6 ເດືອນ ພະແນກການເງິນແຂວງຜົ້ງສາລີ ເກັບລາຍຮັບໄດ້ 221,34 ຕື້ກີບ

ທ່ານ ວັນໄຊ ສຸກສັນ ຫົວໜ້າພະແນກການເງິນແຂວງຜົ້ງສາລີ ໄດ້ລາຍງານຜົນການຈັດຕັ້ງປະຕິບັດແຜນງົບປະມານແຫ່ງລັດ 6 ເດືອນຕົ້ນປີ ແລະທິດທາງ 6 ເດືອນທ້າຍປີ 2023 ຕໍ່ກອງປະຊຸມອົງການປົກຄອງແຂວງ ຄັ້ງທີ 6 ຊຸດທີ IX ໃຫ້ຮູ້ວ່າ: ການຈັດຕັ້ງປະຕິບັດລາຍຮັບງົບປະມານແຫ່ງລັດຮອດວັນທີ 30 ມິຖຸນາ 2023 ສາມາດປະຕິບັດໄດ້ທັງໝົດ 221,34 ຕື້ກີບ, ເທົ່າກັບ 56,35% ຂອງແຜນການປີ, ຖ້າທຽບໃສ່ໄລຍະດຽວກັນຂອງປີຜ່ານມາແມ່ນເພີ່ມຂຶ້ນ 9,10%.

ດ້ານລາຍຈ່າຍຖືເອົາການເບີກຈ່າຍເງິນເດືອນ, ເງິນອຸດໜູນ ແລະເງິນນະໂຍບາຍເປັນບູລິມະສິດອັນດັບໜຶ່ງໃນການຈັດຕັ້ງປະຕິບັດແຜນງົບປະມານແຫ່ງລັດ ແລະໃນ 6 ເດືອນຕົ້ນປີສາມາດປະຕິບັດລາຍຈ່າຍໄດ້ທັງໝົດ 167,10 ຕື້ກີບ, ເທົ່າກັບ 48,75% ຂອງແຜນການປີ.

ຄາດຄະເນລວມຍອດລາຍຮັບງົບປະມານທີ່ຈະປະຕິບັດຢູ່ທ້ອງຖິ່ນໃນ 6 ເດືອນທ້າຍປີ 2023 ຈະສືບຕໍ່ສູ້ຊົນໃຫ້ໄດ້ 190,31 ຕື້ກີບ, ເທົ່າກັບ 48,45% ຂອງແຜນການປີ.
(ພາບ - ຂ່າວ: ແສງຄໍາ ສາລີວັນ)

แชร์