ລັດຖະບານ-ວິສາຫະກິດ ຮ່ວມໃຈກັນຕ້ານໄພນໍ້າຖ້ວມ ແລະຊ່ວຍເຫຼືອໄພນໍ້າຖ້ວມ

ບໍລິສັດ ຊີໂນ-ອາກຣີ ໂປຕາສ ພ້ອມດ້ວຍບໍລິສັດຄູ່ຮ່ວມກໍ່ສ້າງນິຄົມໄດ້ມອບເງິນຊ່ວຍເຫຼືອຕ້ານໄພນໍ້າຖ້ວມໃຫ້ແກ່ລັດຖະບານລາວ ມູນຄ່າ 4,49 ຕື້ກີບ.

ໃນໄລຍະຫຼັງໆນີ້ຍ້ອນໄດ້ຮັບຜົນກະທົບຈາກລົມພາຍຸໄຕ້ຝຸ່ນໄດ້ເຮັດໃຫ້ເກີດໄພພິບັດນໍ້າຖ້ວມຢ່າງຮູນແຮງຢູ່ຫຼາຍເຂດຂອງ ສປປ ລາວ, ພື້ນຖານໂຄງລ່າງໄດ້ຮັບຄວາມເສຍຫາຍຢ່າງໜັກໜ່ວງ, ທັງຊີວິດ ແລະຊັບສິນຂອງປະຊາຊົນລ້ວນໄດ້ຮັບຜົນກະທົບ. ການເວລາແມ່ນຊີວິດ, ໄພພິບັດແມ່ນຄຳສັ່ງ ແລະໃນເວລາທີ່ຫຍຸ້ງຍາກລຳບາກນີ້, ບໍລິສັດ ຊີໂນ-ອາກຣີ ໂປຕາສ ໄດ້ເປັນຄູ່ຮ່ວມລົມຫາຍໃຈ, ຄູ່ຮ່ວມຊະຕາກຳ, ຄູ່ຮ່ວມຮຽງໃຈ, ສາມັກຄີເປັນອັນໜື່ງ, ພ້ອມກັນຜ່ານຜ່າອຸປະສັກ.

ໃນວັນທີ 6 ສິງຫາ ບໍລິສັດ ຊີໂນ-ອາກຣີ ໂປຕາສ ໄດ້ຈັດຕັ້ງເພື່ອຍື່ນມືເຂົ້າຊ່ວຍເຫຼືອທັນທີ, ໂດຍມອບເຄື່ອງຊ່ວຍເຫຼືອໄພພິບັດນໍ້າຖ້ວມຄັ້ງທຳອິດໃຫ້ແກ່ຫອ້ງວ່າການປົກຄອງແຂວງຄຳມ່ວນ ຈຳນວນເງີນ 100 ລ້ານກີບ ເພື່ອຮັບປະກັນຊີວິດການເປັນຢູ່ພື້ນຖານຂອງປະຊາຊົນພາຍໃນທ້ອງຖິ່ນ ແລະສົ່ງ​ຄວາມ​ອົບ​ອຸ່ນ​ຄວາມ​ຫວັງໃຫ້​ແກ່​ປະຊາຊົນ​ຢູ່​ເຂດ​ປະສົບ​ໄພ. ພ້ອມ​ກັນ​ນັ້ນ, ກໍ່​ໄດ້​ເອົາ​ໃຈ​ໃສ່​ຕິດຕາມສະພາບ​ໄພພິບັດ​ຢ່າງ​ຕໍ່ເນື່ອງ ເຫັນເຖິງສະພາບ​ໄພພິບັດ​ຍັງ​ສືບ​ຕໍ່​ແຜ່​ລາມ​ອອກ​ໄປ, ການ​ນຳ​ທຸກ​ຂັ້ນ​ຂອງ​ລັດຖະບານ​ລາວ​ໄດ້​ລົງ​ຕິດຕາມພ້ອມ​​ຊີ້​ນຳວຽກງານໃນການ​ຕ້ານ​ໄພ​ນໍ້າ​ຖ້ວມ ​ແລະວາງ​ແຜນ​ກໍ່ສ້າງ​ຄືນ​ໃໝ່ໃນພື້ນທີ່ດັ່ງກ່າວ. ເມື່ອ​ສະຖານະການໄພພິບັດຮຸນແຮງຂຶ້ນຕໍ່ເນື່ອງ, ພື້ນທີ່​ປະຊາຊົນ​ທີ່​ໄດ້​ຮັບ​ຜົນ​ກະທົບ​​ແຜ່ລາມຂະຫຍາຍອອກໄປ, ປະຊາຊົນໄດ້​ຮັບຄວາມເສຍຫາຍ​ໜັກໜ່ວງບໍ່ວ່າ​ທາງ​ດ້ານ​ຮ່າງກາຍ ແລະດ້ານຈິດ​ໃຈ. ໃນວັນທີ 11 ສິງຫາ ບໍລິສັດ ຊີໂນ-ອາກຣີ ໂປຕາສ ໄດ້ມອບເງິນຊ່ວຍເຫຼືອຈຳນວນເງີນ 2,5 ຕື້ກີບ ໃຫ້ລັດຖະບານລາວອີກຄັ້ງ, ພ້ອມດຽວກັນນັ້ນ, ໄດ້ຈັດຕັ້ງລະດົມທຶນຈາກບໍລິສັດຄູ່ຮ່ວມກໍ່ສ້າງ ເຊິ່ງສາມາດລະດົມທືນຊ່ວຍເຫຼືອຕ້ານໄພນໍ້າຖ້ວມໄດ້ຈຳນວນເງີນ 1,89 ຕື້ກີບ,ນີ້ສະແດງໃຫ້ເຫັນເຖິງການທຸ້ມເທຊ່ວຍເຫຼືອເຂດປະສົບໄພແຕ່ຍັງເປັນການຊ່ວຍເຫຼືອວຽກງານສ້າງສາບ້ານເຮືອນຄືນໃໝ່ໂດຍການປະຕິບັດຕາມປະເພນີສືບທອດອັນດີງາມຂອງຈີນທີ່ວ່າ “ ເມື່ອໜື່ງທາງໄດ້ຮັບຄວາມຫຍຸ້ງຍາກທຸກທິດທາງຈະໃຫ້ການຊ່ວຍເຫຼືອ” ນີ້ເປັນການສະແດງໃຫ້ເຫັນວ່າບໍລິສັດມີຄວາມຮັບຜິດຊອບຕໍ່ສັງຄົມ.

