ສທຍ ໄດ້ຮັບລາງວັນຜູ້ປະກອບການແມ່ຍິງດີເດັ່ນອາຊຽນ

ສະມາຊິກສະມາຄົມນັກທຸລະກິດແມ່ຍິງ (ສທຍ) ໄດ້ຮັບລາງວັນຜູ້ປະກອບກອບການແມ່ຍິງດີເດັ່ນອາຊຽນ ປະຈຳປີ 2023 Outstanding ASEAN Women' Entrepreneure Award 2023 (AWEN Award 2023) ງານດັ່ງກ່າວໄດ້ຈັດຂຶ້ນຕອນຄໍ່າຂອງວັນທີ ວັນທີ 2 ກັນຍາ 2023 ທີ່ ໂຮງແຮມ WJ Marriot ນະຄອນຫຼວງ ຈາກາຕາ ປະເທດອິນໂດເນເຊຍ ເຊິ່ງມີບັນດາປະເທດອາຊຽນທັງ 10 ປະເທດເຂົ້າຮ່ວມ, ໃນນາມ ສປປ ລາວ ກໍ່ຄືສະມາຄົມນັກທຸລະກິດແມ່ຍິງ ນຳໂດຍທ່ານ. ມະໂນລາ ດາລາວົງ ປະທານທີ່ປຶກສາ ສທຍ, ມີສະມາຊິກ ແລະຜູ້ຕິດຕາມເຂົ້າຮ່ວມໝົດ 32 ທ່ານ.

ມີຜູ້ໄດ້ຮັບລາງວັນດັ່ງກ່າວຈາກ 10 ປະເທອາຊຽນ ໃນນີ້ມີສະມາຊິກສະມາຄົມນັກທຸລະກິດແມ່ຍິງ ຈາກ ສປປ ລາວ ໄດ້ຮັບລາງວັນຈຳນວນ 10 ທ່ານ, ຈາກນະຄອນຫຼວງຈັນ 4 ທ່ານ, ຈາກແຂວງຄຳມ່ວນ 1 ທ່ານ, ສະຫວັນນະເຂດ 2 ທ່ານ ແລະທ່ານ ແຂວງຈຳປາສັກ 2 ທ່ານ ແລະສາລະວັນ 1 ດັ່ງລາຍຊື່ລຸມນີ້:

1. ທ່ານ ນາງ ອິນແປງ ຊາມຸນຕີ ປະທານ ບໍລິສັດ ປາກຊ່ອງພັດທະນາ ຂາອອກ-ຂາເຂົ້າ ຈຳກັດຜູ້ດຽວ, ຈາກ ແຂວງສາລະວັນ
2. ທ່ານ ນາງ ຂັນມະນີ ສຸທຳມະວົງ ອຳນວຍການສະຖາບັນການເງິນ ຈຸລະພາກທີ່ຮັບເງິນຝາກປະຕູຄໍາ, ຈາກ ນະຄອນຫຼວງວຽງຈັນ
3. ທ່ານ ນາງ ທິພາພອນ ເພັດມະນີ ຜູ້ອຳນວຍການ ບໍລິສັດທີ່ປຶກສາດ້ານການພັດທະນາ ແລະ ວິສາຫະກິດ ຈຳກັດ (DEC) ຈາກ ນະຄອນຫຼວງວຽງຈັນ
4. ທ່ານ ນາງ ຂັນທອງ ໄຊຊະນະ ຮອງສະພາບໍລິຫານ ທະນາຄານ ເອັສທີ ຈຳກັດ, ຈາກແຂວງຈຳປາສັກ
5. ທ່ານ ນາງ ຈັນທະລັງສີ ປະພັນພານິດ ຮອງປະທານ ກຸ່ມບໍລິສັດ ປະພັນພານິດ ຈຳກັດ, ຈາກ ແຂວງຈຳປາສັກ
6. ທ່ານ ນາງ ນາດຕະຍາ ສີສຸວັນ ປະທານ ບໍລິສັດ ສຸລະໄຊແຮ່-ຊາຍ ຈຳກັດຜູ້ດຽວ, ຈາກ ແຂວງຄຳມ່ວນ
7. ທ່ານ ນາງ ດາລາຄຳ ໄຊຍະວົງ ອຳນວຍການ ໂຮງງານອຸດສາຫະກໍາໂຕໂຢລາວ ຈໍາກັດຜູ້ດຽວ, ຈາກ ນະຄອນຫຼວງວຽງຈັນ
8. ທ່ານ ນາງ ວິລະຄຳ ສະຫວັນວາລີ ຮອງປະທານ ບໍລິສັດ ສະຫວັນວາລີ ການຄ້າ ສະຫວັນວາລີ ຂາອອກ-ຂາເຂົ້າ
ຈຳກັດ, ຈາກ ແຂວງສະຫວັນນະເຂດ
9. ທ່ານ ນາງ ຂັນແກ້ວ ມາດມະນີສອນ ເຈົ້າຂອງຮ້ານ ອານິຕາ ຜ້າໄໝ, ຈາກ ແຂວງສະຫວັນນະເຂດ
10. ທ່ານ ນາງ ເພັງ ແສງດາລາ ອຳນວຍການ ບໍລິສັດ ມະໄລພອນ ການຄ້າ ຈຳກັດຜູ້ດຽວ, ຈາກນະຄອນຫຼວງວຽງຈັນ

แชร์