ໄພແຫ້ງແລ້ງ ເຮັດໃຫ້ເນື້ອທີ່ນາປີຢູ່ເມືອງຍົມມະລາດ ເສຍຫາຍ 370 ເຮັກຕາ

ແຫລ່ງຂ່າວຈາກ ແຂວງຄຳມ່ວນ ໃຫ້ຮູ້ວ່າ: ໃນປີ 2022 ຜ່ານມາ, ທົ່ວເມືອງຍົມມະລາດ ມີເນື້ອທີ່ປັກດຳເຂົ້ານາປີຕາມແຜນທັງໝົດ 8.600 ເຮັກຕາ, ປະຕິບັດໄດ້ຕົວຈິງ 7.654 ເຮັກຕາ ໃນນີ້ເນື້ອທີ່ຖືກຜົນກະທົບຈາກໄພແຫ້ງແລ້ງເສຍຫາຍ 370 ເຮັກຕາ. ຕໍ່ກັບບັນຫາດັ່ງກ່າວ, ຄະນະກຳມະການຄຸ້ມຄອງໄພພິບັດຂັ້ນເມືອງ ໄດ້ກໍໄດ້ເອົາໃຈໃສ່ລົງຊຸກຍູ້ປຸກ ລະດົມປະຊາຊົນໃຫ້ກະກຽມແນວພັນພືດລະດູແລ້ງ ເພື່ອປູກທົດແທນເປັນສິນຄ້າເຊັ່ນ: ໝາກຖົ່ວ, ໝາກແຕງ, ສາລີ, ມັນຕົ້ນ ແລະ ເຮັດນາແຊງ.

ໂດຍໃນວັນທີ 26 ກໍລະກົດ 2023 ນີ້ ເມືອງຍົມມະລາດ ໄດ້ຈັດກອງປະຊຸມສະຫລຸບການຈັດຕັ້ງປະຕິບັດວຽກງານຄຸ້ມຄອງໄພພິບັດຂັ້ນເມືອງ ປະຈຳປີ 2022 ແລະ ວາງທິດທາງແຜນການປີ 2023 ຂຶ້ນ ເພື່ອກຽມຄວາມພ້ອມວາງແຜນການຮັບມືໄພແລ້ງ ແລະ ໄພນໍ້າຖ້ວມທີ່ອາດຈະເກີດຂຶ້ນ ໃນປີ 2023, ທັງນີ້ກໍເພື່ອເຮັດໃຫ້ວຽກງານຄຸ້ມຄອງໄພພິບັດໄດ້ຮັບການຈັດຕັ້ງປະຕິບັດໄດ້ຮັບຜົນສຳເລັດຕາມຄາດໝາຍແນໃສ່ຫລຸດຜ່ອນການສູນເສຍດ້ານຊີວິດ ແລະຊັບສິນຂອງປະຊາຊົນ.

• 27/07/2023