ຣາຊ-ລາວ ບັນລຸຜົນສຳເລັດປະຕິບັດໂຄງການ “ກ້າໄມ້ແຕກໃບສົດ ໃສຢືນຕົ້ນໃຫຍ່ງາມ

  ບໍລິສັດຣາຊ-ລາວບໍລິການຈຳກັດແມ່ນຫຸ້ນໜຶ່ງໃນຫຼາຍບໍລິສັດຍ່ອຍຂອງບໍລິສັດຜະລິດໄຟຟ້າຣາຊບູລີໂຮນດິ້ງຈຳກັດ (ມະຫາຊົນ) ທີ່ລົງທຶນໃນການປະກອບ ກິດຈະການບຳລຸງຮັກສາ ແລະບໍລິຫານໂຮງງານໄຟຟ້າຂະໜາດໃຫຍ່ຮ່ວມພັດທະນາໂຮງໄຟຟ້າຂະໜາດນ້ອຍ ແລະທຸລະກິດທີ່ກ່ຽວຂ້ອງລວມໄປເຖິງການລົງ ທຶນໃນບໍລິສັດຜະລິດໄຟຟ້າລາວມະຫາຊົນຜ່ານທາງຕະຫຼາດຫຼັກຊັບລາວໃນການຊື້ຫຸ້ນບໍລິສັດຜະລິດໄຟຟ້າລາວມະຫາຊົນ (EDL-GEN) ແລະ ບໍລິສັດຍັງໄດ້ເຂົ້າຮ່ວມການລົງທຶນໃນຫຼາຍໂຄງການເຊັ່ນ: ໂຄງການໄຟຟ້າພະລັງງານນ້ຳເຊປຽນ-ເຊນ້ຳນ້ອຍ (PNPC), ໂຄງການໄຟຟ້າພະລັງງານນ້ຳງື່ມ 2 (NN2) ໂຄງການໄຟຟ້າພະລັງງານຄວາມຮ້ອນຫົງສາ (HPC) ແລະກຳລັງ ສຶກສາຄວາມເປັນໄປໄດ້ໃນການພັດທະນາໂຄງການເຂື່ອນໄຟຟ້າເຊກອງ 4a4b ໃນອະນາ ຄົດອັນໃກ້ນີ້.

ການຮ່ວມລົງທຶນໃນໂຄງການຕ່າງໆຂອງບໍລິສັດນອກຈາກທີ່ເປັນຜູ້ຮ່ວມຫຸ້ນຂອງບໍລິສັດຜະລິດໄຟຟ້າຣາຊບູລີໂຮນດິ້ງຈຳກັດ (ມະຫາຊົນ) ແລ້ວບໍລິສັດຣາຊ-ລາວບໍລິການຈຳກັດຍັງຮ່ວມມືກັບກົມພັດທະນາວິຊາຊີບສູນກາງຊາວໜຸ່ມປະຊາຊົນປະຕິວັດລາວ (ຊປປລ) ໃນການຊ່ວຍເຫລືອສັງຄົມລາວເວົ້າສະເພາະແມ່ ນໂຄງການ “ກ້າ ໄມ້ແຕກໃບສົດໃສຢືນຕົ້ນໃຫຍ່ງາມ”  ຊຶ່ງບໍລິສັດໄດ້ສະໜັບສະໜູນເງິນທຶນໝູນວຽນຈຳນວນໜຶ່ງໃຫ້ແກ່ສູນກາງຊາວໜຸ່ມປະຊາຊົນປະຕິ ວັດລາວເພື່ອສ້າງໂອກາດ ແລະມອບທຶນບໍ່ມີດອກເບ້ຍດ້ານການພັດທະນາຍົກລະດັບຄວາມຮູ້ດ້ານວິຊາການທັກສະສີມືແຮງງານສຳລັບປະກອບອາຊີບໃຫ້ແກ່ນັກຮຽນທີ່ຈົບການສຶກສາຈາກສູນຝຶກອົບຮົມວິຊາຊີບໃຫ້ແກ່ຊາວໜຸ່ມຜູ້ທີ່ດ້ອຍໂອກາດບໍ່ມີວຽກເຮັດງານທຳໃຫ້ມີອາຊີບທີ່ໝັ້ນຄົງໂດຍໄດ້ເລີ່ມແຕ່ເດືອນເມ ສາ 2012 ເປັນຕົ້ນມາ.

