ເມືອງພູຄູນ ທຳລາຍສິນຄ້າໝົດອາຍຸ-ເສື່ອມຄຸນ 22 ລາຍການ

ວັນທີ 21 ສິງຫາ 2023 ນີ້​ ຫ້ອງການອຸດສາຫະກຳ ແລະການຄ້າ ເມືອງພູຄູນ ແຂວງຫລວງພະບາງ ຮ່ວມກັບຄະນະສະເພາະກິດຂັ້ນເມືອງທຳລາຍສິນຄ້າທີ່ໝົດອາຍຸ-ເສື່ອມຄຸນນະພາບ ແລະສິນຄ້າເກືອດຫ້າມ.​

ສິນຄ້າທີ່ນຳມາທຳລາຍໃນຄັ້ງນີ້ ປະກອບມີ: ສິນຄ້າໝົດອາຍຸ-ເສື່ອມຄຸນ ປະເພດເຄື່ອງດື່ມ, ໝີ່, ເຂົ້າໜົມ, ເຄື່ອງປຸງອາຫານ, ນົມ, ຢາແກ້ປວດ ແລະອື່ນໆຈໍານວນໜຶ່ງ ລວມທັງໝົດ 22 ລາຍການ, ຄິດເປັນມູນຄ່າທັງໝົດ 14 ລ້ານກວ່າກີບ ເຊິ່ງເປັນສິນຄ້າໝົດອາຍຸທີ່ຄະນະສະເພາະກິດໄດ້ລົງເຄື່ອນໄຫວກວດກາ ແລະຢຶດຈາກບັນດາຮ້ານຄ້າ, ຮ້ານຂາຍເຄື່ອງຍ່ອຍ ແລະຕະຫລາດ 28 ຮ້ານ ພາຍໃນເມືອງ ເພື່ອເປັນການປົກປ້ອງສິດຂອງຜູ້ບໍລິໂພກ ແລະຮັບປະກັນຄວາມປອດໄພ.

ພາບ-ຂ່າວ: ຂ່າວສານເມືອງພູຄູນ

• 23/08/2023