ການຮ່ວມມືລະຫວ່າງ ໂຕໂຍຕ້າລາວ ສະຫວັນ ແລະທະນາຄານ ມາຣູຮານ ເຈແປນລາວ

ນັບວ່າເປັນຂ່າວດີສຳລັບຊາວແຂວງສະຫວັນນະເຂດ ທີ່ສົນໃຈຢາກເປັນເຈົ້າລົດໂຕໂຍຕ້າ ແຕ່ຍັງມີກຳລັງຊັບບໍ່ທັນພຽງພໍ  ໂດຍໄດ້ມີການເຊັນສັນຍາ ຮ່ວມມືກກັນລະຫວ່າງ ບໍລິສັດ ໂຕໂຍຕ້າລາວ ສະຫວັນ ຈຳກັດ ແລະ ທະນາຄານ ມາຣູຮານ ເຈແປນລາວ ຈຳກັດ.

ພິທີລົງນາມການຮ່ວມມືຂອງທັງສອງຝ່າຍ ໄດ້ຈັດຂຶ້ນຢ່າງເປັນທາງການໃນຕອນເຊົ້າວັນທີ 22 ກັນຍາ 2023, ທີ່ ບໍລິສັດ ໂຕໂຍຕ້າລາວ ສະຫວັນ ຈໍາກັດ. ເຊິ່ງຕາງໜ້າເຊັນບົດບັນທຶກຄວາມເຂົ້າໃຈໃນຄັ້ງນີ້ຂອງທ່ານ ພູວະດົນ ວິຣະວົງ ຜູ້ອໍານວຍການ ບໍລິສັດ ໂຕໂຍຕ້າ ລາວ ສະຫວັນ ຈໍາກັດ ແລະທ່ານ ວິຍາສອນ ມູນນະລາດ ຫົວໜ້າພະແນກຕົວແທນທາງການເງິນ ຂອງທະນາຄານມາຣູຮານ ເຈແປນ ລາວ ຈໍາກັດ, ໂດຍມີພະນັກງານຂອງທັງສອງອົງກອນ ພ້ອມດ້ວຍບັນດາແຂກທີ່ເຂົ້າຮ່ວມເປັນສັກຂີພະຍານການຮ່ວມມືໃນຄັ້ງນີ້.

ສຳລັບຈຸດພິເສດທີ່ນໍາສະເໜີໃຫ້ແກ່ລູກຄ້າປະກອບມີ: 1. ຈ່າຍດາວເລີ່ມຕົ້ນແຕ່ 20%, 2. ອັດຕາດອກເບ້ຍພຽງ 0,55% ຕໍ່ເດືອນ, 3. ກູ້ໄດ້ດົນເຖິງ 72 ເດືອນ, 4. ພິຈາລະນາເປັນພິເສດສໍາລັບລົດໂຕໂຍຕ້າ, 5. ຈ່າຍເປັນເງິນກິບ ແລະ ຄົງທີ່ຕະຫຼອດອາຍຸສັນຍາ (ບໍ່ຜູກກັບອັດຕາແລກປ່ຽນ), ນັບວ່າເປັນທາງເລືອກທີ່ດີສຳລັບລູກຄ້າລົດໂຕໂຍຕ້າແຂວງສະຫວັນນະເຂດ ທີ່ສົນໃຈຢາກເປັນເຈົ້າຂອງລົດດັ່ງກ່າວ.

 

แชร์