ລີສອດ ນໍ້າສາມສາຍ ມີຄວາມພ້ອມຕ້ອນຮັບນັກທ່ອງທ່ຽວພາຍໃນ-ຕ່າງປະເທດ

ລີສອດ ນໍ້າສາມສາຍ ໄດ້ມີການປັບປຸງ ແລະແກ້ໄຂບາງຈຸດພ້ອມທັງຂະຫຍາຍກິດຈະກໍາຫຼາຍດ້ານເພື່ອໃຫ້ຕອບສະໜອງຄວາມຕ້ອງການຂອງນັກທ່ອງທ່ຽວເຊິ່ງມາຮອດປັດຈຸບັນແຫຼ່ງທ່ອງທ່ຽວດັ່ງກ່າວມີຄວາມພ້ອມໃນລະດັບດີ ແລະຈະສືບຕໍ່ປັບປຸງໃຫ້ດີຂຶ້ນເລື້ອຍໆ ເພື່ອກຽມຕ້ອນຮັບນັກທ່ອງທ່ຽວທັງພາຍໃນ ແລະຕ່າງປະເທດເນື່ອງໃນໂອກາດປີທ່ອງທ່ຽວລາວ 2024.

ປະຈຸບັນອາກາດບ້ານເຮົາແມ່ນຮ້ອນອົບເອົ້າເຮັດໃຫ້ຫຼາຍຄົນອິດເມື່ອຍນຳວຽກງານແລ້ວຍັງມາງຸດງິດນຳສະພາບອາກາດຕື່ມອີກ. ມື້ນີ້ຄໍລຳທ່ອງທ່ຽວພວກເຮົາຂໍແນະນຳໜຶ່ງສະຖານທີ່ທ່ອງທ່ຽວເໝາະກັບການຜັກຜ່ອນສຸດໆຄືລີສອດນໍ້າສາມສາຍ ເມືອງເຟືອງ ບັນຍາກາດໂຄດໆດີເລີຍລະໂດຍສະເພາະສາຍນໍ້າເຢັນໆບວກກັບຕົ້ນໄມ້ໃຫຍ່ຕາມແມ່ນໍ້ານອກນີ້ຍັງສຳພັດເຖິງທຳມະຊາດບໍ່ວ່າຈະເປັນສ່ຽງສັດປ່ານາໆພັນຫຼາຍຊະນິດບອກເລີຍທ່ານຮອດຈຸດນີ້ຄວາມອິດເມື່ອຍຈະໝົດໄປແນ່ນອນ.
ເມືອງເຟືອງ ຫຼາຍຄົນເຄີຍຮູ້ກັນດີປະຈຸບັນກຳລັງເປັນທີ່ນິຍົມແຂກພາຍໃນ ແລະຕ່າງປະເທດເປັນເມືອງອຸດສາຫະກໍາທ່ອງທ່ຽວແມ່ນພົ້ນເດັ່ນບໍ່ໜ້ອຍກວ່າຂະແໜງການຜະລິດກະສິກໍາ ແລະ ຈະກາຍເປັນເມືອງທ່ອງທ່ຽວອັນດັບຕົ້ນໆຂອງແຂວງວຽງຈັນເຊັ່ນກັນ, ດັ່ງທີ່ຮູ້ຜ່ານມາແຫຼ່ງທ່ອງທ່ຽວເມືອງວັງວຽງເປັນອັນດັບໜຶ່ງຕະຫຼອດ ແຕ່ປັດຈຸບັນນີ້ແຫຼ່ງທ່ອງທ່ຽວເມືອງເຟືອງພວມຈະຄັດເລືອກ ແລະ ຈັດອັນດັບພາຍໃນຕົວມັນເອງວ່າຖ້ານັກທ່ອງທ່ຽວຕ້ອງການມານອນເຮືອນແພແຮມຄືນຕາມສາຍນໍ້າລີກທີ່ຫງຽບສະຫງົບ, ຕອນເຊົ້າໃສ່ບາດ, ຂີ່ເຮືອລອງຕາມສາຍນໍ້າ, ມີຄົນຂັບເຮືອມາເລາະຂາຍເຄື່ອງໃຫ້ນັກທ່ອງທ່ຽວຕາມເຮືອນແພ, ວິຖີຊີວິດຂອງຄົນທ້ອງຖິ່ນ,ໄປເບິ່ງຜາທໍ່ໜໍ່ຄໍາ ແລະອື່ນໆນັ້ນພວກເຂົາເຈົ້າຂ້ອຍອາດເລືອກເມືອງເຟືອງກໍເປັນໄດ້.

ລີສອດ ນໍ້າສາມສາຍ ເພິ່ນມີບໍລິການທີ່ພັກເປັນເຮືອເທິງບົກ, ມີຫ້ອງນ້າໃນຕົວເປັນຫ້ອງແອພັດລົມ ແລະມີອາຫານເຊົ້າຟຮີພິເສດຍັງມີກິດຈະກຳໃສ່ບາດຍາມເຊົ້າ, ຂີ່ເຮືອລອງຕາມສາຍນໍ້າ, ມີຄົນຂັບເຮືອມາເລາະຂາຍເຄື່ອງໃຫ້ນັກທ່ອງທ່ຽວຕາມເຮືອນແພ, ວິຖີຊີວິດຂອງຄົນທ້ອງຖິ່ນ, ໄປເບິ່ງຜາທໍ່ໜໍ່ຄໍາ ແລະອື່ນໆນັ້ນພວກເຂົາເຈົ້າຂ້ອຍອາດເລືອກເມືອງເຟືອງກໍເປັນໄດ້. ສະຖານທີ່ຕັ້ງຢູ່ເມືອງເຟືອງ ແຂວງວຽງຈັນ ທ່ານໃດສົນໃຈສາມາດຕິດຕໍ່ພົວພັນ ສອບຖາມໄດ້ທີ່ເບີ 020 22088883 ຫຼື 54273888.

แชร์