ຄໍາສັ່ງ ໂຈະຮ້ານຊື້-ຂາຍ ໂລຫະເສດ ທີ່ບໍ່ໄດ້ຮັບອະນຸຍາດ

ເພື່ອຄຸ້ມຄອງການເຄື່ອນໄຫວຂອງບັນດາຫົວຫນ່ວຍທຸລະກິດ ຮ້ານຊື້ - ຂາຍ ໂລຫະເສດ ຢູ່ເມືອງສີສັດຕະນາກ ນະຄອນຫລວງວຽງຈັນ ໃຫ້ຖືກຕ້ອງຕາມກົດຫມາຍ, ລະບຽບການທີ່ກ່ຽວຂ້ອງ ແລະຕ້ານສະກັດກັ້ນປະກົດການຫຍໍ້ທໍ້ໃນສັງຄົມເຈົ້າເມືອງສີສັດຕະນາກ ອອກຄໍາສັ່ງ:

1. ໃຫ້ໂຈະການດໍາເນີນທຸລະກິດ ຮ້ານຊື້-ຂາຍ ໂລຫະເສດ ທີ່ບໍ່ໄດ້ຮັບອະນຸຍາດ ພາຍໃນເມືອງ ສີສັດຕະນາກ.

2. ໃຫ້ນໍາໃຊ້ມາດຕະການເຂັ້ມງວດຕໍ່ຜູ້ທີ່ລະເມີດລະບຽບການ ແລະກົດໝາຍໂດຍມອບໃຫ້ຫ້ອງການອຸດສາຫະກໍາ ແລະການຄ້າເປັນເຈົ້າການໃນການຈັດຕັ້ງປະຕິບັດ ໂດຍສົມທົບກັບ ກອງບັນຊາການ ປກສ ເມືອງ, ຫ້ອງການແຮງງານ ແລະສະຫວັດດີການສັງຄົມ ແລະອົງການປົກຄອງບ້ານທີ່ກ່ຽວຂ້ອງ.

3. ພາຍຫຼັງການຈັດຕັ້ງປະຕິບັດສໍາເລັດແມ່ນໃຫ້ສະຫລຸບລາຍງານການຈັດຕັ້ງປະຕິບັດ ແລະການນໍາໃຊ້ມາດຕະການຕໍ່ ຜູ້ ລະເມີດ, ຂໍ້ຄົງຄ້າງການແກ້ໄຂ ແລະ ບົດຮຽນທີ່ຖອດຖອນໄດ້, ລາຍງານ ການນໍາເມືອງ ແລະພະແນກອຸດສາຫະກໍາ ແລະການຄ້າ ນະຄອນຫລວງວຽງຈັນ ບໍ່ໃຫ້ກາຍວັນທີ 10 ຕຸລາ 2023.

• 04/10/2023