ໄຊຍະບູລີ ວາງ 6 ຂໍ້ຫ້າມທຸລະກິດຮ້ານອາຫານ ລະເມີດຖືກປັບໃຫມ ແລະໂຈະກິດຈະການ

ແຫລ່ງຂ່າວຈາກແຂວງໄຊຍະບູລີໃຫ້ຮູ້ວ່າ: ໃນວັນທີ 24 ກໍລະກົດ 2023, ຫ້ອງການຖະແຫລງຂ່າວ, ວັດທະນະທໍາ ແລະທ່ອງທ່ຽວເມືອງໄຊຍະບູລີ ໄດ້ລົງລົງກວດກາ, ເກັບກຳຂໍ້ມູນຮ້ານອາຫານ, ຮ້ານກິນດື່ມ, ຮ້ານບັນເທີງ ແລະຄາລາໂອເກະຢູ່ພາຍໃນເມືອງຂອງຕົ້ນພ້ອມທັງເຜີຍແຜ່ຂໍ້ຫ້າມໃຫ້ກັບຮ້ານອາຫານໃນນັ້ນ 1) ຫ້າມດໍາເນີນທຸລະກິດກ່ອນໄດ້ຮັບອະນຸຍາດຢ່າງເດັດຂາດ; 2) ຫ້າມຈັດຕັ້ງການຊຸມນຸມສິ່ງທີຜິດຕໍ່ກົດໝາຍເປັນຕົ້ນແມ່ນຈັດຕັ້ງຫຼີ້ນການພະນັນທຸກປະເພດ ແລະມົ້ວສຸມຢາເສບຕິດທຸກປະເພດຢູ່ພາຍໃນສະຖານທີ່ຂອງຕົນ; 3) ຕ້ອງຮັບປະກັນຄວາມປອດໄພ ແລະຄວາມເປັນລະບຽບຮຽບຮ້ອຍພາຍໃນຮ້ານບໍ່ມີມິດປະກົດການຫຍໍ້ທໍ້; 4) ຫ້າມບໍ່ໃຫ້ຜູ້ບໍລິການອາຫານ, ເຄື່ອງດື່ມ ຫລືພະນັກງານນຸ່ງເຄື່ອງບໍ່ສຸພາບເຊັ່ນ: ນຸ່ງໂສ້ງຂາສັ້ນ, ໂສ້ງແອວຕໍ່າ, ເສື້ອສາຍດ່ຽວເຂີນສາຍບືໂດຍບໍ່ສອດຄ່ອງກັບຮີດຄອງປະເພດນີ; 5) ຕ້ອງຮັກສາສິ່ງແວດລ້ອມຄວາມສະອາດງາມຕາ ແລະ ຫ້າມບໍ່ໃຫ້ເປີດສຽງເພງດັງເກີນຂອບເຂດເປັນການລົບກວນສັງຄົມ ແລະ ເປິດບໍລິການບໍ່ເກີນເວລາ 23 :30 ໂມງ; 6) ທາງຮ້ານຕ້ອງມີເມນູຕິດລາຄາຕາມຄວາມເໝາະສົມຫ້າມສວຍໂອກາດຂຶ້ນລາຄາອາການເກີນຂອບເຂດ.

ຖ້າຫາກຜູ້ປະກອບການລະເມີດຕໍ່ຂໍ້ຫ້າມດັ່ງກ່າວຄັ້ງທໍາອິດຈະໄດ້ຕັດເຕືອນສ້າງບົດບັນທືກປັບປຸງໃຫ້ຖືກຕ້ອງຕາມກົດລະບຽບ ແລະປັບໃຫມ 1 ລ້ານກີບ ; ລະເມີດຄັ້ງທີ 2 ຈະຖືກໂຈະກິດຈະການເປັນເວລາ 3-5 ເດືອນ ພ້ອມທັງປັບໃໝ 5 ລ້ານກີບ; ລະເມີດຄັ້ງທີ 3 ແມ່ນຍົກເລີກດຳເນີນທຸລະກິດພ້ອມທັງຖອນໃບອານຸຍາດ ແລະປັບໃໝ 10 ລ້ານກີບ.

แชร์