ປ່ອຍນົກ 800 ກວ່າໂຕ ຍຶດຈາກການລັກລອບ ນຳເອົາສັດປ່າອອກຕ່າງປະເທດ

ເມືອງໃຫມ່ ແຂວງຜົ້ງສາລີ ໄດ້ປ່ອຍນົກຄືນສູ່ທຳມະຊາດ ຈຳນວນ 824 ໂຕ ຢູ່ທີ່ວັດພູແກ້ວ ເທບນິມິດພຼະນາຣາມ ໃນວັນທີ 28 ກັນຍາ 2023 ນີ້.

ນົກທີ່ນຳມາປ່ອຍ ແມ່ນໄດ້ມາຈາກ ກຳລັງ ປກສ ເມືອງໃໝ່ ທີ່ໄດ້ລົງຕິດຕາມກວດກາ ແລະ ສະກັດກັ້ນ ການລັກລອບການນຳເອົາສັດປ່າອອກຕ່າງປະເທດເຊິ່ງສາມາດພົບເຫັນ ກັກຕົວ ແລະ ຍຶດຂອງກາງມາໄດ້ ເປັນນົກຈຳນວນ 824 ໂຕ ຄື: ນົກຂວກ.

ໃນການປ່ອຍນົກຈຳນວນນີ້ຄືນສູ່ທຳມະຊາດກໍເພື່ອຫຼຸດຜ່ອນອັດຕາການສູນພັນຂອງສັດປີກທີ່ນັບມື້ຫຼຸດໜ້ອຍລົງທັງເປັນການຄືນຊີວິດອິດສະຫຼະໃຫ້ນົກຈຳນວນນີ້ກັບໄປໃຊ້ຊີວິດຕາມທຳມະຊາດ ແລະທັງເປັນການເພີ່ມປະລິມານສັດໃຫ້ມີຈຳນວນຫຼາຍຂື້ນເພື່ອທົດແທນຈຳນວນສັດປີກທີ່ຖືກທຳລາຍສູນເສຍໄປ ແລະເພື່ອເພີ່ມປະຊາກອນສັດປີກຕາມທຳມະຊາດໃຫ້ມີການແຜ່ພັນຫຼາຍຂຶ້ນ, ຄືນຄວາມອຸດົມສົມບູນສູ່ທຳມະຊາດ ແລະຈົ່ງພ້ອມກັນຮັກສາແນວພັນສັດຊະນິດນີ້ກ່ອນທີ່ຈະມີການສູນພັນ.

ທີ່ມາ: ພາບ ຂ່າວ ວັນວິໄລ

• 29/09/2023