ເສັ້ນທາງຫຼວງແຫ່ງຊາດ ແລະທາງຫຼວງທ້ອງຖິ່ນ ຢູ່ແຂວງຫົວພັນທີ່ຖືກຜົນກະທົບຈາກພາຍຸໄດ້ຮັບການແກ້ໄຂສຸກເສີນໄປແລ້ວບາງຈຸດ

ເລີ່ມແຕ່ວັນທີ 3-6 ສິງຫາ 2023 ຍ້ອນໄດ້ຮັບຜົນກະທົບຈາກພະຍຸ ແລະຝົນຕົກໜັກຫຼາຍວັນຕິດຕໍ່ກັນໄດ້ເຮັດໃຫ້ບັນດາເສັ້ນທາງຫຼວງແຫ່ງຊດ ແລະເສັ້ນທາງຫຼວງທ້ອງຖິ່ນ ພາຍໃນແຂວງຫົວພັນ ຖືກດີນເຈື່ອນທັບຖົມ, ນໍ້າຖ້ວມ, ນໍ້າເຊາະຂາດ ເປັນຈຳນວນຫຼາຍຮອດປະຈຸບັນພາກສ່ວນກ່ຽວຂ້ອງສາມາດການແກ້ໄຂໄດ້ຫຼາຍຈຸດ ເຮັດໃຫ້ການເດີນທາງ ໄປ-ມາ ໄດ້ໂດຍພື້ນຖານໃນນີ້ທາງຫຼວງແຫ່ງຊາດ: ເສັ້ນທາງເລກ 6 ຊ່ວງ ພູເລົ້າ-ຊໍາເໜືອ, ໄດ້ມີດີນເຈື່ອນຕົ້ນໄມ້ຫັກທັບທາງຈໍານວນຫຼາຍຈຸດແຕ່ກໍ່ພໍໄປມາໄດ້ ແລະ າເຊາະໜ້າທາງຂາດ 1 ຈຸດ ຢູ່ບ້ານພ່າວ ກມ 35 ບໍ່ສາມາສັນຈອນໄປມາໄດ້ຈຸດທາງເເວັ້ນ; ມາຮອດປະຈຸບັນໄດ້ແກ້ໄຂສໍາເລັດ ແລະ ສາມາດສັນຈອນໄປມາໄດ້ໂດຍພື້ນຖານແລ້ວ. ເສັ້ນທາງເລກ 1C (ຊາຍແດນຫຼວງພະບາງ-ເມືອງຮ້ຽມ-ນໍ້າເນີນ), ມີດິນເຈື່ອນ ຕົ້ນໄມ້ຫັກທັບທາງຫຼາຍຈຸດ ມາຮອດປັດຈຸບັນຍັງບໍ່ສາມາດເປີດການສັນຈອນ ໄປ-ມາໄດ້ ຄາດວ່າອີກປະມານ 2-3 ວັນ ຈຶ່ງຈະແກ້ໄຂສໍາເລັດ ແລະສາມາດເປີດການສັນຈອນໄດ້ໂດຍພື້ນຖານ.

ເສັ້ນທາງເລກ 6A ( ຊ່ວງສາມແຍກຫາງລ້ອງ-ສົບເບົາ ) ມີດິນເຈື່ອນ ຕົ້ນໄມ້ຫັກທັບທາງ 1 ຈຸດ ມາຮອດປະຈຸບັນໄດ້ແກ້ໄຂສໍາເລັດ ແລະສາມາດສັນຈອນໄປມາໄດ້ໂດຍພື້ນຖານ. ທາງຫຼວງທ້ອງຖິ່ນ: ເສັ້ນທາງ ຈາກເມືອງຮ້ຽມ-ເມືອງຊ່ອນ-ແລ່ງແບ່ງ ຊາຍແດນຫວຽດນາມ, ມີດິນເຈື່ອນຕົ້ນໄມ້ຫັກທັບທາງຫຼາຍຈຸດປະຈຸບັນກໍາລັງແກ້ໄຂຢູ່ ຊ່ວງເມືອງເມືອງຮ້ຽມ-ເມືອງຊ່ອນ ຄາດວ່າອີກປະມານ 1-2 ວັນ ຈຶ່ງຈະແກ້ໄຂສໍາເລັດ ແລະ ສາມາດເປີດການສັນຈອນໄດ້ໂດຍພື້ນຖານ; ຊ່ວງເມືອງຊ່ອນ- ແລ່ງແບ່ງ ຊາຍແດນຫວຽດນາມ ຖ້າຫາກຝົນເຊົາຕົກ ແລະ ບໍ່ມີດິນເຈື່ອນລົງມາອີກ ຄາດວ່າອີກປະມານ 3-4 ວັນ ຈຶ່ງຈະແກ້ໄຂສໍາເລັດ; ເສັ້ນທາງຈາກຊໍາເໜືອ-ບ້ານຫ້ວຍມ້າ-ເມືອງຊ່ອນ, ຊ່ວງຈາກຊໍາເໜືອ-ບ້ານຫ້ວຍມ້າມີດິນເຈື່ອນ, ຕົ້ນໄມ້ຫັກທັບທາງຈຸດບ້ານເມືອງຢືດ ແລະມີອີກຫຼາຍຈຸດທີ່ຖືກຜົນກະທົບ ປະຈຸບັນໄດ້ແກ້ໄຂສໍາເລັດ ແລະ ສາມາດສັນຈອນໄປມາໄດ້ໂດຍພື້ນຖານແລ້ວ. ຊ່ວງ ບ້ານຫ້ວຍມ້າ-ເມືອງຊ່ອນ, ກໍາລັງເກັບກໍາຂໍ້ມູນ ເພື່ອວາງແຜນໃນການແກ້ໄຂ. ເສັ້ນທາງຈາກຮາມໃຕ້-ຊາງຄໍາ,ເສັ້ນດັ່ງກ່າວສົ້ນຂົວຖືກນໍ້າເຊາະຂາດ ຈໍານວນ 1 ຈຸດ ( ກມ ທີ 7 ), ປະຈຸບັນຍັງລໍຖ້າໃຫ້ປະລິມານນໍ້າລຸດລົງກ່ອນຈຶ່ງຈະສາມາດແກ້ໄຂ ແລະ ຖົມດິນໄດ້. ນອກຈາກນັ້ນກໍ່ຍັງມີອີກຫຼາຍຈຸດທີ່ໄດ້ຮັບຜົນກະທົບແຕ່ກໍ່ສາມາດສັນຈອນໄໄປມາໄດ້ຢູ່. ສ່ວນມູນຄ່າຄວາມເສຍຫາຍວິຊາການຂະແໜງຂົວທາງພະແນກ ຍທຂ ແລະຫ້ອງການ ຍທຂ ບັນດາເມືອງ ທີ່ໄດ້ຮັບຜົນກະທົບກຳລັງຈະໄດ້ລົງເກັບກໍາຂໍ້ມູນລະອຽດແລ້ວຈຶ່ງລາຍງານຂັ້ນເທີງຕາມຂັ້ນຕອນ ແລະລະບຽບການ.

ຂ່າວ: ແອັດມິນແຂວງຫົວພັນ

แชร์