ຍອດຜູ້ເສຍຊີວິດຈາກນ້ຳຖ້ວມໃນອີຣານ 70 ກວ່າຄົນ

 ທາງການອີຣານເລັ່ງອົບພະຍົບຄົນອອກຈາກຫຼາຍໝູ່ບ້ານ ແລະ ເມືອງທີ່ມີຄວາມສ່ຽງນໍ້າຖ້ວມຫຼັງຈາກມີຝົນຕົກໜັກ ຂະນະທີ່ຍອດຜູ້  ເສຍຊີວິດທົ່ວປະເທດຈາກນໍ້າຖ້ວມເພີ່ມເປັນ 70 ກວ່າຄົນແລ້ວ.

ສຳນັກຂ່າວຕ່າງປະເທດຈາກນະຄອນຫຼວງເຕເຮຣານລາຍງານໃນວັນ ທີ 6 ເມສາຜ່ານມາວ່າ ຍອດຜູ້ເສຍຊີວິດຈາກນ້ຳຖ້ວມໃນອີຣານເພີ່ມຂຶ້ນ 70 ກວ່າຄົນ ໝູ່ບ້ານ 1.900 ແຫ່ງ ໄດ້ຮັບຄວາມເດຶອດຮ້ອນຮຸນແຮງ ຫຼັງ ຈາກເກີດຝົນຕົກໜັກຜິດປົກກະຕິເມື່ອບໍ່ດົນມານີ້, ສົ່ງຜົນໃຫ້ຍົກຍ້າຍປະຊາ ຊົນ ໃນແຂວງຄູເຊສຖານທາງຕາເວັນຕົກສ່ຽງໃຕ້ຂອງປະເທດເພີ່ມອີກ 6 ເມືອງ ກວມເອົາ 4.000.000 ຄົນ ຈາກຈຳນວນປະຊາກອນໃນແຂວງດັ່ງ ກ່າວ ປະມານ  5 ລ້ານຄົນ. ປະຈຸບັນລະດັບນ້ຳໃນເຂື່ອນຂະໜາດໃຫຍ່ຫຼາຍແຫ່ງໃນພື້ນທີ່ໃກ້ຄຽງບັນຈຸເກີນລະດັບທີ່ຮອງຮັບໄວ້ຈົນອາດສົ່ງຜົນ ໃຫ້ຕ້ອງມີການເປີດປະຕູລະບາດນ້ຳໃນໄວໆນີ້.

ລັດຖະບານອີຣານຮັບປາກຈະຈ່າຍເງິນຊົດເຊີຍໃຫ້ປະຊາຊົນໂດຍສະ ເພາະແມ່ຊາວກະສິກອນທີ່ພືດຜັກ-ໝາກໄມ້ເສຍຫາຍເພາະນໍ້າຖ້ວມ ຂະ ນະນີ້ເລີ່ມສົ່ງໜ່ວຍແພດເຄື່ອນທີ່ໄປຍັງແຂວງທີ່ປະສົບໄພແລ້ວ ເພາະລະ ດັບນໍ້າເລີ່ມຫຼຸດລົງ.

ນສພ ເສດຖະກິດ-ສັງຄົມ

• 09/04/2019