ຮອງນາຍົກ ລົງຢ້ຽມຢາມ ສວນຊາ 36 ເມືອງປາກຊ່ອງ

ໃນວັນທີ 2 ຕຸລາ 2023 ທີ່ສວນຊາ36 ບ້ານ ຫຼັກ36, ເມືອງປາກຊ່ອງ ທ່ານ ສຈ. ປອ. ກິແກ້ວ ໄຂຄຳພິທູນ, ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ ພ້ອມດ້ວຍຄະນະລົງຢ້ຽມຢາມທາງສວນຊາໂດຍໃຫ້ການຕ້ອນຮັບທ່ານ ນາງ ຢວນທຽນ ຜູ້ບໍລິຫານສວນຊາ 36 ພ້ອມດ້ວຍຄະນະພະນັກງານພວກເຮົາດີໃຈ ແລະ ຮູ້ສຶກເປັນກຽດຢ່າງຍິ່ງທີ່ໄດ້ຕ້ອນຮັບການລົງຢ້ຽມຢາມໃນຄັ້ງນີ້ ພ້ອມທັງໄດ້ນຳສະເໜີພື້ນທີ່ການຜະລິດ ແລະປຸງແຕ່ງສວນຊາເຮົາ ແລະໂອ້ລົມສົນທະນາກ່ຽວກັບການເຄື່ອນໄຫວຂອງບໍລິສັດອີກດ້ວຍ.

ທ່ານຮອງນາຍົກລັດຖະມົນຕີໄດ້ໃຫ້ຄໍາເຫັນ ແລະຊົມເຊີຍສວນຊາ36 ຕໍ່ການສ້າງຄຸນນະພາບ ແລະມາດຕະຖານຊາທີ່ດີເລີດ,ສາມາດຊະນະລາງວັນຫຼຽນຄຳ ປະຈຳປີ 2021, 2022 ໄດ້ ແລະຢາກໃຫ້ປີ 2023 ນີ້ໄດ້ຊະນະອີກ. ເພິ່ນເນັ້ນໜັກໃຫ້ເອົາໃຈໃສ່ສືບຕໍ່ປະຕິບັດຮັກສາໃຫ້ຍືນຍົງ. ໃນປີ 2024 ທີ່ຈະມາເຖິງໄວໆນີ້ຈະເປັນປີທ່ອງທ່ຽວລາວ. ສະນັ້ນ, ເພິ່ນຢາກສົ່ງເສີມໃຫ້ມີນັກທ່ອງທ່ຽວເຂົ້າມາທ່ຽວຊົມໂຮງງານ ແລະ ການຜະລິດຊາຂອງປະເທດລາວເຮົາ.

ສຳລັບເປັນເວລາ 6 ປີແລ້ວທີ່ສວນຊາ 36 ໄດ້ສຸມທຸກເຫື່ອແຮງ ແລະ ຄວາມພະຍາຍາມເພື່ອສ້າງໃຫ້ຕົ້ນຊາບູຮານຂອງລາວເຮົາກາຍເປັນອີກສັນຍາລັກຫນຶ່ງຂອງປະເທດລາວ,ຢຶດຖືເອົາລະບົບທໍາມະຊາດເປັນສິ່ງສໍາຄັນ, ເບິ່ງແຍງດູແລ ແລະອານຸລັກຮັກສາລະບົບນິເວດຂອງຕົ້ນຊາບູຮານທີ່ຫາຍາກຂອງປະເທດລາວ, ນໍາສະເໜີປະເທດລາວ ແລະຕົ້ນຊາບູຮານທໍາມະຊາດທີ່ມາຈາກລະບົບນິເວດທີ່ປອດສານພິດຂອງລາວໃຫ້ເປັນທີ່ຮູ້ຈັກໃນທົ່ວໂລກ, ສົ່ງເສີມການສົ່ງອອກຜະລິດຕະພັນໃບຊາເພື່ອຊຸກຍູ້ສົ່ງເສີມການພັດທະນາເສດຖະກິດທ້ອງຖິ່ນພາຍໃນປະເທດລາວ".

"ພວກເຮົາທໍາການຜະລິດໂດຍນໍາເອົາໃບຊາຈາກຕົ້ນຊາບູຮານທໍາມະຊາດທີ່ບໍລິສຸດຊຶ່ງເຕີບໃຫຍ່ຢູ່ເຂດພູພຽງບໍລະເວນທາງພາກໃຕ້ຂອງປະເທດລາວ, ມາປຸງແຕ່ງດ້ວຍສີມືຫັດຖະກໍາແບບບູຮານຂອງລາວປະສານສົມທົບກັບເຕັກໂນໂລຢິທີ່ທັນສະໄໝ".

แชร์