ບໍລິສັດ ພູເບ້ຍ ມາຍນິງ ປຸກລະດົມການປ້ອງກັນໄຂ້ເລືອດອອກ

ບໍລິສັດ ພູເບ້ຍ ມາຍນິງ ແລະບັນດາຊຸມຊົນທ້ອງຖິ່ນແຂວງໄຊສົມບູນ ໄດ້ຮ່ວມມືປຸກລະດົມການປ້ອງກັນໄຂ້ຍຸງລາຍເພື່ອຮັບມືຕໍ່ຈໍານວນຕົວເລກທີ່ເພີ່ມຂຶ້ນທົ່ວປະເທດ.

ການປຸກລະດົມແມ່ນໄດ້ຈັດຂຶ້ນຢູ່ສຸກສາລາບ້ານນໍ້າໂມ້ ແລະບ້ານນໍ້າຍອນ ໂດຍມີຜູ້ເຂົ້າຮ່ວມຮັບຊາບຂໍ້ມູນຈາກພະນັກງານ ແພດຂອງບໍລິສັດກ່ຽວກັບການປ້ອງກັນໄຂ້ຍຸງລາຍ. ຂໍ້ມູນລວມມີການປິດຖັງເກັບນໍ້າດ້ວຍຝາປິດ, ການເທນໍ້າອອກຈາກເຄື່ອງໃຊ້ຄົວເຮືອນທີ່ບໍ່ໄດ້ໃຊ້ ແລະການນອນໃນມຸ້ງກັນຍຸງ.

ອີງຕາມສູນຂໍ້ມູນຂ່າວສານການແພດສຸຂະສຶກສາຂອງກະຊວງ ສາທາລະນະສຸກ, ຈໍານວນ ຜູ້ເປັນໄຂ້ຍຸງລາຍໃນລາວ ໄດ້ເພີ່ມຂຶ້ນຫຼາຍກວ່າ 23,000 ກໍລະນີ ທົ່ວປະເທດ ເຊິ່ງຫຼາຍໆກໍລະນີແມ່ນໄວໜຸ່ມ ແລະເດັກນ້ອຍ. ບັນດາຊຸມຊົນທ້ອງຖິ່ນ ແມ່ນແນະນໍາໃຫ້ພົວພັນຫາແພດໝໍຢູ່ສຸນ ສາລາໃກ້ບ້ານພວກເຂົາເພື່ອຮັບການປິ່ນປົວໄຂ້ຍຸງລາຍ.

ທ່ານ ດາລິງ ເຊັງ, ຜູ້ອໍານວຍການ ແລະປະທານບໍລິ ຫານບໍລິສັດ ແພນອອສ໌ ກ່າວກ່ຽວ ກັບບໍລິສັດ ພູເບ້ຍ ມາຍນິງ ທີ່ໃຫ້ບູລິມະສິດດ້ານສຸຂະພາບຂອງບັນດາຊຸມຊົນ.

ທ່ານ ເຊັງ ກ່າວວ່າ: “ພວກເຮົາ ສືບຕໍ່ໃຫ້ບູລິມະສິດສຸຂະພາບຂອງບັນດາຊຸມຊົນທີ່ຢູ່ໃກ້ເຂດດໍາເນີນງານຂອງພວກເຮົາໂດຍການສະໜອງຂໍ້ມູນທີ່ຈໍາເປັນເພື່ອ ປ້ອງກັນປະຊາຊົນຈາກການເປັນໄຂ້ຍຸງລາຍ. ການໃຫ້ຂໍ້ມູນມີມາດຕະການເຝົ້າລະວັງເພື່ອສະກັດກັ້ນການແຜ່ພັນຍຸງລາຍອ້ອມແອ້ມບ້ານຂອງພວກເຂົາໃນໄລຍະທີ່ມີສະພາບການແຜ່ລະບາດຂອງໄຂ້ເລືອດອອກໃນປະເທດ”

ທ່ານ ຈັນເພັງ ບຸນນະຜົນ, ປະທານບໍລິສັດ ພູເບ້ຍ ມາຍນິງ ກ່າວຕື່ມວ່າ: “ຈຸດສຸມຂອງພວກເຮົາແມ່ນເພື່ອຮັບປະກັນໃຫ້ຜູ້ເຂົ້າຮ່ວມຈາກບ້ານມີສະຕິໃນການນໍາໃຊ້ມາດຕະການສະກັດກັ້ນເພື່ອຢຸດການແຜ່ລະບາດຂອງໄຂ້ ເລືອດອອກເພື່ອໃຫ້ພວກເຂົາສາມາດຮັກສາສຸຂະພາບໃຫ້ແຂງແຮງ ແລະພະລະນາໄມທີ່ດີ.”

• 04/09/2023