ອົງການກາແດງແຫ່ງຊາດລາວ ຊ່ວຍເຫຼືອຜູ້ປະສົບໄພນໍ້າຖ້ວມຢູ່ແຂວງບໍລິຄຳໄຊ

ວັນທີ 6 ສິງຫານີ້ ອົງການກາແດງແຫ່ງຊາດລາວໄດ້ສົ່ງພະນັກງານ ແລະອາສາສະໝັກໜ່ວຍກູ້ໄພສຸກເສີນ 1625, ອົງການກາແດງແຫ່ງຊາດລາວສົມທົບກັບອົງການກາແດງແຂວງບໍລິຄໍາໄຊ ໃນການເຂົ້າໄປຊ່ວຍປະຊາຊົນເຂດບ້ານນາເຄື່ອໃນ, ເມືອງປາກກະດິງ ແຂວງບໍລິຄໍາໄຊ ທີ່ຖືກຜົນກະທົບຈາກໄພນໍ້າຖ້ວມ ມີທ່ານຮອງເຈົ້າເມືອງ, ຜູ້ປະສານງານຂັ້ນເມືອງ, ອຳນາດການປົກຄອງຂັ້ນບ້ານ ແລະປະຊາຊົນເຂົ້າຮ່ວມ; ເຊິ່ງເຄື່ອງທີ່ນຳມາຂ່ວຍເຄື່ອງໃນຄັ້ງນີ້ມີເຮືອທ້ອງແບນພ້ອມຈັກ 1 ລຳ (ສຳລັບໃຊ້ສຸກເສີນ), ເຄື່ອງຊ່ວຍເຫຼືອບັນເທົາທຸກ100 ຊຸດ, ນໍ້າດື່ມ 100 ແພັກ ແລະ ເຄື່ອງບຳບັດນໍ້າ AP700 (ທາງແຂວງກະກຽມ) ເພື່ອຜະລິດນໍ້າສະອາດໃຫ້ປະຊາຊົນໄດ້ນຳໃຊ້ຊົວຄາວ.

แชร์