ໄພນໍ້າຖ້ວມບໍ່ມີຄວາມປານີແຕ່ຄົນມີຄວາມປານີ,​ ຝົນຕົກເປັນເວລາຫຼາຍມື້ຕໍ່ເນື່ອງໄດ້ດືງໜ່ວງຈິດໃຈຂອງປະຊາຊົນລາວທົ່ວປະເທດ, ເຊິ່ງທ່ານນາຍົກລັດຖະມົນຕີ ໄດ້ລົງພື້ນທີ່ແຂວງຄຳມ່ວນເພື່ອຊີ້ນຳ ແລະຕິດຕາມຢ່າງໃກ້ຊິດ. ໃນຕອນຄໍ່າຂອງວັນທີ 11 ສິງຫາ, ບໍລິສັດ ຊີໂນ ອາກຣີ ໂປຕາສ ແລະຜູ້ຕາງໜ້າບໍລິສັດຄູ່ຮ່ວມກໍ່ສ້າງ ໄດ້ເຂົ້າຮ່ວມພິທີມອບ-ຮັບເງິນຊ່ວຍເຫຼືອຜູ້ປະສົບໄພນໍ້າຖ້ວມ ໂດຍມີທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ສປປລາວ ເຂົ້າຮ່ວມໃນພິທີ, ເຊິ່ງບໍລິສັດໄດ້ມອບເງິນຊ່ວຍເຫຼືອໃຫ້ແກ່ລັດຖະບານຂັ້ນສູນກາງ ຈຳນວນເງີນ 1 ຕື້ກີບ, ມອບໃຫ້ອຳນາດປົກຄອງແຂວງຄຳມ່ວນ ຈຳນວນເງີນ 1.5 ຕື້ກີບ ແລະລະດົມທືນຈາກບໍລິສັດຄູ່ຮ່ວມກໍ່ສ້າງໄດ້ຈຳນວນເງີນ 1,89 ຕື້ກີບ ນີ້ກໍ່ເພື່ອຊ່ວຍເຫຼືອພື້ນຟູເຂດພື້ນທີ່ທີ່ໄດ້ຮັບໄພພິບັດເພື່ອໃຫ້ປະຊາຊົນໃນເຂດດັ່ງກ່າວສາມາດກັບມາມີຊີວິດການເປັນຢູ່ໃນສະພາບປົກກະຕິໄດ້ໄວໆ. ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ, ທ່ານ ນາງ ໃບຄຳ ຂັດທິຍະ ລັດຖະມົນຕີກະຊວງແຮງງານ ແລະສະຫວັດດີການສັງຄົມ ແລະ ທ່ານ ວັນໄຊ ພອງສະຫວັນ ເຈົ້າແຂວງໆຄຳມ່ວນ ຮ່ວມກັນເປັນສັກຂີພະຍານໃນພິທີມອບ-ຮັບເງິນບໍລິຈາກຄັ້ງນີ້ພ້ອມທັງຕາງໜ້າໃຫ້ລັດຖະບານລາວ ແລະປະຊາຊົນລາວ ຂື້ນກ່າວຄຳປາໄສ ສະແດງເຖີງການຕີລາຄາສູງ ແລະຂອບໃຈຢ່າງຈິງໃຈ ມາຍັງບໍລິສັດທີ່ໄດ້ໃຫ້ " ຄວາມຮັກແພງທີ່ບໍ່ມີພົມແດນ ແລະ ການເສຍສະລະອຸທິດຕົນ" ໃນຈຸດເວລາອັນສຳຄັນນີ້, ຢືນຢັນ​​ບົດບາດ​ທີ່​ເປັນ​ແບບ​ຢ່າງ​ຂອງບໍລິສັດຊີໂນ-ອາກຣີ ໂປຕາສ ໃນ​ການ​ຊ່ວຍ​ເຫຼືອ​ພັດທະນາ​ເສດຖະກິດ​ຂອງ​ລາວ ​ແລະຊຸກຍູ້​ການ​ສ້າງສາ​ຊີວິດ​ການ​ເປັນ​ຢູ່​ຂອງ​ປະຊາຊົນ​ລາວ ​ແລະຫວັງ​ວ່າ​ບໍລິສັດຊີໂນ-ອາກຣີ ໂປຕາສ ຈະ​ມີ​ບົດບາດໃນການສະແດງສັກກະຍາພາບ ແລະ ຕອບແທນລັດຖະບານ ແລະປະຊາຊົນ ສປປ ລາວ​​ເພີ້ມຂື້ນຕື່ມ​ອີກ.

