊົນເຜົ່າຕະລຽງ 1 ລາຍການ ແລະ ກາເຟແມ່ສີ 1 ລາຍການ; ມາຮອດປະຈຸບັນລວມສິນຄ້າໂອດັອບພາຍໃນແຂວງເຊກອງ ມີທັງໝົດ 11 ຫົວໜ່ວຍ, 14 ລາຍການ.

ນອກຈາກນີ້ຍັງໄດ້ມີການເຊັນສັນຍາການໂຄສະນາ ແລະຈໍາຫນ່າຍສິນຄ້າທ່າແຮງ ແລະສິນຄ້າໂອດັອບຂອງແຂວງ ລະຫວ່າງ ເຈົ້າຂອງຜະລິດຕະພັນ 12 ຫົວຫນ່ວຍ 16 ລາຍການສິນຄ້າ ກັບ ເຈົ້າຂອງສະຖານທີ່ 4 ແຫ່ງ (ຮ້ານກາເຟສະຕາດາກຈຶງ, ທ່າແຕງຟາມ-ຣີສອດ, ໂຮງແຮມຫົງຄໍາ ແລະປໍ້ານໍ້າມັນ ປຕທ ) ຕື່ມອີກ.
ຂ່າວ: ພຸດທະສອນ

แชร์