ຈັບ 3 ພໍ່, ແມ່, ລູກ ພ້ອມຢາບ້າ 2.000 ກວ່າເມັດ ແລະປືນແຕ່ງ 2 ກະບອກ

ໃນວັນທີ 24 ສິງຫາ 2023 ທີ່ຜ່ານມາ, ເຈົ້າໜ້າທີ່ປະຈໍາຈຸດກວດກາ ບ້ານນາດີ​ ເມືອງວຽງທອງ ແຂວງບໍລິຄຳໄຊ ໄດ້ພົບເຫັນລົດເປົ້າໝາຍທີ່ຕ້ອງສົງໃສ (ປະເພດລົດຈັກ) ຈຶ່ງໄດ້ສະແດງຕົວລັດກວດກາລົດຄັນດັ່ງກ່າວ​ ແລະພົບເຫັນຂອງກາງຢາບ້າຈຳນວນ 03 ຖົງ, ມີ 600 ເມັດ ທີ່ຊຸກເຊື່ອງໃນເບາະລົດຈັກຜູ້ກ່ຽວ,

ຜ່ານການສອບຖາມຈີ່ງຮູ້ວ່າເປົ້າໜາຍຊື່ທ້າວ ໃຢ ວ່າງ ອາຍຸ 31 ປີ ອາຊີບກຳມະກອນ ໃນມື້ດຽວກັນນັ້ນເຈົ້າໜ້າທີ່ວິຊາສະເພາະ ປກສ ເມືອງວຽງທອງ, ໄດ້ສົມທົບກັບ ປກສ ກຸ່ມ ນາຊວງ, ໄອຍະການເຂດ 02 ປະຈຳເມືອງວຽງທອງ, ເຂົ້າມ້າງກຸ່ມເປົ້າໝາຍຄ້າ-ຂາຍຢາເສບຕິດ (ຢາບ້າ) ຢູ່ເຮືອນທ້າວ ເຢີວ່າງ ບ້ານຫີນໂງ່ນ ເມືອງວຽງທອງ ແຂວງບໍລິຄຳໄຊ ສາມາດຈັບຕົວເປົ້າໝາຍໄດ້ 03 ຄົນ, ຍິງ 01 ຄົນ ຄື: ທ້າວ ເຢີ ວ່າງ (ຜົວ) ອາຍຸ 40 ປີ , ນາງ ວື່ ຊົ່ງ (ເມຍ) ອາຍຸ 30 ປີ ແລະທ້າວ ອາລີ ວ່າງ (ລູກ) ອາຍຸ 17 ປີ ອາຊີບປະຊາຊົນ ພ້ອມກວດຄົ້ນເຮືອນພົບເຫັນຂອງກາງຢາບ້າ ຈໍານວນ 2,265 ເມັດ, ປືນແຕ່ງ 02 ກະບອກ, ຈັກສະຕິນ 02 ເຄື່ອງ,

ຈາກນັ້ນເຈົ້າໜ້າທີ່ວິຊາສະເພາະຈື່ງໄດ້ກັກຕົວພວກກ່ຽວທັງ 03 ມາ ປກສ ເມືອງ ເພື່ອດຳເນີນຄະດີຕາມລະບຽບກົດໝາຍ.

cr. ສະຖານີ-ວິທະຍຸ ເມືອງວຽງທອງ

แชร์