ບໍລິສັດ ຊີໂນ ອາກຣີ ໂປຕາສ ໄດ້ຕັ້ງຫຼັກປັກຖານຢູ່ປະ​ເທດ​ລາວ​​ເປັນ​ເວລາ​ສິບ​ກວ່າ​ປີ, ໂດຍຍຶດ​ໝັ້ນ​ແນວ​ຄວາມ​ຄິດ​ພັດ​ທະ​ນາ​ຢ່າງ​ສະ​ເໝີ​ຕົ້ນ​ສະ​ເໝີ​ປາຍ “ເຄົາລົບນັບຖື, ປະສານກົມກຽວ, ປະ​ຕິບັດຕົວຈິງ, ມີໄຊຊະນະຮ່ວມກັນ”, ບໍ່ພຽງແຕ່ເປັນຜູ້ຊຸກຍູ້ການພັດທະນາອຸດສາຫະກຳຂອງລາວໃຫ້ເຂັ້ມແຂງເທົ່ານັ້ນ, ແຕ່ຍັງເປັນຜູ້ຊຸກຍູ້ການພັດທະນາກະສິກຳທັນສະໄໝ ແລະ ການຫັນເປັນຕົວເມືອງ ແລະ ເປັນຜູ້ປະກອບສ່ວນໃນວຽກງານທາງສັງຄົມທຸກປະເພດອີກດ້ວຍ. ການຕ້ານໄພນໍ້າຖ້ວມຄັ້ງນີ້ບໍລິສັດ​ແມ່ນຢູ່​ໃນ​ເຮືອ​ລຳ​ດຽວ​ກັນ​ກັບ​ລັດຖະບານ​ ​ແລະປະຊາຊົນລາວໃນ​​ເຂດ​ປະສົບ​ໄພ​ພິ​ບັດ, ເຊິ່ງໄດ້ຊ່ວຍ​ເຫຼືອ​ເຊິ່ງກັນແລະກັນ,ພ້ອມກັນຕ້ານ​ໄພ​ນໍ້າຖ້ວມ ແລະ ປະຕິບັດ​​ບົດບາດ​ຂອງ​ພັນທະ​ມິດ​​ເພື່ອຊ່ວຍ​ໃຫ້​ປະຊາຊົນ​ລາວ​ຟື້ນ​ຟູ​ການ​ຜະລິດ​ຄືນ​ໃໝ່​ໂດຍ​ໄວ, ຊຸກຍູ້​ການ​ພັດທະນາ​ລະດັບ​ສູງ​ຂອງ​ປະ​ເທດ​ລາວ, ​ແບ່ງ​ປັນ​ຜົນ​ປະ​ໂຫຍ​ດ​ໃຫ້​ແກ່​ປະຊາຊົນ​ລາວ, ປະກອບສ່ວນເຂົ້າໃນຄູ່ຮ່ວມຊະຕາກຳ​ປະຊາ​ຄົມ​ຂອງສອງຊາດ ລາວ-ຈີນ ​ໃຫ້​ຫຼາຍ​ຍິ່ງຂຶ້ນ.

• 24/08/2023