  ສະເພາະເງິນທຶນໝູນວຽນນີ້ໂຄງການນຳເອົາທຶນໄປມອບໃຫ້ແກ່ຊາວໜຸ່ມກູ້ຢືມໂດຍບໍ່ມີດອກເບ້ຍຊຶ່ງຖືວ່າເປັນສ່ວນໜຶ່ງທີ່ປະກອບສ່ວນເຂົ້າໃນການສ້າງສາພັດທະນາປະເທດຊາດໃນການແກ້ໄຂຄວາມທຸກຍາກຂອງປະຊາຊົນເສີມສ້າງພັດທະນາວິຊາຊີບພັດທະນາດ້ານສີມືແຮງງານລາວໃຫ້ມີຄຸນນະພາບ ແລະເງິນທຶ ນໝູນວຽນນັ້ນແມ່ນຖືກນຳໃຊ້ໝູນວຽນທຶນໃຫ້ແກ່ຊາວໜຸ່ມຜູ້ອື່ນໆທີ່ມີເງື່ອນໄຂກູ້ຢືມຕໍ່ໄປປະຈຸບັນຈຳນວນເງິນໝູນວຽນສາມາດມອບທຶນໃຫ້ແກ່ຊາວໜຸ່ມຈຳນວນ 36 ທຶນເປັນເງິນ 300 ລ້ານກວ່າກີບ ໂດຍອາຊີບຫຼັກໆໄດ້ແກ່ສ້ອມແປງລົດຈັກ, ເສີມສວຍ, ຕັດຫຍິບ ແລະ ໃນແຕ່ລະປີບໍລິສັດ ແລະ ສູນກາງ ຊາວໜຸ່ມຍັງໄດ້ລົງຊຸກຍູ້ຕິດຕາມຊາວໜຸ່ມເປັນໄລຍະໃນທຸກແຂວງທົ່ວປະເທດ.

 ເຖິງຢ່າງໃດກໍຕາມຜ່ານການຈັດຕັ້ງປະຕິບັດໂຄງການດັ່ງກ່າວໄດ້ເຮັດໃຫ້ຊາວໜຸ່ມທີ່ດ້ອຍໂອກາດໄດ້ຮັບການສຶກສາຮ່ຳຮຽນ ແລະໄດ້ຮັບການສະໜັບສະໜູນຈາກບໍລິສັດຣາຊ-ລາວບໍລິການຈຳກັດເຮັດໃຫ້ມີວຽກເຮັດງານທຳສາມາດປະກອບກິດຈະການເປັນຂອງຕົນເອງຊຶ່ງເປັນການສ້າງລາຍຮັບໃຫ້ແກ່ຕົນເອງ ແລະຄອບຄົວດີຂຶ້ນເທື່ອລະກ້າວ, ພ້ອມນີ້ບໍລິສັດຍັງຄາດຫວັງວ່າຈະເປັນໂຄງການຕົ້ນແບບເພື່ອໃຫ້ບໍລິສັດເອກະຊົນອື່ນໆໃນ ສປປ ລາວ ໄດ້ນຳເອົາຮູບແບບການຊ່ວຍເຫຼືອທີ່ຍືນຍົງໄປນຳໃຊ້ປະຕິບັດກັບຊາວໜຸ່ມຄົນອື່ນໆຕໍ່ໄປ.

   ຕະຫຼອດໄລຍະເວລາ 9 ປີທີ່ບໍລິສັດຣາຊ-ລາວບໍລິການຈຳກັດມີຄວາມມຸ່ງໜັ້ນທີ່ຈະສ້າງຄວາມສຳເລັດຄວບຄູ່ກັບການພັດທະນາຄຸນນະພາບຊີວິດປະຊາຊົນລາວໃຫ້ມີຄວາມເປັນຢູ່ດີຂື້ນບໍລິສັດຕະໜັກດີວ່າຄວາມສຳເລັດຂອງບໍລິສັດນັ້ນຈະໝັ້ນຍືນໄດ້ເຮົາຕ້ອງມຸ່ງສ້າງຄວາມເຂັ້ມແຂງຈາກພາຍໃນບໍລິສັດໂດຍເໜັ້ນການປູກຝັງສ້າງຄ່ານິຍົມທີ່ຖືກຕ້ອງຄຸນນະທຳຈາລິຍະທຳຄວາມຊື່ສັດຄວາມໂປ່ງໃສ່ແລະຄວາມຮັບຜິດຊອບຕໍ່ຜູ້ມີສ່ວນໄດ້ເສຍທຸກກຸ່ມເປົ້າໝາຍໃນ ສປປ ລາວ ດ້ວຍຄວາມເທົ່າທຽມເປັນທຳ ແລະຖືກຕ້ອງໃນການດຳເນີນກິດຈະການຂອງບໍລິສັດຕໍ່ໄປ.

ຂ່າວ: ນສພ ເສດຖະກິດ-ສັງຄົມ

แชร์