ທໍາລາຍຕົ້ນກະທ້ອມ ທີ່ປະຊາຊົນປູກໄວ້

ການມົ້ວສຸມກິນດື່ມໃບ ແລະນໍ້າກະທ້ອມເປັນສິ່ງທີ່ຜິດກົດຫມາຍ ແລະເຮັດໃຫ້ມີປະກົດການຫຍໍ້ທໍ້ຫຼາຍຢ່າງທີ່ຕາມມາ, ຊຶ່ງໃນວັນທີ 29 ສິງຫາ 2023 ນີ້ຫ້ອງການ ປກສ ບໍລິການປະຊາຊົນຈຸດ V ສົບທົບກັບ ອຳນາດການປົກຄອງບ້ານໂຢງ ເມືອງຊະນະສົມບູນ ແຂວງຈຳປາສັກ ລົງທຳລາຍຕົ້ນກະທ້ອມທີ່ປະຊາຊົນປູກໄວ້ຈໍານວນ 4 ຕົ້ນຢູ່ 3 ຈຸດຄື: ຈຸດທີ1 ແມ່ນຢູ່ບໍລິເວນເຮືອນຂອງ ທ້າວ ວອນ ອາຍຸ 55 ປີ ອາຊີບຊາວນາ ປະຊາຊົນບ້ານໂຢງ ເມືອງຊະນະສົມບູນ ແຂວງຈຳປາສັກ ພົບເຫັນ 1 ຕົ້ນ ສູງປະມານ 10 m ຮອບວົງຕົ້ນປະມານ 40 cm.

• ຈຸດ 02 ແມ່ນຢູ່ບໍລິເວນດິນເຮືອນຂອງ ນາງ ຂໍ ອາຍຸ 58 ປີອາຊີບຊາວນາ ປະຊາຊົນບ້ານໂຢງ ເມືອງຊະນະສົມບູນ ແຂວງຈຳປາສັກ ພົບເຫັນ 1 ຕົ້ນ ສູງປະມານ 2,5 m ຮອບວົງຕົ້ນປະມານ 30cm.
• ຈຸດທີ່ 03 ພົບເຫັນຢູ່ບໍລິເວນເຮືອນຂອງທ້າວ ແດງ ແກ້ວສຸລິນ ອາຍຸ 60 ປີ ປະຊາຊົນບ້ານໂຢງ ເມືອງຊະນະສົມບູນ ແຂວງຈຳປາສັກ ພົບເຫັນ 02 ຕົ້ນ ສູງ 1,5 m ຮອບວົງຕົ້ນປະມາບ 6 cm.
ທ່ານ ພັຕ ພູວັນ ອີນທອງໄຊ ຮອງຫົວໜ້າຫ້ອງການ ປກສ ບໍລິການປະຊາຊົນ ຈຸດທີ V ຜ່ານມາແມ່ນໄດ້ສຶກສາອົບຮົມກຸ່ມຄົນທີ່ດື່ມນໍ້າໃບກະທ້ອມ ຈໍານວນ 7 ຄົນ ພ້ອມນັ້ນຍັງໄດ້ຕິດຕາມສະພາບປະກົດການຫຍໍ້ທໍ້ດັ່ງກ່າວໃນເຂດຄວາມຮັບຜິດຊອບຂອງຕົນຢ່າງຕໍ່ເນື່ອງ.
(ຂ່າວ ຖວທ ເມືອງຊະນະສົມບູນ)

แชร์