ເຂົ້ານາປີ ໃນແຂວງຄໍາມ່ວນ ເສຍຫາຍ 3.323 ເຮັກຕາ ຍ້ອນນໍ້າຖ້ວມ

ຕາມການໃຫ້ຂໍ້ມູນຈາກຂະແໜງປູກ, ພະແນກກະສິກໍາ ແລະປ່າໄມ້ແຂວງຄໍາມ່ວນ ໃນວັນທີ 15 ສິງຫາ 2023 ໃຫ້ຮູ້ວ່າ: ຈໍານວນບ້ານທີ່ໄດ້ຮັບຜົນກະທົບຈາກນໍ້າຖ້ວມ 10 ຕົວເມືອງທົ່ວແຂວງມີ 167 ບ້ານ, ຈໍານວນຄອບຄົວທີ່ຖືກຜົນກະທົບມີ 8.215 ຄອບຄົວ. ເນື້ອທີ່ນາປີ 2023 ຕາມແຜນການ 89.848 ເຮັກຕາ, ເນື້ອທີ່ປັກດໍາຕົວຈິງ 84.668 ເຮັກຕາ, ເນື້ອທີ່ຖືກຖ້ວມ 10.060 ເຮັກຕາ, ເນື້ອທີ່ເສຍຫາຍ 3.323 ເຮັກຕາ.

ພືດລະດູຝົນປີ 2023 ເນື້ອທີ່ຕາມແຜນ 12.745 ເຮັກຕາ, ເນື້ອທີ່ປູກຕົວຈິງ 13.785 ເຮັກຕາ, ເນື້ອທີ່ຖືກຖ້ວມຜັກຕ່າງໆ 196,16 ເຮັກຕາ, ເນື້ອທີ່ເສຍຫາຍພືດຜັກ 10,16 ເຮັກຕາ, ເນື້ອທີ່ຖືກຖ້ວມມັນຕົ້ນ 2.409,42 ເຮັກຕາ, ເນື້ອທີ່ເສຍຫາຍມັນຕົ້ນ 1.176 ເຮັກຕາ.

ດ້ານກົນຈັກກະສິກໍາລົດໄຖນາເດີນຕາມ 708 ຄັນ, ລົດໄຖຟອດ 02 ຄັນ, ໂຮງສີເຂົ້າຂະໜາດກາງ 20 ໂຮງ, ໂຮງສີເຂົ້າຂະໜາດນ້ອຍ 167 ໂຮງ, ຈັກປັ່ນເຂົ້າເສຍຫາຍ 05 ເຄື່ອງ, ເລົ້າເຂົ້າເປືອກເສຍຫາຍ 559 ເລົ້າ, ເຕົາຢາສູບເສຍຫາຍ 47 ເຕົາ.
ທີ່ມາ: ຂ່າວແຂວງຄຳມ່ວນ

แชร์