ມອບ-ຮັບໂຮງຮຽນ ປະຖົມສຶກສາແກ້ງຊຽງ ເມືອງເຟືອງ

ວັນທີ 26 ຜ່ານມາທ່ານ ອິນທີ ເດືອນສະຫວັນ ປະທານກຸ່ມ ບໍລິສັດ ອິນທີຣາກຣຸບ ນຳພາທີມງານ ສ້າງກິດຈະກຳທາສີ ປະກອບສ່ວນໃນການສ້າງສະພາບແວດລ້ອມທີ່ດີ ແລະມອບ-ຮັບ ( ຫ້ອງຮຽນໃຫມ່) ໃຫ້ແກ່ນ້ອງໆນັກຮຽນ ບ້ານແກ້ງຊຽງ ເມືອງເຟືອງ ແຂວງວຽງຈັນ ໂດຍໃຫ້ການຕ້ອນຮັບຕ່າງໜ້າທ່ານ ໄຊ ຄຸນວິໄຊ ອຳນວຍການໂຮງຮຽນປະຖົມສຶກສາແກ້ງຊຽງ.

ໂອກາດດັ່ງກ່າວທ່ານ ອິນທີ ເດືອນສະຫວັນ ໃຫ້ຮູ້ວ່າ: ກ່ອນອື່ນຕ້ອງຂໍຂອບໃຈລູກຄ້າ, ຫມູ່ຄູ່, ອ້າຍເອື້ອຍນ້ອງທີມງານທີ່ປະກອບສ່ວນທັງວັດຖຸ, ເຮື່ອແຮງ, ເວລາການສ້າງກິດຈະກຳນີ້ແມ່ນເງີນກວ່າ 250 ລ້ານກີບ ທີ່ພວກເຮົາລະດົມກັນໃນງານສະຫລອງຮ້ານອາຫານຂອບໃຈເດີ ຄົບຮອບ 25 ປີ ຜູ້ລະເລັກລະນ້ອຍບວກໃສ່ບັນດາສະປອນເຊີພວກເຮົາສາມາດປັບປຸງສະພາບແວດລ້ອມຂອງການຮໍ່າຮຽນຂອງນ້ອງໃຫ້ດີຂື້ນ.

ສ່ວນທາງໂຮງຮຽນເພິ່ນກໍ່ຂອບໃຈທາງທີມງານ ແລະສັນຍາຈະນຳໃຊ້ອາຄານເປັນສະຖານທີ່ດັ່ງກ່າວເປັນບ່ານຮຽນຮູ້ ແລະສ້າງພັດທະນາຊັບພະຍາກອນມະນຸດໂດຍສະເພາະລູກຫຼານປະຊາຊົນບ້ານແກ້ງຊຽງ.

แชร์