ໂຮງແຮມ ເອຣາວັນ ຣີເວີໄຊ ຮັບລາງວັນຜູ້ປະກອບກອບການແມ່ຍິງດີເດັ່ນອາຊຽນ

ໂຮງແຮມ ເອຣາວັນ ຣີເວີໄຊ ໜຶ່ງຫົວໜ່ວຍທຸລະກິດ ບໍລິການດ້ານທີ່ພັກ ຮັບຈັດງານສ້າງສັນຕ່າງໆຖືວ່າຢູ່ລະດັບແຖວໜ້າ ນະຄອນປາເຊ ທີ່ເພິ່ນມີປະສົບການ, ການບໍລິຫານ ແລະທີ່ສຳຄັນເພິ່ນເນັ້ນເລື່ອງຄຸນນະພາບມາດຖານຊື່ສັດຈິ່ງໃຈຕໍ່ຄູ່ຮ່ວມທຸລະກິດຈົນກາຍເປັນທີ່ຍອມຮັບຈາກສັງຄົມພາຍໃນ ແລະຕ່າງປະເທດຫຼ້າສຸດເມື່ອບໍ່ດົນຜ່ານມາ ທ່ານນາງ ຈັນທະລັງສີ ປະພັນພານິດ ຮອງປະທານ ກຸ່ມ ບໍລິສັດ ປະພັນພານິດ ຈຳກັດແຂວງຈຳປາສັກ ໄດ້ຮັບລາງວັນຜູ້ປະກອບການແມ່ຍິງດີເດັ່ນອາຊຽນ ປະຈຳປີ 2023 Outstanding ASEAN Women' Entrepreneure Award 2022 (AWEN Award 2023)ໂຮງແຮມ ເອຣາວັນ ຣີເວີໄຊ ໜຶ່ງໂຮງແຮມຢູ່ລະດັບແຖວໜ້າແຂວງຈຳປາສັກ ທີ່ເພິ່ນມີປະສັບການດ້ານການບໍລິຫານມາຫຼາຍປີເຮັດໃຫ້ແຂກທີ່ມາພັກທັງພາຍໃນ ແລະ ຕ່າງປະເທດປະທັບໃຈ ຊຶ່ງໂຮງແຮມເພິ່ນເປີດບໍລິການມາແຕ່ປີ 2008 ມີຫ້ອງນອນເກືອບ 200 ຫ້ອງ, ນອກຈາກນີ້ເພິ່ນຍັງມີຮັບຈັດງານລ້ຽງ, ກອງປະຊຸມທີ່ສາມາດຮອງຮັບແຂກທີ່ມາໃຊ້ບໍລິການ 2 ພັນກວ່າຄົນ.

ງານດັ່ງກ່າວໄດ້ຈັດຂຶ້ນຕອນຄໍ່າຂອງວັນທີ ວັນທີ 2 ກັນຍາ 2023 ທີ່ໂຮງແຮມ WJ Marriot ນະຄອນຫຼວງຈາກາຕາ ປະເທດອິນໂດເນເຊຍເຊິ່ງມີບັນດາປະເທດອາຊຽນທັງ 10 ປະເທດເຂົ້າຮ່ວມ, ໃນນີ້ມີສະມາຊິກສະມາຄົມນັກທຸລະກິດແມ່ຍິງຈາກ ສປປ ລາວ ໄດ້ຮັບລາງວັນຈຳນວນ 10 ທ່ານ, ຈາກນະຄອນຫຼວງຈັນ 4 ທ່ານ,ຈາກແຂວງຄຳມ່ວນ 1 ທ່ານ, ສະຫວັນນະເຂດ 2 ທ່ານ ແລະທ່ານ ແຂວງຈຳປາສັກ 2 ທ່ານ ແລະສາລະວັນ 1.

ສໍາລັບເງື່ອນໄຂໃນການຄັດເລືອກຮັບລາງວັນເຄືອຂ່າຍຜູ້ປະກອບແມ່ຍິງດີເດັ່ນອາຊຽນ 2023 ປະກອບມີ ເປັນສະມາຊິກຂອງເຄືອຂ່າຍຜູ້ກອບການແມ່ຍິງອາຊຽນ ASEAN Women Entrepreneurs Network (AWEN) ສໍາລັບ ສປປ ລາວ ແມ່ນເປັນສະມາຊິກຂອງສະມາຄົມນັກທຸລະກິດແມ່ຍິງເທົ່ານັ້ນມີຄວາມພໍໃຈສາມາດແບ່ງປັນຂໍ້ມູນປະຫວັດຂອງຕົວເອງໃຫ້ແກ່ຄະນະຮັບຜິດຊອບຂອງງານ ແລະພາກສ່ວນທີ່ກ່ຽວກຂ້ອງເປັນເຈົ້າຂອງທຸລະກິດ ຈຸນລະວິສາຫະກິດ ສາຫະກິດຂະໜາດນ້ອຍ ແລະກາງ ແລະວິດສາຫະກິດຂະໜາດໃຫຍ່ທີ່ມີຜົນງານໂດດເດັ່ນມີການເຕີບໂຕຢ່າງຕໍ່ເນື່ອງຢ່າງໜ້ອຍ 5 ປີ ຂຶ້ນໄປມີການຊຸກຍູ້ສົ່ງເສີມຊ່ວຍເຫຼືອສັງຄົມເປັນຄົນມີສິນລະທຳຊື່ສັດສຸຈະລິດເຫັນຜົນປະໂຫຍດແກ່ສ່ວນລວມສັງຄົມ ແລະມີຄວາມໜ້າເຊື່ອຖືຕໍ່ອົງການຈັດຕັ້ງຕ່າງໆກໍ່ຄືສັງຄົມສາມາດຮັກສາພະນັກງານຢູ່ໃນອົງການຂອງຕົນເອງໄດ້ເປັນຢ່າງດີ.

แชร์