ໄພນໍ້າຖ້ວມທີ່ບໍ່ປານີ ແຕ່ຄົນຍັງມີນໍ້າໃຈ, ເມື່ອພົບວິກິດສະແດງຄວາມຮັບຜິດຊອບ ບໍລິສັດ ຊີໂນ-ອາກຣີ ໂປຕາສ ຈໍາກັດ ບໍລິຈາກສິ່ງຂອງຊ່ວຍເຫຼືອທ້ອງຖິ່ນທີ່ປະສົບໄພ

ໃນໄລຍະນີ້, ພາຍຸໃຕ້ຝຸ່ນດູຊູຣີ “Dusuri” ໄດ້ສ້າງຄວາມເສຍຫາຍຢ່າງຫຼວງຫຼາຍໃຫ້ແກ່ບາງທ້ອງຖິ່ນໃນລາວ, ໂດຍສະເພາະຢູ່ແຂວງຄຳມ່ວນ ແລະແຂວງສະຫວັນນະເຂດ ໄດ້ປະສົບກັບດິນຟ້າອາກາດຝົນຕົກໜັກຢ່າງຕໍ່ເນື່ອງ, ເຮັດໃຫ້ເກີດອຸທົກກະໄພ, ເຮືອນຊານຖືກນຳ້ຖ້ວມ, ດິນພູເຈື່ອນ ແລະຖະໜົນຫົນທາງໄດ້ຮັບຄວາມເສຍຫາຍ ສົ່ງຜົນກະທົບຢ່າງໜັກໜ່ວງໃຫ້ແກ່ປະຊາຊົນໃນທ້ອງຖິ່ນ.

“ໄພພິບັດເປັນເລື່ອງທີ່ບີບຫົວໃຈຄົນ, ໃນຍາມທີ່ລໍາບາກກໍຕ້ອງໃຫ້ຄວາມຊ່ວຍເຫຼືອ”, ເມື່ອຢູ່ທິດໃດໜຶ່ງພົບກັບໄພພິບັດອີກແປດທິດກໍຈະມາຊ່ວຍເຫຼືອ. ບໍລິສັດ ຊີໂນ-ອາກຣີ ໂປຕາສ ຈໍາກັດ ທີ່ເປັນວິສະຫະກິດຫຼັກແຫຼ່ງເມື່ອໄດ້ຊາບຂ່າວອຸທົກກະໄພກໍໄດ້ລົງເຄື່ອນໄຫວທັນທີ ແລະຈັດການຊ່ວຍເຫຼືອ. ໃນຕອນເຊົ້າວັນທີ 6 ສິງຫາ ນີ້ ຢູ່ທີ່ຈຸດຮັບເຄື່ອງຊ່ວຍເຫຼືອຂອງຫອ້ງວ່າການປົກຄອງແຂວງຄໍາມ່ວນໄດ້ຈັດພິທີມອບຮັບເຄື່ອງຊ່ວຍເຫຼືອງວດທໍາອິດຂອງ ບໍລິສັດ ຊີໂນ-ອາກຣີ ໂປຕາສ ຈໍາກັດ, ເຊິ່ງລວມມີມູນຄ່າ 100 ລ້ານກີບ, ບໍລິສັດຈະປະກອບສ່ວນໃຫ້ການຊ່ວຍເຫຼືອຢ່າງເຕັມທີ່ເພື່ອບັນເທົາແລະຕໍ່ສູ້ກັບໄພນຳ້ຖ້ວມຂອງເຂດທີ່ໄດ້ຮັບຜົນກະທົບຢ່າງຮ້າຍແຮງ, ໂດຍຖືເອົາການປະຕິບັດຕົວຈິງ ມາຜັນຂະຫຍາຍແນວຄວາມຄິດການພັດທະນາ ແລະປະຕິບັດຄວາມຮັບຜິດຊອບຕໍ່ສັງຄົມຂອງບໍລິສັດ. ທ່ານ ແກ້ວອຸດອນ ຮອງເຈົ້າແຂວງຄຳມ່ວນ ພ້ອມດ້ວຍບັນດາທ່ານການນໍາທີ່ກ່ຽວຂ້ອງ, ທ່ານ ຈູ້ ຊ່ຽງລີ, ຮອງອໍານວຍການ, ທ່ານ ຫຼິວ ເຟີຍຫຼຸງ, ຜູ້ຈັດການຝ່າຍບໍລິຫານຂອງບໍລິສັດ ຊີໂນ-ອາກຣີ ໂປຕາສ ຈໍາກັດ ກໍໄດ້ເຂົ້າຮ່ວມພິທີມອບຮັບເຄື່ອງຊ່ວຍເຫຼືອຄັ້ງນີ້.

