ທະນາຄານເອັສທີ ຮັບລາງວັນຜູ້ປະກອບການແມ່ຍິງດີເດັ່ນອາຊຽນ

ທະນາຄານເອັສທີ ແມ່ນຫົວໜ່ວຍທຸລະກິດໃຫ້ບໍລິການທາງດ້ານການເງີນຫຼາຍປະເພດທີ່ເພິ່ນເອົາໃຈໃສ່ບໍ່ລະການດ້ວຍຄວາມໂປ່ງໃສ່ທັນສະໄໝເຮັດໃຫ້ກາຍເປັນທີ່ເຊື່ອໃຈ ຂອງສັງຄົມພາຍໃນ ແລະ ຕ່າງປະເທດ ເມື່ອບໍ່ດົນຜ່ານມາຕ່າງໜ້າທະນາຄານ ທ່ານນາງ ຂັນທອງ ໄຊຊະນະ ໄດ້ຮັບລາງວັນຜູ້ປະກອບການແມ່ຍິງດີເດັ່ນອາຊຽນ ປະຈຳປີ 2023 Outstanding ASEAN Women' Entrepreneure Award 2023 (AWEN Award 2023)

ສໍາລັບເງື່ອນໄຂໃນການຄັດເລືອກຮັບລາງວັນເຄືອຂ່າຍຜູ້ປະກອບແມ່ຍິງດີເດັ່ນອາຊຽນ 2023 ປະກອບມີ ເປັນສະມາຊິກຂອງເຄືອຂ່າຍຜູ້ກອບການແມ່ຍິງອາຊຽນ ASEAN Women Entrepreneurs Network (AWEN) ສໍາລັບ ສປປ ລາວ ແມ່ນເປັນສະມາຊິກຂອງສະມາຄົມນັກທຸລະກິດແມ່ຍິງເທົ່ານັ້ນມີຄວາມພໍໃຈສາມາດແບ່ງປັນຂໍ້ມູນປະຫວັດຂອງຕົວເອງໃຫ້ແກ່ຄະນະຮັບຜິດຊອບຂອງງານ ແລະພາກສ່ວນທີ່ກ່ຽວກຂ້ອງເປັນເຈົ້າຂອງທຸລະກິດ ຈຸນລະວິດສາຫະກິດ ວິດສາຫະກິດຂະໜາດນ້ອຍ ແລະກາງ ແລະວິດສາຫະກິດຂະໜາດໃຫຍ່ທີ່ມີຜົນງານໂດດເດັ່ນມີການເຕີບໂຕຢ່າງຕໍ່ເນື່ອງຢ່າງໜ້ອຍ 5 ປີ ຂຶ້ນໄປມີການຊຸກຍູ້ສົ່ງເສີມ ຊ່ວຍເຫຼືອສັງຄົມເປັນຄົນມີສິນລະທຳ ຊື່ສັດສຸຈະລິດ ເຫັນຜົນປະໂຫຍດແກ່ສ່ວນລວມສັງຄົມ ແລະມີຄວາມໜ້າເຊື່ອຖືຕໍ່ອົງການຈັດຕັ້ງຕ່າງໆກໍ່ຄືສັງຄົມສາມາດຮັກສາພະນັກງານຢູ່ໃນອົງການຂອງຕົນເອງໄດ້ເປັນຢ່າງດີ ໄດ້ຮັບລາງວັນອື່ນໆໃນອະດີດໃນລະດັບຊາດ ແລະສາກົນ ເປັນແມ່ຍິງແບບຢ່າງທີ່ດີຫ້າວຫັນ ແລະມີວິໄສທັດກວ້າງໄກຊຸກຍູ້ສົ່ງເສີມ ແລະຊ່ວຍເຫຼືອເຊິ່ງກັນ ແລະກັນມີສ່ວນຮ່ວມກັບຄົນອື່ນໆໃນວຽກງານຕ່າງໆໃນຢູ່ທ້ອງຖິ່ນພາກພື້ນ ແລະສາກົນມີຄວາມເຕັມໃຈຕະຫຼອດເວລາໃນການປະກອບສ່ວນເຂົ້າໃນອົງການຈັດຕັ້ງທີ່ຄັດເລືອກ ແບ່ງປັນຄວາມຮູ້ ແລະຄວາມສາມາດຂອງຕົນໃຫ້ກັບສະມາຊິກຄົນອື່ນໆ ຫຼືອົງການຈັດຕັ້ງ ແລະມີຄວາພ້ອມຮັບທີ່ຈະຮັບລາງວັນ.

ໂອກາດນີ້ທ່ານນາງ ຂັນທອງ ໄຊຊະນະ ໃນນາມສ່ວນຕົວຂ້າພະເຈົ້າ ໄດ້ມີຄວາມດີໃຈ ແລະພາກພູມໃຈຫຼາຍທີ່ໄດ້ຮັບໂອກາດດີໆ ແລະຕ່າງໜ້າໃຫ້ນັກທຸລະກິດແມ່ຍິງລາວ ຂອງແຂວງຈຳປາສັກໄດ້ຂື້ນສູ່ເວທີອັນຊົງກຽດ ຮັບລາງວັນ ASEAN AWEN AWARD 2023 ທີ່ປະເທດ INDONESIA, ແລະຂ້າພະເຈົ້າຈະນໍາເອົາປະສົບການ ແລະບົດຮຽນໃນຄັ້ງນີ້ມາພັດທະນາສາມາຄົມນັກທຸລະກີດຍິງຂອງພວກເຮົາໃຫ້ກ້າວໜ້າ ແລະກ້າວໄກ.

ສຳລັບທະນາຄານເອັສທີ ຈໍາກັດ ຖືກສ້າງຕັ້ງຂື້ນໃນວັນທີ 22 ພຶດສະພາ 2009 ເຊີ່ງເປັນທະນາຄານເອກະຊົນ ລາວເປັນເຈົ້າຂອງເຊີ່ງຖືຮຸ້ນ 100%, ທະນາຄານເອັສທີ ແມ່ນໃຫ້ບໍລິການທາງດ້ານການເງີນຫຼາຍປະເພດເຊັ່ນ: ບໍລິການຮັບເງີນຝາກ, ປ່ອຍສິນເຊື່ອ, ບໍລິການໂອນເງີນພາຍໃນ ແລະ ຕ່າງປະເທດ ນອກນັ້ນຍັງຮັບຊຳລະກຸງສີ,ອີອອນ,ນໍ້າປະປາ ແລະຍັງພັດທະນາເທັກໂນໂລຢີທາງດ້ານການເງີນຜ່ານທາງອອນລາຍແລະ Life Style Mobile banking ແລະຈ່າຍເງີນຕ່າງໆ ຜ່ານ E-Commerce ແລະທາງດ້ານເທັກໂນໂລຢີໃໝ່ໆ, ມີການຂະຫຍາຍຜະລິດຕະພັນ ແລະບໍລິການໄປຢ່າງທຸລະກິດອື່ນໆ ທັງ Retail, SME, ແລະທຸລະກິດການຄ້າລະຫ່ວາງປະເທດອີກດ້ວຍ.

ຂ່າວ ບຸນນິກ ມະນີ

แชร์