ອຸດົມໄຊ ຈູດທໍາລາຍອຸປະກອນການພະນັນຫລາຍປະເພດ

ວັນທີ 28 ສິງຫາ 2023 ກອງບັນຊາການ ປກສ ແຂວງອຸດົມໄຊ ຈູດທໍາລາຍຂອງກາງຄະດີປະເພດອຸປະກອນການພະນັນທີ່ຕ້ອງຫ້າມຫລາຍລາຍການໃນນີ້ມີຕູ້ເກມ 3 ໜ່ວຍ, ໜ້າຈໍ 66 ເຄື່ອງ, ເຕົາໝູນ 2 ເຕົາ, ໄພ້ 8 ແກັດ, ມີ 1.179 ຊຸມ, ອີກ 340 ຊຸດ ແລະ14 ກັບ, ຕູ້ປາ ແລະຕູ້ປາສະລັອດ 6 ໜ່ວຍ, ໂຕະແຈກໄພ້ 9 ໂຕະ, ໂຕະເກມຍິງປາ 3 ຊຸດ, ໂຕະເກມເສືອ-ມັງກອນ ຫລົງຟູ 2 ໂຕະ, ໂຕະການພະນັນໝາຈຽງ ຫລືໄພ້ນົກກະຈອກເທບ 2 ຊຸດ, ຕູ້ຢອດຫຼຽນ 3 ຕູ້, ໂຕະໄພ້ໝາກກະຈອກ 1 ໂຕະ ແລະຂອງກາງກ່ຽວຂ້ອງອື່ນໆອີກຈໍານວນໜຶ່ງ.

ອຸປະກອນການພະນັນຈໍານວນດັ່ງກ່າວແມ່ນເຈົ້າໜ້າທີ່ກົມຕໍາຫຼວດສືບສວນ-ສອບສວນ ກະຊວງປ້ອງກັນຄວາມສະຫງົບສົມທົບກັບເຈົ້າໜ້າທີ່ກອງບັນຊາການ ປກສ ແຂວງອຸດົມໄຊ ໄດ້ລົງມ້າງເປົ້າໝາຍມີການບໍລິການຫຼິ້ນການພະນັນ 4 ຈຸດຂອບເຂດເທສະບານເມືອງໄຊ ແຂວງອຸດົມໄຊ ໃນວັນທີ 28 ກໍລະກົດ 2023, ໃນນີ້ ຢູ່ຫົວໜ່ວຍທຸລະກິດໂຮງແຮມ 3 ຈຸດ, ສາມາດກັກຕົວເປົ້າໝາຍມີສ່ວນກ່ຽວຂ້ອງໃຫ້ການບໍລິການຫຼິ້ນການພະນັນ (ຕູ້ເກມໄຟຟ້າ) ໄດ້ 5 ຄົນພ້ອມທັງຍຶດຂອງກາງອຸປະກອນການພະນັນອີກຫລາຍປະເພດ.

แชร์