ເອຊີລີດາ ສະຫຼອງປີໃໝ່ລາວພ້ອມອວຍພອນລູກຄ້າກວ່າ 2,6 ລ້ານຄົນ

  ວັນທີ 6 ເມສາ 2019 ທະນາຄານເອຊີລີດາລາວ ຈຳກັດ, ປະຊາທະນາຄານທີ່ທ່ານໄວ້ວາງໃຈ ແລະມີວິໄສທັດໃນການເປັນທະນາຄານ SME ຊັ້ນນຳໃນລາວ ໄດ້ຈັດງານສະເຫຼີມສະຫຼອງປີໃໝ່ລາວປີທີ 11 ເພື່ອອວຍພອນລູກຄ້າຂອງທະນາຄານທີ່ມີຫຼາຍກວ່າ 2,6 ລ້ານ ຄົນໃນລາວ, ກຳປູເຈຍ ແລະມຽນມາ ແລະປະຊາຊົນໃນທົ່ວໂລກ.

  ທະນາຄານ ເອຊີລີດາ ລາວ ຈັດເປັນທະນາຄານທຸລະກິດອັນດັບ 1 ໃນການມີສ່ວນຮ່ວມໃຫ້ວຽກເຮັດງານທຳໃນຂະແໜງການດັ່ງກ່າວແກ່ຄົນລາວ, ຊຶ່ງບໍລິ ຫານ ແລະ ພະນັກງານຫຼາຍກວ່າ 1 ພັນຄົນຈາກ 39 ສໍານັກງານໃນ 15 ແຂວງ ແລະ ເມືອງຕ່າງໆໃນ 18 ແຂວງຂອງລາວ ແລະ ການຈັດງານສະເຫຼີມສະ ຫຼອງປີໃໝ່ລາວເຊິ່ງເປັນວັນພິເສດຂອງປະຊາຊົນທຸກຄົນ, ປີໃໝ່ແຕ່ລະປີແມ່ນຖືເປັນໂອກາດໃນການປັດເປົ່າສິ່ງທີ່ບໍ່ດີທີ່ເກີດຂຶ້ນໃນປີຜ່ານມາ, ເພື່ອເຮັດບຸນ ແລະໃຫ້ໂອກາດໃນການສ້າງສິ່ງດີໆໃນປີໃໝ່ທີ່ກຳລັງຈະມາເຖິງ, ປູກຝັງຄວາມດີ ແລະ ທຳຈິດໃຈໃຫ້ບໍລິສຸດ.

  ທ່ານ ຮາຍ ສະວາຍ ຜູ້ອຳນວຍການໃຫຍ່ທະນາຄານເອຊີລີດາລາວ ຈຳກັດ ກ່າວວ່າ: “ໂຊກດີປີໃໝ່” ຫຼຶ “ສະບາຍ ດີປີໃໝ່” ໃຫ້ກັບຊາວລາວທຸກຄົນໃນທົ່ວ ໂລກເພາະໃນອາທິດທີ່ຈະມາເຖິງນີ້ຈະມີການສະເຫຼີມສະຫຼອງປີໃໝ່ໃນລາວ. ຂ້າພະເຈົ້າຂໍສະແດງຄວາມຂອບໃຈ ແລະ ຂໍອວຍພອນໄຊໃຫ້ລູກຄ້າຂອງທະນາຄາ ນເອຊີລີດາທຸກໆທ່ານໂດຍສະເພາະແມ່ນລັດຖະບານ, ເຈົ້າໜ້າທີ່ ແລະທະນາຄານແຫ່ງ ສປປ ລາວ ທີ່ໃຫ້ການແນະນຳ ແລະສະໜັບສະໜູນດ້ວຍດີຕະຫຼອດມາ, ຂໍຂອບໃຈຜູ້ຖືຮຸ້ນ, ສະພາບໍລິຫານ, ຜູ້ບໍລິຫານ ແລະພະນັກງານທຸກໆທ່ານໃຫ້ການຮ່ວມມື, ເອົາໃຈໃສ່ ແລະເຮັດວຽກເປັນທີີ່ດີ. “ TEAM: ຮ່ວມກັນທຸກຄົນປະສົບຜົນສຳເລັດຫຼາຍ” ເພື່ອເຕີບໃຫຍ່ໄປພ້ອມກັນ.

ທ່ານ ລຳພັນ ອິນສຸລິວົງ, ຫົວໜ້າພະແນກບໍລິຫານຂອງທະນາຄານເອຊີລີດາ ລາວຈຳກັດ ກ່າວວ່າ ປີໃໝ່ລາວເປັນເທດສະການທີ່ມີການສະເຫຼີມສະຫຼອງຢ່າງ ກວ້າງຂວາງ ແລະເປັນເທດສະການທີ່ມີເອກະລັກ ແລະ ມີຊື່ສຽງຂອງປະເທດລາວ. ເພື່ອຈັດງານສະເຫຼີມສະຫຼອງໃຫ້ມີຄວາມມ່ວນຊື່ນ,ເປັນນ້ຳໜຶ່ງໃຈດຽວກັນ ແລະ ມີສ່ວນຮ່ວມໃນການຮັກສາຮີດຄອງປະເພນີ ແລະ ວັດທະນະທຳຂອງລາວ, ທະນາຄານໄດ້ມີການກະກຽມຕົບແຕ່ງສຳນັກງານເພື່ອຕ້ອນຮັບແຂກທີ່ມາຮ່ວມງານ, ມີພິທີໃສ່ບາດຢາດນ້ຳ ແລະບາສີສູ່ຂວັນ, ຫຼິ້ນເກມພື້ນເມືອງຂອງລາວ, ຮັບປະທານອາຫານ ແລະເຄື່ອງດື່ມພ້ອມທັງຮ່ວມມ່ວນຊື່ນໄປກັບດົນຕີລາວໃນງານລ້ຽງຄັ້ງນີ້ດ້ວຍ. ຂ້າພະເຈົ້າຂໍຖືໂອກາດນີ້ອວຍພອນໄຊແກ່ຜູ້ບໍລິຫານ ແລະ ພະນັກງານທຸກໆທ່ານຕະຫຼອດຈົນຮອດຄອບຄົວຈົ່ງມີແຕ່ຄວາມສຸກ, ມີສຸຂະພາບແຂງແຮງ ແລະປະສັບຜົນສຳເລັດຕະຫຼອດປີໃໝ່ນີ້.

ຂ່າວ: ນສພ ເສດຖະກິດ-ສັງຄົມ

แชร์