ນາງ ຂັນມະນີ ສຸທຳມະວົງ ຮັບລາງວັນຜູ້ປະກອບກອບການແມ່ຍິງດີເດັ່ນອາຊຽນ

ສະຖາບັນການເງິນຈຸລະພາກ ທີ່ຮັບເງິນຝາກ ປະຕູຄຳ ໜຶ່ງສະຖາບັນທີ່ເອົາໃຈໃສ່ພັດທະນາໂດຍເນັ້ນຫົວໃຈສຳຄັນຫຼັກມີຄວາມຊື້ສັດຈິ່ງໃຈຕໍ່ລູກຄ້າເຮັດໃຫ້ການບໍລິການຜ່ານມາຮອດປະຈຸບັນມີຫຼາຍຢ່າງພົ້ນເດັ່ນຈົນກາຍເປັນທີ່ຍອມຮັບຈາກສັງຄົມຊຶ່ງສະແດງໃຫ້ເຫັນເມື່ອບໍ່ດົນທີ່ຜ່ານມາ ນາງ ຂັນມະນີ ສຸທຳມະວົງ ອຳນວຍການສະມາຄົມນັກທຸລະກິດແມ່ຍິງ (ສທຍ) ໄດ້ຮັບລາງວັນຜູ້ປະກອບກອບການແມ່ຍິງດີເດັ່ນອາຊຽນ ປະຈຳປີ 2023 Outstanding ASEAN Women' Entrepreneure Award 2023 (AWEN Award 2023)

ສຳລັບສະຖາບັນການເງິນຈຸລະພາກທີ່ຮັບເງິນຝາກປະຕູຄຳ ຖືກສ້າງຕັ້ງຂຶ້ນໃນວັນທີ 27 ສິງຫາ 2012 ພາຍໃຕ້ການຊີ້ນຳຂອງທະນາຄານແຫ່ງ ສປປລາວ. ທາງ ສກຈ ແມ່ນໄດ້ໃຫ້ບໍລິການດ້ານການເງິນຫລາຍປະເພດບໍ່ວ່າຈະເປັນປ່ອຍເງິນກູ້,ຮັບເງິນຝາກ, ໃຫ້ຄວາມຮູ້ທາງດ້ານການເງິນແກ່ນັກຮຽນ-ນັກສຶກສາ ແລະຜູ້ທີ່ໃຊ້ບໍລິການ. ນອກນີ້, ທາງສະຖາບັນຍັງໄດ້ມີກິດຈະກຳຫລາຍຢ່າງເພື່ອພັດທະນາຊຸມຊົນ ເຊັ່ນ: ນຳພາຜູ້ທີ່ໃຊ້ບໍລິການເຂົ້າຮ່ວມງານ ວັນSME, ທັດສະນະສຶກສາ ກ່ຽວກັບຄວາມຮູ້ພື້ນຸານດ້ານການເງິນ, ທັດສະນະສຶກສາດ້ານກະເສດອິນຊີ ແລະການກະສິກຳທີ່ປະເທດໄທ,ທັດສະນະສຶກສາແລກປ່ຽນບົດຮຽນລະຫວ່າງລູກຄ້າ ສກຈຮ ປະຕູຄຳ,ນຳພານັກສຶກສາຮຽນຮູ້ພື້ນຖານກ່ຽວກັບການເຮັດວຽກຂອງການເງິນຈຸລະພາກ ແລະຍັງມີຝຶກອົບຮົມອື່ນໆອີກ.

ງານດັ່ງກ່າວໄດ້ຈັດຂຶ້ນຕອນຄໍ່າຂອງວັນທີ ວັນທີ 2 ກັນຍາ 2023 ທີ່ ໂຮງແຮມ WJ Marriot ນະຄອນຫຼວງຈາກາຕາປະເທດອິນໂດເນເຊຍ ເຊິ່ງມີບັນດາປະເທດອາຊຽນທັງ 10 ປະເທດເຂົ້າຮ່ວມ, ໃນນາມ ສປປ ລາວ ກໍ່ຄືສະມາຄົມນັກທຸລະກິດແມ່ຍິງນຳໂດຍ ທ່ານ ມະໂນລາ ດາລາວົງ ປະທານທີ່ປຶກສາ ສທຍ, ມີສະມາຊິກແ ແລະຜູ້ຕິດຕາມເຂົ້າຮ່ວມໝົດ 32 ທ່ານ.

ສຳລັບຜູ້ໄດ້ຮັບລາງວັນດັ່ງກ່າວຈາກ 10 ປະເທອາຊຽນ ໃນນີ້ມີສະມາຊິກ ສະມາຄົມນັກທຸລະກິດແມ່ຍິງ ຈາກ ສປປ ລາວໄດ້ຮັບລາງວັນຈຳນວນ 10 ທ່ານ, ຈາກນະຄອນຫຼວງຈັນ 4 ທ່ານ, ຈາກແຂວງຄຳມ່ວນ 1 ທ່ານ, ສະຫວັນນະເຂດ 2 ທ່ານ ແລະທ່ານ ແຂວງຈຳປາສັກ 2 ທ່ານ ແລະສາລະວັນ 1 ດັ່ງລາຍຊື່ລຸມນີ້.

แชร์