ລາວໂມບາຍມັນນີ ເປີດໂຕແອັບກະເປົ໋າເງິນ ເທິງມືຖືທີ່ທັນສະໄໝ ແລະສະດວກກວ່າ

ພິທີເປີດໂຕແອັບໃໝ່ M moneyX Application ຂອງບໍລິສັດ ລາວໂມບາຍມັນນີ ຈຳກັດຜູ້ດຽວ ເພື່ອເປັນການປ່ຽນຮູບແບບໃໝ່ ຈາກແອັບ M money ມາເປັນແອັບ M moneyX ກະເປົ໋າເງິນເທິງມືຖື E-Wallet  ທີ່ທັນສະໄໝ ແລະໃຫ້ປະສົບການທຸລະກຳການເງິນທີ່ສະດວກກວ່າ, ໄດ້ຈັດຂຶ້ນໃນວັນທີ 8 ກັນຍາ 2023  ນີ້ ທີ່ ບໍລິສັດ ລາວໂທລະຄົມມະນາຄົມ ມະຫາຊົນ, ນະຄອນຫລວງວຽງຈັນ ເປັນກຽດເຂົ້າຮ່ວມໂດຍທ່ານ ສຸພົນ ຈັນທະວີໄຊ ຜູ້ອຳນວຍການໃຫຍ່ ບໍລິສັດລາວໂທລະຄົມ ມະນາຄົມ ມະຫາຊົນ ພ້ອມດ້ວຍພາກສ່ວນທີ່ກ່ຽວຂ້ອງ.

 ທ່ານ ອາລຸນນະເດດ ບານຈິດ ຜູ້ອໍານວຍການບໍລິສັດລາວໂມບາຍມັນນີ ຈຳກັດຜູ້ດຽວ ກ່າວວ່າ: ຈຸດປະສົງຂອງການຈັດພິທີເປີດໂຕແອັບໃໝ່ M moneyX Application ຂອງບໍລິສັດ ລາວໂມບາຍມັນນີ ຈຳກັດຜູ້ດຽວ ໃນຄັ້ງນີ້ ເພື່ອເປັນການປ່ຽນຮູບແບບໃໝ່ ຈາກແອັບ M money ມາເປັນແອັບ M moneyX ກະເປົ໋າເງິນເທິງມືຖື E-Wallet  ທີ່ທັນສະໄໝ ແລະໃຫ້ປະສົບການ ທຸລະກຳການເງິນ ທີ່ສະດວກກວ່າ ເພື່ອຕອບສະໜອງເພີ່ມຄວາມສະດວກໃຫ້ ລູກຄ້າໄດ້ຢ່າງທົ່ວເຖິງ ໃນຂອບເຂດທົ່ວປະເທດການພັດທະນາແອັບໃນຄັ້ງນີ້ຈະເຮັດໃຫ້ແອັບ M money X ເປັນແອັບ E-Wallet ທີ່ຕອບໂຈດ ແລະ ໃຫ້ປະໂຫຍດສູງສຸດແກ່ຜູ້ໃຊ້ງານ.

M money ໃນ X ເວີຊັ້ນ, ຈະມີລະບົບປະຕິບັດການທີ່ມີຄວາມທັນສະໄຫມມີຄວາມລຳໜ້າທາງດ້ານເຕັກໂນໂລຊີ້. ພ້ອມດຽວກັນນັ້ນໃນ X ເວີຂະມາພ້ອມໃນຮູບແບບຂອງ 4 ອົງປະກອບຢ່າງເຊັ່ນ: 1) experience, ໃຫ້ປະສົບການ UX & UI ໃນຮູບເເບບໃຫມ່, ພ້ອມທັງອັບເດດລະບົບຄວາມປອດໄພທາງດ້ານ IT ໃນຂັ້ນສູງສຸດໂດຍມີໃບຮັບຮອງຈາກ ISO/IEC 27001:2023; 2) exclusivity, ແອັບເຮົາໃຫ້ຫລາຍກ່ວາການຊຳລະມີຜົນປະໂຫຍດທີ່ຫລາກຫລາຍ ບໍ່ວ່າຈະເປັນສ່ວນຫລຸດຈາກບັນດາຮ້ານຄ້າ ເເລະ ສ່ວນຫລຸດຈາກການຊຳລະທຸລະກຳຕ່າງໆໃນແອັບ ແລະ ການສະສົມຄະແນນເພື່ອແລກຂອງລາງວັນອື່ນໆ; 3) expertise, M moneyX ໄດ້ຖືກອອກແບບ ແລະ ພັດທະນາໂດຍຄົນລາວແທ້ 100% ໂດຍບຸກຄະລາກອນທີ່ມີຄຸນນະພາບ ທີ່ຮູ້ແລະເຂົ້າໃຈຕະຫລາດພາຍໃນເປັນຢ່າງດີພ້ອມທັງນຳມາພັດທະນາເພື່ອມາຕອບໂຈດໃຫ້ຜູ້ຊົມໃຊ້ຢ່າງສູງສຸດ; 4) Collaboration: ຫມາຍເຖິງການຮ່ວມມືທີ່ຫລາຍຂຶ້ນ, ການຮ່ວມມືພັກດັນພາກສ່ວນການຕະຫລາດນຳພາກສວ່ນອື່ນໆ ທັງພາຍນອກ ແລະພາຍໃນປະເທດ. ພວກເຮົາຈະເຫັນການ X ໃນຮູບແບບການຮ່ວມມືຫລາຍຂຶ້ນໃນເວີຊັ່ນ M moneyX.

แชร์