ເສັ້ນທາງບ້ານໃຫຍ່ພັດທະນາ ນາແກວຖືກຕັດຂາດຍ້ອນຝົກຕົກຫນັກ

ແຫລ່ງຂ່າວແຂວງຈຳປາສັກລາຍງານວ່າ: ທ່ານ ຄຳພຸກ ພູມມະສິດ ນາຍບ້ານ ບ້ານໃຫຍ່ພັດທະນານາແກວ ໃຫ້ຮູ້ວ່າ: ໃນຄືນຂອງ ວັນທີ 25 ກໍລະກົດ 2023 ມີຝົນຕົກໜັກຈຶ່ງເຮັດໃຫ້ປະລິມານນໍ້າຕາມຫ້ວຍ, ຮ່ອງເພີ່ມຂຶ້ນແລ້ວໄຫລຖ້ວມເສັ້ນທາງບໍລິເວນຈຸດໃກ້ທໍ່ໃຫຍ່ຫ້ວຍໃຕ້ພາລະຄຳຖືກກະແສນໍ້າຊຸທັ່ງເຮັດໃຫ້ຈຸດເສັ້ນທາງດັ່ງກ່າວເປ່ເພຖືກຕັດຂາດເປັນຂຸມເລິກ ແລະສົ່ງຜົນເຮັດໃຫ້ການສັນຈອນໄປມາປະຊາຊົນພາຍໃນບ້ານຖືກຕັດຂາດບໍ່ສາມາດອອກສູ່ເສັ້ນທາງຫຼວງເລກທີ 13 ໃຕ້ ໄດ້ໂດຍຈຳເປັນຕ້ອງຫັນມານຳໃຊ້ເສັ້ນທາງຄຸ້ມມ່ວງແກ້ວຊົ່ວຄາວ.

ປະຈຸບັນທາງອົງການປົກຄອງບ້ານໄດ້ລົງສຳຫຼວດກວດກາເບິ່ງຜົນເສຍຫາຍຕົວຈິງໂດຍປະເມີນຜົນເສຍຫາຍເບື້ອງຕົ້ນຄາດວ່າບໍ່ຕໍ່າກວ່າ 70 ລ້ານກີບ, ນອກຈາກນັ້ນທາງອົງການປົກຄອງບ້ານຍັງໄດ້ປະສານສົມທົບກັບໜ່ວຍງານທີ່ກ່ຽວຂ້ອງຂອງແຂວງ ແລະເມືອງ ເພື່ອລົງມາຕິດຕາມ, ກວດກາຜົນເສຍຢ່າງລະອຽດ ແລ້ວຮ່ວມກັນຊອກຫາວິທາງເພື່ອປັບປຸງແກ້ໄຂຈຸດເສັ້ນທາງທີ່ເປ່ເພດັ່ງກ່າວໃຫ້ໄດ້ນຳໃຊ້ໂດຍໄວ.

แชร์