ບໍລິສັດ ຊີໂນ-ອາກຣີ ໂປຕາສ ຈໍາກັດ ແມ່ນວິສາຫະກິດຂະໜາດໃຫ່ຍຂອງຈີນທີ່ມາລົງທຶນພັດທະນາຢູ່ລາວ, ແຕ່ໃດມາບໍລິສັດໄດ້ຖືແນວຄວາມຄິດແຫ່ງການພັດທະນາ “ການເຄົາລົບນັບຖື, ການເຊື່ອມໂຍງ, ການປະຕິບັດຕົວຈິງ ແລະ ການພ້ອມກັນຊະນະ” ແລະ ການຮ່ວມລົມຫາຍໃຈ, ຮ່ວມຊະຕາກໍາ, ຮ່ວມຈິດຮ່ວມໃຈ, ຊ່ວຍເຫຼືອເຊິ່ງກັນແລະກັນ, ທຸ້ມເທກໍາລັງແຮງ ແລະຮ່ວມກັນພັດທະນາ ໄປຄຽງຄູ່ກັບລັດຖະບານ ແລະປະຊາຊົນລາວ. ໃນການພັດທະນາຊັບພະຍາກອນຢູ່ ສປປ ລາວ, ບໍລິສັດ ໄດ້ຕັ້ງໜ້າພັດທະນາເສດຖະກິດ-ສັງຄົມຄືນໃຫ້ແກ່ທ້ອງຖິ່ນ.ຊີໂນ-ອາກຣີ ໂປຕາສ ມີຄວາມກະຕືລຶລົ້ນແບກຫາບພາລະຄວາມຮັບຜິດຊອບຕໍ່ສັງຄົມ,ປະຕິບັດພາລະກິດສາທາລະນະປະໂຫຍດ,ໃນດ້ານແຮງງານສ້າງວຽກເຮັດງານທໍາ, ການສຶກສາ,ການປິ່ນປົວ,ການແກ້ໄຂຄວາມທຸກຍາກ ແລະອື່ນໆແມ່ນໄດ້ສ້າງເງື່ອນໄຂທີ່ມີຄຸນນະພາບສູງໃຫ້ແກ່ປະຊາຊົນໃນທ້ອງຖິ່ນ ແລະໄດ້ປັບປຸງຊິວິດການເປັນຢູ່ຂອງປະຊາຊົນ, ປະກອບສ່ວນເຫື່ອແຮງຂອງຕົນເພື່ອການພັດທະນາເສດຖະກິດ-ສັງຄົມໃນທ້ອງຖິ່ນ, ເປັນແຮງຍູ້ການພັດທະນາແບບຍືນຍົງແຫ່ງ “ການແບ່ງປັນອະນາຄົດ, ການຮ່ວມມືທີ່ຕ່າງຝ່າຍຕ່າງຮັບຜົນປະໂຫຍດ” ລະຫວ່າງລາວ-ຈີນ.

