2 ປີເຄີ່ງເສດຖະກິດຂອງແຂວງຈໍາປາສັກຍັງສືບຕໍ່ຂະຫຍາຍຕົວຢ່າງຕໍ່ເນື່ອງ
ທ່ານ ປອ. ວິໄລວົງ ບຸດດາຄໍາ ເຈົ້າແຂວງໆຈໍາປາສັກ ກ່ວຕໍ່ກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນແຂວງຊຸດທີ2 ໃນວັນທີ 21 ສິງຫາ 2023 ໃຫ້ຮູ້ວ່າ: ເສດຖະກິດຂອງແຂວງຍັງສຶບຕໍ່ຢ່າງຕໍ່ເນື່ອງ ຜະລິດຕະພັນພາຍໃນ GDP ປະຕິບັດໄດ້ 6 ໝື່ນກວ່າຕື້ກີບ, ທຽບໃສ່ແຜນປະຕິບັດໄດ້ 53,44%, ອັດຕາການຂະຫຍາຍຕົວຂອງເສດຖະກິດ ຈາກ 3,58% ໃນປີ 2021 ເພີ່ມຂື້ນບໍ່ຫລຸດ 5% ໃນປີ 2023, ສະເລຍຕໍ່ຫົວຄົນຈາກ 29,93 ລ້ານກີບໃນປີ 2021 ມາເປັນ 42,6 ລ້ານກີບໃນປີ 2023.
ສະເພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໃນ 6 ເດືອນຕົ້ນປີ 2023 ສາມາດສ້າງມູນຄ່າລວມຍອດຜະລະດຕະພັນພາຍໃນ ປະຕິບັດໄດ້ 1ໝື່ນ 6 ພັນກວ່າຕື້ກີບ, ທຽບໃສ່ແຜນປະຕິບັດໄດ້ 49,4%, ສະເລ່ຍຕໍ່ຫົວຄົນໄດ້ 1.213 ໂດລາສະຫະລັດຕໍ່ຄົນ ຫລື ເທົ່າກັບ 21,04 ລ້ານກີບຕໍ່ຄົນ, ເຮັດໃຫ້ຄົນປະກອບເສດຖະກິດຂະແໜງກະສີກໍາ ແລະ ປ່າໄມ້ກວມ 45,79%, ຂະແໜງອຸດສາຫະກໍາ ກວມ 14,31% ແລະ ຂະແໜງບໍລິການກວມ 39,9% ຂອງ GDP.
ອັດຕາເງິນເຟີ້ໃນ 6 ເດືອນຕົ້ນປີ 2023 ສະເລ່ຍຢູ່ໃນລະດັບ 39,3% ເມື່ອທຽບໃສ່ໄລຍະດຽວເພີ່ມຂື້ນ 28%, ເນື່ອງຈາກວ່າການອ່ອນຄ່າຂອງເງິນກີບ ທຽບກັບເງິນຕາຕ່າງປະເທດກະທົບໃສ່ສິນຄ້າ, ໂດຍສະເພາະແມ່ນສິນຄ້ານໍາເຂົ້າທີ່ຍັງໜີງຕີງສູນທຽບໃສ່ໄລຍະດຽວກັນຂອງປີຜ່ານມາ, ອັດຕາແລກປ່ຽນເມື່ອທຽບໃສ່ໄລຍະດຽວ ເຫັນວ່າມີການເໜັງຕີງ ເງິນກີບອ່ອນຄ່າ 39,46% ມາເປັນ 17.339 ກີບຕໍ່ໂດລາສະຫະລັດ ແລະ ເງິນກີບທຽບໃສ່ເງິນບາດອ່ອນຄ່າ 80,79%( ຈາກ 396,04 ກີບຕໍ່ຕໍ່ບາດມາເປັນ 518 ກີບຕໍ່ບາດ.
ທີ່ມາ: ໂພທິລາດ
