ເດືອນສິງຫາ ສປປ ລາວ ສາມາດສົ່ງອອກສິນຄ້າ ມູນຄ່າ 446 ລ້ານໂດລາ

ໃນເດືອນສິງຫາ 2023 ສປປ ລາວ ສົ່ງອອກສິນຄ້າມູນຄ່າ 446 ລ້ານໂດລາສະຫະລັດ ສິນຄ້າສົ່ງອອກຫຼັກແມ່ນເກືອກາລີ ຮອງລົງມາແມ່ນຄຳແທ່ງ-ຄຳປະສົມ.
ອີງຕາມຂໍ້ມູນຂ່າວສານທາງການຄ້າຂອງ ສປປ ລາວ ລາຍງານວ່າ: ມູນຄ່າການນຳເຂົ້າ ແລະ ສົ່ງອອກສິນຄ້າຂອງ ສປປ ລາວ ປະຈຳເດືອນສິງຫາ ປີ 2023 ບັນລຸ 980 ລ້ານໂດລາ ໃນນີ້ ມູນຄ່າສົ່ງອອກປະມານ 446 ລ້ານໂດລາ ມູນຄ່າການນຳເຂົ້າ ປະມານ 534 ລ້ານໂດລາ ແລະ ຂາດດຸນການຄ້າປະມານ 88 ລ້ານໂດລາ.
ສິນຄ້າສົ່ງອອກ 10 ອັນດັບໄດ້ແກ່: ເກືອກາລີ ປະມານ 65 ລ້ານໂດລາ ຄຳປະສົມ-ຄຳແທ່ງ ປະມານ 59 ລ້ານໂດລາ ເຈ້ຍ ແລະເຄື່ອງທີ່ເຮັດດ້ວຍເຈ້ຍປະມານ 39 ລ້ານໂດລາ ແຮ່ທອງ ປະມານ 35 ລ້ານໂດລາ ນໍ້າຕານ ປະມານ 29 ລ້ານໂດລາ ຢາງພາລາ ປະມານ 26 ລ້ານໂດລາ ເຫຍື່ອໄມ້ ແລະເສດເຈ້ຍ ປະມານ 23 ລ້ານໂດລາ ເຄື່ອງນຸ່ງຫົ່ມປະມານ 21 ລ້ານໂດລາ ແຮ່ເຫຼັກ ປະມານ 19 ລ້ານໂດລາ ໝາກກ້ວຍ ປະມານ 13 ລ້ານໂດລາ.

ສິນຄ້ານຳເຂົ້າ 10 ອັນດັບໄດ້ແກ່:ນໍ້າມັນກາຊວນ ປະມານ 58 ລ້ານໂດລາ ອຸປະກອນກົນຈັກປະມານ 56 ລ້ານໂດລາ ພາຫະນະທາງບົກ ປະມານ 43 ລ້ານໂດລາ ເຫຼັກ ແລະ ເຄື່ອງທີ່ເຮັດດ້ວຍເຫຼັກ-ເຫຼັກກ້າປະມານ 37 ລ້ານໂດລາ ຊີ້ນສ່ວນອາໄຫຼ່ລົດປະມານ 22 ລ້ານໂດລາ ເຫຍື່ອໄມ້ ແລະເສດເຈ້ຍປະມານ 18 ລ້ານໂດລາ ເຄື່ອງໄຟຟ້າ ແລະ ອຸປະກອນໄຟຟ້າປະມານ 17 ລ້ານໂດລາ ນໍ້າມັນແອັດຊັງປະມານ 17 ລ້ານໂດລາ ເຄື່ອງໃຊ້ທີ່ເຮັດດ້ວຍປຼັສຕິກປະມານ 16 ລ້ານໂດລາ ເຄື່ອງດື່ມປະມານ 10 ລ້ານໂດລາ.

5 ປະເທດທີ່ ສປປ ລາວ ນຳເຂົ້າຫຼາຍໄດ້ແກ່: ໄທປະມານ 240 ລ້ານໂດລາ ຈີນປະມານ 175 ລ້ານໂດລາ ຫວຽດນາມປະມານ 25 ລ້ານໂດລາສະຫະລັດອາເມຣິການປະມານ 19 ລ້ານໂດລາ ແລະ ຍີ່ປຸ່ນປະມານ 15 ລ້ານໂດລາ ແນວໃດກໍຕາມ ມູນຄ່າການນຳເຂົ້າ ແລະ ສົ່ງອອກປະຈຳເດືອນ ສິງຫາ ປີ 2023 ແມ່ນຍັງບໍ່ກວມເອົາມູນຄ່າການນຳເຂົ້າ ແລະສົ່ງອອກໄຟຟ້າ.
ທີ່ມາ: Vientaine Mai

แชร์