ໃນພິທີມອບຮັບເຄື່ອງຊ່ວຍເຫຼືອທ່ານ ແກ້ວອຸດອນ ຮອງເຈົ້າແຂວງຄຳມ່ວນ ໄດ້ສະແດງຄວາມຂອບໃຈມາຍັງ ຊີໂນ-ອາກຣີ ໂປຕາສ ທີ່ໃຫ້ການສະໜັບສະໜູນ ແລະ ຊວ່ຍເຫຼືອແຂວງຄຳມ່ວນ ມາໂດຍຕະຫຼອດ, ໃນເວລາແຫ່ງຄວາມລໍາບາກຈາກໄພພິບັດນໍ້າຖ້ວມນີ້ ບໍລິສັດ ຊີໂນ-ອາກຣີ ໂປຕາສ ໃນນາມວິສະຫະກິດຫຼັກແຫຼ່ງກໍໃຫ້ການຕອບສະໜອງແຕ່ຫົວທີ, ໃຫ້ການບໍລິຈາກເງິນແລະເຄື່ອງຊ່ວຍເຫຼືອ, ປະກອບສ່ວນສະໜັບສະໜູນໃຫ້ແກ່ຜູ້ປະສົບໄພໃນທ້ອງຖິ່ນເພື່ອບັນເທົາທຸກແລະພື້ນຟູຫຼັງໄພພິບັດ, ເຊິ່ງເປັນການພິສູດໃຫ້ເຫັນດ້ວຍການປະຕິບັດຕົວຈິງວ່າ ຊີໂນ-ອາກຣີ ໂປຕາສ ເປັນບໍລິສັດທີ່ມີຄວາມຮັບຜິດຊອບຕໍ່ສັງຄົມ. ທ່ານ ຈູ້ ຊ່ຽງລີ, ຮອງອໍານວຍການບໍລິສັດໄດ້ກ່າວວ່າໄພພິບັດແມ່ນຂາດຄວາມປານີ, ແຕ່ຄົນເຮົາແມ່ນມີຄວາມຮັກ. ຊີໂນ-ອາກຣີ ໂປຕາສ ເປັນບໍລິສັດວິສະຫະກິດຈີນທີ່ລົງທຶນພັດທະນາຢູ່ລາວມີຄວາມຮັບຜິດຊອບແລະມີຄວາມສາມາດໃນການຊ່ວຍເຫຼືອປະຊາຊົນລາວໃນທ້ອງຖິ່ນຜ່ານຜ່າຄວາມຫຍຸ້ງຍາກ, ຕັ້ງໜ້າປະກອບສ່ວນເຂົ້າໃນພາລະກິດສາທາລະນະປະໂຫຍດຂອງລາວ.

ເປັນເວລາດົນນານທີ່ ຊີໂນ-ອາກຣີ ໂປຕາສ ໄດ້ທຸ້ມເທທັງແຮງກາຍແຮງໃຈເພື່ອສ້າງຮາກຖານ ແລະເຮັດແທ້ທໍາຈິງເພື່ອປະຕິບັດແນວຄວາມຄິດວັດທະນະທຳ: “ລາວ-ຈີນ ຮັກແພງກັນເໝືອນໃນຄອບຄົວດຽວ”, ໂດຍຍຶດໝັ້ນຄ່ານິຍົມຂອງບໍລິສັດ: “ຮັບຜິດຊອບ, ສັດຈະທໍາ, ຕໍ່ສູ້, ປະດິດສ້າງ ແລະ ອົດທົນ” ຕັ້ງໜ້າປະຕິບັດໜ້າທີ່ຮັບຜິດຊອບຕໍ່ສັງຄົມຂອງບໍລິສັດ, ຊຸກຍູ້ການພັດທະນາເສດຖະກິດ-ສັງຄົມໃນລາວໃຫ້ມີຄຸນນະພາບສູງ. ພວກເຮົາຈະສືບຕໍ່ຕິດຕາມສະຖານະການຂອງອຸທົກກະໄພ ແລະລົງເຮືອລໍາດຽວກັບປະຊາຊົນທີ່ໄປສົບໄພພິບັດເພື່ອຜ່ານຜ່າຟ້າຝົນແຫ່ງຄວາມລໍາບາກ,ຈະໃຊ້ຄວາມຮັກມາສ້າງກຳແພງເຫຼັກສະກັດກັ້ນໄພພິບັດ ແລະຈະໃຊ້ຄວາມຈິງໃຈມາແລກປ່ຽນກັບຄວາມຜາສຸກຂອງພີ່ນອ້ງປະຊາຊົນໃນເຂດປະສົບໄພ, ພ້ອມກັນເອົາຊະນະກັບການຕໍ່ສູ້ທີ່ຍາກລຳບາກໃນການຄວບຄຸມອຸທົກກະໄພ,ເພື່ອປະກອບສ່ວນສະຕິປັນຍາ ແລະເຫື່ອແຮງເຂົ້າໃນການສ້າງເປັນຄູ່ຮ່ວມຊາຕະກໍາລະຫວ່າງລາວ-ຈີນ.

• 10/08/2023