ເຫດດິນເຈື່ອນເຂດພູໄຮ ເມືອງຄູນຄໍາ ຍັງບໍ່ສາມາດສະຫຼຸບໄດ້ກ່ຽວກັບຄົນເຈັບ ແລະສູນຫາຍ

ວັນທີ​ 7 ສິງຫາ​ 2023 ນີ້​, ທີມງານທະຫານກອງພັນ 617 ໄດ້ອອກຊອກຄົ້ນຊ່ວຍເຫຼືອຈາກໄພນໍ້າຖ້ວມ ແລະດິນເຈື່ອນເຂດພູໄຮ ເມືອງຄູນຄໍາ ແຂວງຄໍາມ່ວນ (ຍັງບໍ່ສາມາດສະຫຼຸບໄດ້ວ່າຄົນຫາຍຈັກຄົນ ແລະບາດເຈັບເສຍຊີວິດຈັກຄົນ), ເພາະຊອກຄົ້ນບໍ່ເຫັນຄົນ.

ທ່ານ ແກ້ວວິໄລ ໄຊຍະບຸດ ເຈົ້າເມືອງຄູນຄຳ ແຂວງຄຳມ່ວນ ໃຫ້ສຳພາດ ຕໍ່ສື່ມວນຊົນ ໃນວັນທີ 6 ສິງຫາ 2023 ນີ້ວ່າ: ລົດທີ່ຕິດຄ້າງ ຈຳນວນ 110 ຄັນ, ມີລົດບັນທຸກ 95 ຄັນ, ລົດກະບະ 13 ຄັນ, ລົດເມ 1 ຄັນ, ລົດຈົກ 1 ຄັນ ໃນນັ້ນ, ຕົກເຫວ 5 ຄັນ ມີລົດບັນທຸກ 3 ຄັນ, ລົດກະບະ 1 ຄັນ, ລົດເມ 1 ຄັນ. ໃນຂະນະທີ່ມີຜູ້ຕິດຄ້າງຢູ່ບໍລິເວນດັ່ງກ່າວ, ປະມານ 70 ກວ່າຄົນ.

ປະຈຸບັນສາມາດນຳເອົາຄົນທີ່ຕິດຄ້າງ ມາຢູ່ບ່ອນປອດໄພແລ້ວ, ແຕ່ຍັງມີຜູ້ສູນຫາຍ ຄົນຫວຽດນາມ 1 ຄົນ (ໂຊເຟີລົດ) ຍັງບໍ່ພົບເຫັນ.

ພາບຈາກທີມກູ້ໄພອ້າຍນ້ອງທະຫານເມືອງຄູນຄໍາ

แชร์